سەرەکی » ساڵۆنی کوردستانی نوێ » ساڵۆنی کوردستانی نوێ-ش لەبارەی کۆنگرەوە قسەی جدیی هەیە

ساڵۆنی کوردستانی نوێ-ش لەبارەی کۆنگرەوە قسەی جدیی هەیە

ستران عەبدوڵڵا: هەموو لایەكتان بەخێربێن هەڤاڵان سەرچاوی كوردستانی نوێ هاتن لەم ساڵۆنە جاربەجار كۆڕ دەكەین‌و مێزگرد رێك دەخەین، ئەم مێزگردەمان خۆتان دەزانن‌و لە ئۆرگانەكانی یەكێتی نیشتمانی كوردستان كار دەكەن بابەتی هەرەسەرەكی ئەمرۆ لە ناوەوە‌و دەرەوەی یەكێتی كۆنگرەیە‌و چۆنێتی دەربازبوونی یەكێتی لەوهەل‌ومەرجەی ئێستا تێی كەوتووە لەدوای نەمانی جەنابی مام جەلال‌و ئەو كێشانەی چەند ساڵی رابردوو كەڵەكە بووە، یەكێتی نیشتمانی چ نەخشەرێگایەك بگرێتەبە‌و ئۆرگانەكانی خۆی سەر بخاتەوە هەم بەگوێرەی پەیرەوی ناوخۆی یەكێتی ئەو داهاتووەی خەڵكی كوردستان لە یەكێتی نیشتمانی دەخوازن، ئێمە ئەم مێزگردەمان بە چاك زانی وەك بەشدارییەكی كوردستانی نوێ لەو حیوارانە، ئێمە دەزانین لەناو هەموو ئۆرگانەكانی یەكێتی گفتوگۆ دەكرێت هەم بە ئیعتباری ئەوەی یەكێتی شەئنێكی گشتی كۆمەڵانی خەڵكی كوردستانە خەڵكی زۆر چاوی لە پێگەی یەكێتی كە نەمێنێ جێگاكەی بكرێتەوە، ئەم مێزگردە تەوەرێكی سەرەكیمان بۆ دیاریكردووە دەربازبوونی یەكێتی لەم بارودۆخە ئایا پلنیۆم، یان كۆنگرەیە، نەخشەرێگایەكی ترە، واتە نەك بڵێین لەناوەراستی كۆنگرە‌و پلنیۆم ئایا بەچەند نەخشەرێگا میساقی رێككەوتنی هەڤاڵانە دەتوانێ بارودۆخی خۆی ئاسایی بكاتەوە‌و بڕیار لەسەر چارەنوسی خۆی بدات بریار لەسەر بزووتنەوەی سیاسی بدات ئەم كۆمەڵە هەڤاڵانە دەستنیشانمان كردوون بۆ ئەم مێزگردە هەم لە ئاستی جیاجیای رێكخستن‌و تێكۆشانی سیاسی هەمیشە لەبەردەم كۆنگرەدا هەموو پلە‌وپایەكان دەبن بەپلە‌و پایەی هەڤاڵ ئێمە ئەم گفتوگۆیانەی هەڤاڵانەمان رێكخستووە ئەوەی كۆمان دەكاتەوە لەناو یەكێتی نیشتمانی سیفەتی هەڤاڵێتیە یەكی زووتر هاتووە یەكی درەنگتر دەگات بە هەر حاڵ هەموومان هاورێ‌و هەڤاڵی هەم كاروانەی یەكێتی نیشتمانی كوردستانین.
ئێمە رێوشوێنێكمان داناوە بۆ ئەم گفتوگۆیانە بەنەتیجە لە كوردستانی نوێ بڵاوی بكەینەوە‌و هیوادارم قەزێكان بەشەخسی نەكەین‌و ئێرە گفتوگۆیەكە‌و كۆنگرەكە نیە ئەو شیعارەی جەنابی مام جەلال پەیرەو دەكەین‌و كە دەڵێ هەر رەخنەیەك لە یەكێتی بگیرێ پێم خۆشە لە كوردستانی نوێ بڵاو بكرێتەوە، هەر قسەیەك دەیكەین بە زمانی گوڵەكە بێت.


كاك ئاودێر‌و كاك جمال‌و كاك تەحسین ئیدارەی ئەم گفتوگۆیە دەدەن.
