سەرەکی » زانست » شیكارییەكی سادەی خوێن دەیان جۆری شێرپەنجە ئاشكرا دەكات

شیكارییەكی سادەی خوێن دەیان جۆری شێرپەنجە ئاشكرا دەكات

كەشتیی نوح

دامەزراوەی خزمەتگوزاری تەندروستیی نیشتمانیی بەریتانیا سەرقاڵی شێوازێكی نوێی شیكاری خوێنن كە ئەنجامەكانی مژدە بەخشن و دەتوانێت بە كوالیتێەكی بەرز 50 جۆری شێرپەنجە لە قۆناغە سەرەتاییەكاندا ئاشكرا بكات.

زانایان و توێژەرانی دامەزراوەی خزمەتگوزاریی تەندروستیی نیشتمانیی بەریتانیا بە هاوكاری كۆمپانیایی (Grail) كە كۆمپانیایەكی ئەمریكییە و بارەگای سەرەكی لە ویلایەتە یەكگرتووەكانی ئەمریكایە گەشەیان بەجۆرە شیکارییەکی خوێن داوەو ئێستا لە قۆناغی سەرەتایی تاقیكردنەوەكاندان.

ئەو شكارییە نوێیە دەتوانێت چەند جۆرێكی شێرپەنجە لەكەسانی تەمەن سەروو (50) ساڵ و زیاتر دیاریبكات بەر لەوەی نیشانەكان دەربكەون.

لەو تاقیكردنەوەیەدا زانایان لە گۆڕانكارییە كیمیاییەكانی بەشەكانی جفرەی بۆماوەیی(ترشی ئەمینی خاڵی لە خانە ) دەكۆڵنەوە كە لە گرێیەكانەوە دزە دەكەن بۆ ناو سووڕی خوێن و ئەوەیان لەسەر (2823)كەسی توشبوو و (1254) كەسی ساغ تاقیكردەوە و بۆیان دەركەوت ڕێژەی هەڵەكردن لە دەوروبەری (0.5%)دا بووە و شیكارییەكە توانیویەتی شانە توشبووەكانی شێرپەنجە بە رێژەی (88.%) دیاری بكات.

(ئەریك كلاین) پسپۆڕی رێڕەوی میز و نەخۆشییەكانی گورچیلە لە (كلیڤلاند كلینیك) لە ویلایەتە یەكگرتوەكانی ئەمریكا وتی» ئەنجامی پۆزەتیفی تاقیكردنەوەكان لەپاڵ ئەو رێگایانەی كە ئێستا دەگیرێنەبەر بۆ دەستنیشانكردنی شێرپەنجە، یارمەتیدەر دەبن بۆ چاودێریكردنی نەخۆشییەكە و پاراستنی توشبووان و چارەسەركردنیان لە كاتێكی گونجاودا».

هەروەها دكتۆر (ماركۆ گیرلینگەر) لە پەیمانگای توێژینەوەی شێرپەنجە لە لەندەن و راوێژكاری گرێ شێرپەنجەییەكانیش وتویەتی» ئەم شیكارییە ئاسانە یارمەتیدەرە بۆ دووركەوتنەوە لە دەستنیشانكردنی هەڵە بۆ هەندێك گرێی باو وەك شێرپەنجەی ریخۆڵە و شێرپەنجەی سییەكان».

هەروەها هۆكارێكی یارمەتیدەرە بۆ ئاشكراكردنی شێرپەنجە زۆر بچووكەكان لە قۆناغە سەرەتاییەكان ودواجاریش پێشكەشكردنی چارەسەری پێویست و پێشوەختەیە.

سەرچاوە: Sky news

 292 جار بینراوە