سەرەکی » هەمەڕەنگ » ئاوێتەیەك لە ئەوینی حەمە جەزا

ئاوێتەیەك لە ئەوینی حەمە جەزا

نوێترین بەرهەمی هونەر حەمەجەزا بڵاوكرایەوە، بەرهەمەكە ئاوێتەیەكە لە چەندین بەرهەمی هونەرمەندی گەورە حەمە جەزا، بەرهەمەکە بەشێوەیەكی مۆدێرن كاری بۆ كراوەو پرۆژەكە پێش چوار ساڵ پلانی بۆ دانراوە، هەڵبژاردنی بەرهەمەكانیش لەلایەن هونەرمەند هونەر حەمە جەزا خۆیەوە بووە كە بریتین لە گۆرانییەكانی (شیلانە، بیبی خانم، بەلەنجە، كەژاڵ، لە كۆڵانی تەنگە)و چەند رۆژێك پێش جەژن بڵاوكرایەوە.

ئاوازی گۆرانییەكان فۆلكلۆرە كاری میوزیك و دابەشكرنی لەلایەن نزار زێوێی سەرپەرشتیاری گروپی موزیكی لوڕ بۆكراوە، بەرهەمەكەش لە ستۆدیۆی گروپی میوزیكی لوڕ تۆمارکراوەو كاری وێنەگرتنی لەلایەن كۆمپانیای ڤینۆ پرۆدەكشنەوە بۆكراوەو «ئارام سەردار» دەرهێنەرێتی. هەروەها لەم بەرهەمەدا ژەنیارانی گروپی موزیكی لوڕ کە بریتین لە (نزار زێوێی، گۆڤەند عەبدوڵڵا، كەنار تەها، كۆسار فەتاح، ئەفشین جەمال، هێسار هاوكار، میر ئامانج، جەنگین جەمال، توانا خورشید، بەختیار مستەفا) بەشداربوون.

هەژان حەسەن

 644 جار بینراوە