ئازاد ئیبراهیم:
خۆشحاڵم وە لە گەرمیانەوە هاتووم من سێ رێگام داناوە راستە لە میدیا‌و فەیسبووك هەموو دەڵێ كۆنگرە خاڵێكە یەكێتی دەرباز دەكات لەم قەیرانانەی من دەڵێم نەخێر، كۆنگرە تەنها خاڵ نیە من بەسێ خاڵ قسە دەكەم، یەكەم كۆنگرە ئەوەی لەماوەی رابردوودا بینیومانە چەندێك لایەنەكانی دەرەوەی یەكێتی هێرشیان كردۆتە سەر یەكێتی خۆشمان ئەوەندەمان كردووە لە تۆرە كۆمەڵایەتیەكان دوو بەرە دەبینی بەرەی ئەلف‌و با ئەمە یەكێكە لەو كێشانەی كە ئێستا یەكێتی پێوەی دەناڵێنێ، یەك كادرمان نەبینیووە لەسەر نەبەستنی كۆنگرە چووبێتە دەرەوەی یەكێتی‌و مادەم كۆنگرە ناكرێ لیستێك رادەگەیەنم، دووەم، دڵسۆزی، واتە متمانەی جەماوەر گەڕانەوەی یەكێتی بۆلای جەماوەر دڵسۆزی‌و متمانەیە، بۆ ئێمە سەیری میدیاكانی تر دەكەین زۆرینەوەی وەجهەكان كادری یەكێتین بۆ چونكە دڵسۆزیمان نیە كادرێك دەڕوات‌و هەموو بەڵگە‌و قسەی حزب دەباتە دەرەوە واتە یەكێتی پێویستە بگەڕێتەوە بۆ دڵسۆزی، كادرمان هەیە یەكێتی لە راگەیاندنی خۆی وەرینەگرتووە چۆتە لای دەزگایەكی پارتی بە پارەیەكی باش كاردەكات.
سێیەم: دووركەوتنەوەی یەكێتی لە پارتی دیموكراتی كوردستان، سەیر بكەن ماڵپەری خواكوڕك رۆژانە هێرش دەكاتە سەر یەكێتی ئێمە تاكەی ئەمە قبوڵ بكەین تاكەی هەر نزیك ببینەوە.
من دەزانم مەعاناتی خەڵك چییە لەنزیك بوونەوە یەكێتی لە پارتی بەتایبەت لە ناوچەی گەرمیان چونكە ناسنامەی شەهیدانە. ئێمە دەبێت ئەو قۆناغە تێپەرێنین شەرمی سیاسی بكەین، سیاسیەكی شەرمنین لە ئاستی پارتی رۆژانە هێرشمان دەكاتە سەر چەندین نوسەر‌و رۆژنامەنووسمان هەیە جواب نادەنەوە بۆیە دەبێت دڵسۆز بین، كۆنگرە بەستن، دووربكەوینەوە لە پارتی.
تەحسین نامق:
دەستان خۆش بێت ئەم جۆرە گفتوگۆیانە لە زۆربەی ئۆرگانەكان دەكرێ، ئێوە بابەتێكتان باس كرد ئەگەر تۆ رێگەچارە دابنێی بەبێ دیاری كردنی كێشەكان، هەندێك كێشە لای من هەبێ لای برادەرێكی تر هەبێ كە تۆ كێشەكان دیاری كرد ئەو كاتە دەتوانی چارەسەریان بۆ بدۆزیتەوە بەڵام بەگشتی‌و بەرەئی من ئێستا یەكێتی وای لێهاتووە سیاسەتی نییە، یەكێتی پێگەی خۆی لەدەست داوە تاكو روئیای هەبێ‌و سیاسەت بكات ئەمە گەورەترین كێشەی یەكێتیە ئەمە لە نەتیجەی ئەو كێشانەی هاتووە كە یەكێتی پێگەی لاواز بووە روئیای سیاسی نیە تەنانەت وای لێهاتووە پاشكۆشە لە سیاسەتكردن كە قەت یەكێتی وا نەبووە بۆیە من لە خاڵێكەوە دەست پێدەكەم كام چارەسەر گونجاوە، كێشەی ئێستا خاوەندارێتیە لەناو یەكێتی بۆیە كێشەكان لەناو یەكێتی خاوەندارێتیە من بڕوام پێی بێ یان نا، بەرامبەر بەم كێشەیە تۆ چۆن مامەڵە دەكەیت، ئێمە حەز دەكەین ئەوانەی كێشەیان هەیە لەسەر خاوەندارێتی بێن دانیشێت تەفاهومێك بكەن‌و یەكێتی بەرنە گونجاوتر لە ئێستا بەڵام پێناچێ ئەوە هەبێت، چ فریادرەسێك هەیە ئەوە بكات لێتان ناشارمەوە ئەو فریادرەسە لە ئێستادا نیە، فریادرەس تەنها كادرە، مەكتەبی سیاسی دەستی لێ بشۆ، سەركردایەتی بەهەمان شێوە، وەرە خوارەوە كادرە كادریش بێ دەسەڵات كراوە لەناو ئەو هەموو تەنگژە‌و ئاڵۆزییە دەبێت شتێك بكرێت، هەمووی دەڵێ كۆنگرە، تۆ لەسەر خاوەندارێتی كێشەت هەیە چۆن دەچیتە ناو كۆنگرە، كۆنگرە سڕینەوەی یەكتری تیایە، ئەوان روئیایان بۆ چارەسەر‌و رێگەی یەكێتی لەدەست داوە، روئیایان بۆ شتی ترە بۆیە تەفاهوم ناكەن‌و بیر لە سڕینەوە‌و شكاندنی یەكتر دەكەنەوە. بۆیە دەبێت بیر لەوە بكەینەوە یەكێتی چۆن لەم تەنگژەیە دەرچێ‌و سیاسەت بكات وەرە لێكی بدەرەوە ئەوە گۆران رۆڵی خۆی تاقی كردەوە، كاك بەرهەم رۆی بەس بەدیلی یەكێتی نییە. مێژوویەن یەكێتی واهاتووە بۆ ئەم ناوچەیە یەكێتی زەروریەتە. بۆیە ئەگەر ئەوان نەیكەن كادر دەبێ ئەوە بكات موشكیلە ئەوەیە هەموومان دابەش بووین، ئێستا خاوەندارێتی یەكێتی دوو بنەماڵەیە هەموومان دابەش بووین بەسەریاندا ئەوانەی سەرەوە حەز دەكەن تێك بچێ‌و ئەوەی هەڵیانگرتووە برۆن خواحافیزیان بێت، بەس كادرە راستیەكە تووشی زەرەر دەبێت، بێینە خوار كۆنگرە باشترە من بۆچوونم وایە پلنیومێك بكرێت ئەگەر دەست لە پەیرەویش نەدەین دەست لە سیاسەتی یەكێتی بدەین، كاك ئازاد هەندێك شتی باسكرد كاكە ئێمە سیاسەت ناكەین بەشێك وەك پارتی‌و بەشێك وەك گۆران بیر دەكاتەوە لەو بەینەیا كەس نیە وەك یەكێتی بیر بكاتەوە. ئینجا ئەگەر بتوانین گۆڕانكاریەك بكەین بەگوێرەی پەیرەو لە پلنیوم دەتوانین گۆڕانكاری بكەین خەریكە پلنیومیش دەچێتە خانەی كۆنگرەوە بۆ قورسی لەبەرئەوە ئێمە هەموومان بێدەنگین هەتا ئێوارە بنووسە‌و چیان پێ دەڵێی بیڵێ گوێیان لەو مەسائیلانە نەماوە وای لێدێ كۆنگرە ناكرێ پلنیوم قورس دەبێ دوایی دەڵێت خۆزگە كۆبونەوەیەك بكرایە دوایی دەبێت بەدوای بەدیلدا بگەرێی.
سیروان جەلال:
سوپاس بۆ ئەو دەرفەتە ئەگەر بمانەوێت قسە لەسەر كێشەكانی یەكێتی بكەین وەك كاك تەحسین وتی دەبێت كێشەكان باس بكەین ئەوا بەدوای چارەسەردا بگەڕێین، كێشەی بونیادی یەكێتی ئەو مودێلەی یەكێتی لەسەر دروست بووە جیاوازە لە حزبەكانیتر، بۆیە یەكێتی دێ ئەم رەگەزانەی خۆی ون دەكات یان ئەو شێوازی بەڕێوەبردنی خۆی ون دەكات لەناو یەكێتی شتیێك نەماوە ناوی فكر یان ئایدیا بێ، بیری لێدەكەیتەوە، سەرلەبەری كێشەی ئەم حزبە جیاوازی فكر بێ، لە سیاسەتیشدا سیاسەتی وازح نیە یان دەڵێن مام جەلال ئەم یەكێتیەی دروست كردووە بەجۆرێك دروستی كردووە ئەگەر وەك خۆی بەڕێوەی بەری پێویستی بە مام جەلال هەیە، مام جەلال ئێستا حزوری نیە بەم سەركردە‌و ئایدیای ئێستا ناچێ بەڕێوە ئێستا ئەمە دەرهاویشتیەكانیەتی ئەمە شتێك نیە، سەرەتای بێت‌و ریگای لێبگرین یەكێتی ئێستا كادر خۆی دەیبات بەڕێوە ئەم كوردستانی نوێیە كام مەكتەبی سیاسی تەعمیمی كردووە سیاسەتی حزبەكە بەو ئاراستە بڕوات یان من لە مەكتەبی رێكخراوەكان تۆ ئاوا بیر بكەرەوە كێشەی مامۆستا شەقام خوێندكاران ئەوەی هەیە خۆمان دەیكەین لەسەرەوە بۆ خوارەوە شتێک نەماوە ناوی دیسپلین‌و بەڕێوەبردن‌و ئاراستەكردن‌و سیاسەت كردن بێ تەجەموعێكی گەورەین مێژوویەك بەیەكەوە بەستوینی مەبدەئێك هەیە خەمخۆری هەیە من شكم هەیە لەبەشی سەرەوە ئەم دڵسۆزییە هەبێ لە بەشی خوارەوە كە كادرە تا رادەیەكی باش لەناو جەماوەرەكەی زۆر زۆر زیاترە ئەگەر نا ئەوانەی لەناو یەكێتی كە ئەگەنە مەوقیعێك ئەوەی خەم بێ نە هی نیشتمان دەبنە خەمی باڵا لەبەرئەوە ئێستا بەم دۆخە خراپەی یەكێتیەوە چاوەروان بین كۆنگرە بكات یەكێتی قەیرانی متمانەی هەیە لەناو سەركردایەتی‌و قیادە‌و متمانە نیە راستە سەردەمانێك هاورێ بوون هاوسەنگەر بوون بەڵام كە حزب گەشە دەكات‌و تەمەنی ئەمانە دێت‌و مەسلەحەتی دونیای دێت ئەم شتانە هەمووی گۆڕانكاری بەسەردا دێت یەكێتی وەك تایتڵ هەیە بەڵام یەكگرتوویی نیە چەند گروپێك لەناو یەكێتی دەبینی‌و هەریەكەیان بە ستایلی خۆی دەیەوێ رابەرایەتی ئەم حزبە بكات بەمەشەوە بەم تەبیعەتە خراپەوە بەم یەك نەگرتووییەوە ناتوانیی بچینە كۆنگرە گەورەیی جەنابی مام جەلال هەبوو بەو شێوازە سیاسەتەی دەكردجار بووە كۆنگرە بۆ كۆنگرە 10 ساڵی بەین بووە بەڵام هێشتا بەوەشەوە ئەگەر رێككەوتنی پێش وەختەی نەكردبێ یەكێتی نەداوەتە دەست قەدرەوە، ئێستاش لەم قۆناغە ئەگەر كۆنگرە بكری هەڵبژاردنمان لەبەردەمە‌و ئەوكێشانەی كە لەدوای كۆنگرەوە دروست دەبێ پێنج مانگێكی دەوێ بۆ چارەسەركردنی ئەم یەكێتیە ناتوانی كێشەی ئێستا چارەسەر بكات سەرباری ئەوە دەرنەچوونی ئەندام‌و ئەوانەی بەتەماعی سەركردایەتی بوون بەو هەموو كێشانەوە رووبەرووی هەڵبژاردن ببێتەوە بەدڵنیاییەوە یەكێتی قەیرانێكی تر بۆ خۆی دروست دەكات ئەوەی من هەستی پێدەكەم سەردەمانێك بەناوی میساق شەرەفەوە پەیمانی ئاكارەوە هەر ئەوە ماوە سوێند‌و تەلاق بۆ یەكتری نەخۆن بەڵام هەر پابەند نابن بەو بەڵێنانەی كە بەیەكتری دەدەن لەبەرئەوە بەراستی زۆر ئومێدیان لێناكرێ لەو گروپەی سەرەوە چونكە خۆی نیەتی چارەسەری نیە وە گوێی ناداتێ و لەگەڵ مردنی خۆی حزبەكەشی بمرێ گوێی ناداتێ كەواتە تۆ پێویستت بە گروپێكی كە هەیە بێت لەخەمی ئەمەدا بێ ئەگەر تۆ سەیر بكەیت سەكرایەتی ئەم حزبە یەكێتیان لەپەنجا كورسیەوە هێناوتەوە سەر18 كورسی لەوانەیە لە هەڵبژاردنی داهاتووكەمتر ببێتەوە.
ئاودێر شێخ عومەر:
بەدیلەكە چیە كاك سیروان؟ نەخشەرێگا چ بكرێ؟
سیروان جەلال:
بەبڕوای من بگەڕێنەوە بۆ سەرەتای ئەم حزبە مەبدەئ‌و فكری هەبوو ئەم حزبە پێشەنگ بووە لە هەڵوێستی نیشتمانیە كەس نەیتوانیوە موزایدە بەسەر یەكێتی بكات لە سیاسەتی دروست‌و خەمی كۆمەڵگا، دەبێت یەكێتی لەژێر فشاری كادری مام ناوەند فشار بكرێت كۆنگرە دەكرێت، نەخشەرێگا دادەنرێت هێزێك فشار لەم گروپە بكات بۆئەوەی ئەوانە بخرێنەژێر لێپرسراوێتیە پێویستە متمانە دروست بكرێ‌و فشار دروست بكرێ هیچ هێزێك بەقەد یەكێتی نەخشەرێگای نەبووە‌و خۆیشی جێبەجێ ناكات پێویستە ئەم حزبە بخرێتەوە سەر سكەی خۆی ‌و هەموو خەمەكانی یەكی بخرێت‌و بەهەموومان هەوڵبدەین.
تابان شێخ عەبدوڵڵا:
میكانیزمەكە پلینیۆم یان كۆنگرە چۆن خۆمان بۆ كۆنگرە ئامادە بكەین دوو بنەماڵە هەیە هەردوولایان دیدوبۆچونی خۆیان هەیە لەسەر بەستنی كۆنگرە، لە نیوان ئەم دوانە لەناو چی هەیە كادر چی بكات ئەوەی من دەیبینم لەم حزبەدا پارتی، گۆران، هاوپەیمانی تیایە خەڵكی بێدەنگ‌و موشەخۆریشی تیدایە‌و وەكادری دڵسۆزیشی تیدایە، لەناو ئەم هەم‌و نەعەدا كامیان زۆرینەن، تو توانین زۆرینەیان هەڵبژێریت دەتوانی كۆنگرە بكەیت، ئایا بیلایەنانە كاەكان دەڕوات رێزم هەیە كادر هەیە كڕدراوە بە ئاوازی ئەو تەكەتولە قسە دەكات، لە نیوان ئەم هەموو رەنگانە ئەو كادرە دڵسۆزانە كامانەن‌و چی بكەن، من پێم باشە یەكێتیی پاك بكرێتەوە، ئەو دوو جەمسەرەی كە هەیە نامەو نامەكاری قسەیان چییە بۆ كۆنگرە یان پلینیۆم پرۆژەتان چییە با كادرەكان بڕیار لەسەر ئەوە بدەن چونكە لە ئێستادا نەمەكتەب سیاسی‌و سەركردایەتی‌و ئەنجومەنی ناوەند شەرعێتیان نەماوە ئەوەی شەرعێتی هەیە تەنها كادرە یەكێتیی ئێستا لە سەر جەماوەر‌و كادری دڵسۆز‌و كەسوكاری شەهیدان وەستاوە چونكە ئەوانە بەرژەوەندی خوازن دەبێت كادری دڵسۆز دیاری بكرێت كێشەكان چارەسەر بكرێت.
موحسین عەلی:
سوپاستان دەكەم نازانم لە كوییەوە دەست پێبكەم، ئیوە شتێكتان عەرز كردووە كۆنگرە یان پلینیۆم چارەسەرە، ئێمە دەبێـت بگەڕێینەوە بۆ ئەسڵی بابەتەكە بۆ چی ئێستا هاتوینەتە سەر ئەوەی كۆنگرە بێت یان پلینیۆم بێت، هیچیان بەو چارەسەرە نابینم كاتەی دڕەنگە، لەسەر قسەی ئەو برادەرانە مەسەلەی دڵسۆزی خاوەندارێتی‌و بۆتە بەشێك لە پارتی ئەوانە هەمووی قسەی هەقە دەوترێـت ئەوە شەرحێكە چۆن چارەسەری ئەو مەسەلانە دەكەین من پێم وانییە بە كۆنگرە چارەسەر بكرێت، كۆنگرە شتێكی زەرورییە لەو ماوەی كە دیاریكراوە دەبێـت كۆنگرە ببەسترێت بۆ ئەوەی ئەو كیشانەی دروستبووە چارەسەر بكرێت، بەڵام ئێستا ئەو تموحەی هاتۆتە پێشەوە بۆ ئەوە ئەو وەزعەی ئێستا بۆ یەكێتی‌و كوردستان هاتۆتە پێشەوە چارەسەر بكرێت هەمووی بەكادر‌و سەركردەوە داوای لێبوردن لەهەموتان دەكەم بیركردنەوەكە بۆ ئەوەیە من خۆم دەبم بەسەركردایەتی یان نابم نەخشە رێگاكەی بۆ ئەوەیە خۆی ببێت بەسەركردایەتی، ئەم وەزعە بۆ وایلێهاتووە هەموو حزبێك بە یەكێتیی نیشتمانی كوردستانیشەوە لە بنچینەیا چییە پرۆژەیەكی سیاسییە یان پرۆژەیەكی ئابوورییە هەموو حزبێك پرۆژەیەكی سیاسیە بۆ چارەسەركردنی مەوزوعێكی گەورەتر یان پرۆژەیەكی سیاسییە بەستراوەتەوە بە قەزێیەكەوە ئێمە ئەم پرۆژەیە لەسەرەتای دامەزراندنی یەكێتیی تەرحكراوە قەزێی كوردە ئەو نەهامەتیانەی بەسەر كوردا هاتووە گەشەپێدانی كوردستانە جەوێك برەخسێندرێ هەموو تاكێكی كورد لەناو ئەم وڵاتە بەئازادی سەربەرزانە بژی لەبەر ئەوە لەسەرەتای دروستبوونیەوە خەڵكێكی ئێجگار زۆری لێكۆبۆتەوە بەبێ ئەوەی ئینتیمای بۆ ئەوە حزبە هەبێت هەمووی بووە بەجەماوەری ئەو حزبە بەڵام وردە وردە وایلێهاتووە لەئەنجامی خەبات حزبی یەكەم بووە دەتوانم بڵێم لای داوە لەو رێچكەیە ئەو عەقدەی كە مەفروزە لەبەینی ئەندامانی حزبدا هەبێـت دەتوانم ناوی بنێم ئیلتیزام، ئیلتیزامە بە بیرو باوەڕ، مەبادیئ، كۆمەڵێك ئامانج، تۆ بەرچاوت روون بوو ئامانجت هەبوو خەڵك هات لەگەڵدا ئیشی كرد دەبێت ئەو بەرنامەی خۆت جێ بەجێ بكەیت لەناو جەماوەردا‌و جەماوەریش لەدەورت كۆدەبێتەوە‌و دەبیت بەقوەتێكی گەورەو دەتوانی گۆڕانكاری بكەیت كە ئەمەت نەكرد وردە وردە بچوك دەبیتەوە، دەبێت پرسیارێك لەخۆمان بكەین ئەم هەڵوەرینە بۆ هۆكارەكەی چییە، تۆ حزبێكی قائید بووی قیادەی شۆڕش‌و كۆمەڵگات كردووە تا رادەیەك بەرەوە پێش چویت‌و دەنگ‌و رەنگت بووە ئێستا نەدەنگت ماوە نە رەنگت ماوە نە بۆ چونت دیارە ئەمانە هەمووی هۆكاری هەیە، ئایا تۆ كادرت پەروەردە كردووە مولتەزم بێت بە حزب یان كردوتە بە كۆمپانیا‌و دائیرە خەڵكت هێناوە دات مەزراندووە ئەمە كێشەی سەرەكی كادرە كە مولزەم نییە بە بیرو باوەڕ بە حزبەكەیەوە بەو ئەفكارانەی لە سەرەتادا دامەزراوە‌و وەخەباتی بۆ كردووە، لەبەر ئەوە مولتەزم نیت مەسەلەی خاوەندارێتی دێتە پێشەوە، خاوەندارێتی ئەم حزبە لای كێییە، خۆی پێویستە لە كادرەكانی بێت ئەو متمانەی ئەیدەیت بە سكرتێری گشتی بەڕێوەبردووە باشی بەڕێوەبردووە ئەو پیاوێك بووە شارەزا بووە لە سیاسیەت زانیویەتی چۆن هەموو هێزەكان كۆدەكاتەوە‌و ئاراستەی دەكات بەرەو ئیتیجاهێكی دیاریكراوە بەڵام بەداخەوە دوای ئەو كەسێكی وانەماوە خاوەندارێتی بكات پێویستە خاوەندارێتیكە حزب بێت، ئەو نوخبەییەی لە ئەساسا لە گەڵیا هاتون ئیلتزامی تەواویان بە پرەنسیپەكانی حزبەكەوە بە ئامانج‌و داهاتوەكەیەوە هەبووبێت ئەمانە خاوەنی بوونایە كادریشیان دیاری بكردایە كادر لە ئەو پەڕی گەرمیانەوە تا ئەو پەڕی زاخۆ لەناو ئەم حزبە هەیە‌و ئیشی كردووە بەڵام كە خاوەنی نەبوو نازانن ئەو خوشكە لەكوێ كاری كردووە بووە بە دەستە جەمعی‌و هەر كەسە بۆخۆی‌و خەڵكیان لەم لاو هێناوە كادر نییە هەموو حزبێك ئەرشیف‌و میلاكی خۆی هەیە، بە بێ میلاك خەڵك هێنا‌و كارتكرد‌و داتنا، ئەم راگەیاندنەی ئێوە پێویستی بە بیست كەسە دەبێت نوسەر بێت یان دەنگی خۆش بێ یان شكلی جوان بێ بۆ ئەوەی دەركەوێـت كە تۆ بیست كەست پیویست بوو چوارسەدتت هێنا لێرە داتنا دەوریان چییە ئیشیان چییە ئەو داهاتە لەبەر دەستایە مەجبوری دابەشی بكەیت بەسەریاندا‌و لەبەر ئەوە ناتوانی بەڕێوەی بەریت‌و شوێنەكانی تر پارەی زیاتری ئەدەنی‌و ئەیبەن لەبەر ئەوە ئەوە كادری تۆ نییە كادری كۆمپانیا، دائیرەیە دوای بژێوی ژیان كەوتووە هەقی خۆشییەتی.لەبەر ئەوە بابەتی كۆنگرە یان پلینیۆم، دەكرێت بیست كۆنگرە‌و پلینیۆم ببەستی بەڵام بەمەرجی بۆ دیاریكردنی دەردەكان بێت‌و كۆمەڵێك پرەنسیپ دابنرێت بۆ چارەسەركردنی ئەوانە دوای ئەوە دەچیتە ناو كۆنگرەوە‌و كۆنگرە بۆ ئەوە نەبێت سەركردایەتی هەڵبژێردرێت ئێستا كۆنگرە بۆ هەڵبژاردنی سەركردایەتییە، باشە تۆ سكرتیرەكەت كۆچی دوای كردووە كێشەمان هەیە لەگەڵ عیراق وەك كورد كێشەمان لەگەڵ ئیران‌و توركیا‌و عیراق خۆیدا هەیە لەناوخۆی خۆشمانا لەگەڵ پارتی‌و گۆران‌و زۆربەی لایەنەكان هەمانە وەك یەكێتیی بوینەتە ئەو میحوەرەی كە هەموو ناكۆكییەكان لەدەوری ئێمە كۆبۆتەوە، ئەمە دوو مەوزوع دەهاتە روو، لەلایەك وامان لەخۆمان كردووە هەمووی هیرشمان دەكاتە سەر لەلایەكی تریشەوە ئەهمێتی یەكێتیی نیشان دەدات هیچ شتێك بەبێ یەكێتیی چارەسەر ناكرێت، وە چیش دەقەومی دەوری ئەساسی یەكێتییە بەلایەنە سلبێكەیشییەوە، ئەگەر یەكێتیی لەسەر پێی خوی بوەستایە خاوەنی بیرو باوەڕی خۆی بووایە چارەسەری دەردەكانی بكردایە هەرێمیش بەم دەردەش نەدەڕۆشت چونكە دەیتوانی رێگربێت لەهەندێك شت كە بەزەرەری خەڵكی كوردستان بشكێتەوە دەیتوانی رێگربێت لێیی بەڵام بەو چەلەحانەی ئێستا هەیە لەبەینی باڵەكان نازانری لەسەر چییە لەسەر ئامانج‌و رەوتی كاری یەكێتیی نییە رەنگە كەمتری لەسەر ئەوە بێت دابەشكردنی دەسەڵاتە لەناو یەكێتی‌و رەنگدانەوەی هەیە بۆ دەرەوەی یەكێتی نیشتمانی، باشە ئەگەر كادر یەك بگرێت چۆن یەك بگرن ئەوە پرسیارێكی سەرەكییە، كێ یەكی دەخات، ئێمە با رەفزی هەموو شتێك نەكەین لەناو یەكێتیی هەتا بە بنەماڵەش وەك باسدەكرێت تا ئێستاش بە روونی دەرنەكەوتووە هەموو كەسێك مافی خۆی هەیە بەڵام ئەم هەقە چۆن دابەشدەكرێت بەسەریاندا ئەوە كێشەیەكە دەبێت هەموو لایەك بیری لێبكاتەوە ئەگینا مەسەلەی دڵسۆزی ئیلتیزامە بە بەرنامە پەیرەوی ناوخۆ بەیەكێتیی نیشتمانی كوردستان ئەو ئیلتیزامە هەبوو هەموو شتێك دەگەڕێتەوە بۆ جێی خۆی، ئێستا چی بكەین ئەگەر پلینیۆمیش بێت هەق وایە بیكەین ئەو كێشمەكێشەی لەسەر كۆنگرە هەیە پێم وانییە بە ئاسانی رێك بكەون، دەبێت ئەو جەوە هێور بكرێتەوە دابنیشن ئەو دامو دەزگاییەی بەدەستی خۆمان پەكمان خستون بیانخەینەوە گەڕ تا ئەوەندەی كۆنگرە دەبەسترێت، سەركردایەتی كۆ ببێتەوە نەك هەر ئەوەندەی قەرار بدات كۆنگرە یان پلینیۆم ببەسترێت هیچ نەبێت دام‌و دەزگاكانی خۆی بخاتەوە گەڕ قسە زۆرە سوپاس.
ئەحمەد لەتیف:
من ئەگەر وەك دیدێكی سەربازی لەم مەوزوعە بڕوانم لەكاتێكدا ناكۆكی شەر دروستدەبێت، یەكەم: كات شەڕ دەوستێنرێت‌و ئاگر بەست دەكرێـت دووەم: دەست دەكرێت بە ئاسایكردنەوە‌و چارەسەركردنی كێشەكان، ئێمە نەگەیشتونەتە ئەوەی شەڕبێت‌و تەنها ئاسایكردنەوەمان دەوێت، ئاسایكردنەوە لەناو ئەو سەركردایەتییەی یەكێتی كە خۆی بەخاوەندارێتی یەكێتیی دەزانی دەبێت بەینیان ئاسای بكرێـتەوە ئەوان دوانیان پێكەوە دانەنیشێ كۆنگرە چۆن دەبەسترێت كێ دەچێتە كۆنگرەوە میكانیزمەكەی كاتیو شوێنی ستراتیجی چۆن دەبێت، ئەوان پێكەوە دانەنیشن بە پرۆژەی ئەنجومەنی ناوەند یان مەكتەب رێكخستن دادەنیشن، بۆیە دەبێت جەوەكە ئاسایبكرێتەوە، كادرە دڵسۆزەكانی یەكێتیی كەمپینێك دروست بكەن‌و فشار بخەنە سەر سەركردایەتی یەكێتیی بۆ هیوركردنەوە با سەد كادر بچیتە مەكتەب سیاسی دانیشن نەڕون بڵێن ئێمە قسە دەكەین ئێمە نوێنەری جەماوەرین ئەوە بە بڕوای من هەنگاوێكە كوردستانی نوێ دەتوانی بانگەشەی بۆ بكات، كادری باش‌و دڵسۆز‌و بێ تموحمان هەیە دەیەوێت یەكێتیی بگەڕێتەوە بۆ یەكێتێكەی جاران كە كۆمەڵی مەبادیئ بوو كارمان بۆ كوردستان دەكرد، یەكێتیی دەیتوانی ئەو كێشانەی روو لەهەرێم دەكات رێگری لیبكات یەكێتیی دەیتوانی نەهێڵێت ریفراندۆم بكرێت، ئەو دەرئەنجامانەی نەدەبوو بۆ كرا، یەكێتیی قورسای خۆی هەیە ئەگەر دەنگیشی نەبێ سەنگی هەیە، بۆ لەمەو داوش دەتوانین وابكەین، بەڵام دەبێـت وەزعەكە ئاسایی بكەینەوە بەم حاڵەوە بچینە هەڵبژاردن باری یەكێتیی‌و كوردیش لار دەبێت ئەم ئاسایكردنەوە نەكەین هەر هەنگاوێك بدەین باجەكەی قورس دەبێـت هەم بۆ یەكێتیی‌و هەم بۆ كوردیش، من داوای ئەوە دەكەم كەمپینێك لە كادرەكانی یەكێتیی دروست بكرێت‌و كوردستانی نوێ قیادەی بكات‌و سوپاستان دەكەم.
ئەنوەر ساڵح:
من دەستخۆشیتان لێدەكەم كوردستانی نوێ كارێكی باشە،من قسەكانم دەكەم بە دوو بەشەوە بەشی یەكەم: یەكێتی نیشتیمانی كوردستان وەك حزب، حزبێكی سیاسی زادەی ئەم كۆمەڵگاییەی ئێمەیە، حزورێكی میژوویی هەیە و ئەم مێژوویەش لایەنیكەم لای خۆمەوە دەیگێرمەوە بۆ ساڵی شەستەكان دەستی پێكردووە و هاتووە، بەڵام ئەوەی گرنگە لە ناو كۆمەڵگای كوردستاندا، یەكێتی نیشتیمانی كوردستان كاتێك دەركەوت وەك هێزێكی چەپ دەركەوت لە كوردستاندا، بۆیە ئەم پێشەكییە باس دەكەم مەبەستم شتێكە، ئەم هێزە چەپە هەڵگری كۆمەڵێك خەسڵەت بوو، كە كێشەی گەورەی كۆمەڵگا بوو ئەوكات لەلایەن كۆمەڵێك ناوەندی گەنج و شۆرشگێرەوە توانراوە ڕابەرایەتی ئەم بزوتنەوەیە بكرێت، بۆ ئەوەی لەو كاتە ئێش و ئازاری خەڵك و كوردستان بەشێوەیەك بووە توانیویانە گەشە بەم بزوتنەوەیە بدەن، ئەم بزوتنەوەیە لەسەر ئەساسی فرەییەك دروست بووە هەر لە شەستەكانەوە كە هاتووە ، ئەوەی كە پێی دەڵێن فرولاریزم، لەسەر ئەم بنەمایە دروست بووە، ئەم بنەمایە دەروات تاكوو كاتی راگەیاندنی یەكێتی بەم شێوەیە بووە و ئەمەش بۆخۆی هەڵگری كۆمەڵێك كێشە و مەشاكیلی گەورە بووە لە كۆمەڵگای كوردستان، یەكێتی توانیویەتی لە قوناخێكی مێژووی خۆیدا مەسئولیەتی مێژووی‌و ئەركەكانی خۆی جێبەجێ بكاتەوە تاكوو ساڵی ١٩٩٢ كاتێك راپەڕین دەكرێت، یەكێتی نیشتیانی كوردستان لەوێ حزوری جدی هەیە بۆ ئەوەی بتوانێت ڕابەرایەتی ئەو بزوتنەوەیە بكات بەلام لەم ٢٧ ساڵەی حكومڕانیەدا یەكێتی نیشتیمانی كوردستان نەیتوانی لەگەڵ چمكە گۆراوەكانی كۆمەڵگا جارێكی دیكە تەعامول بكاتەوە بە بنەما زانستییە سیاسییەكەی بەم خەسڵەتییە شۆرشگێرییەی كە لە شاخەوە هات نەیتوانی تەعامول لەگەڵ چمكە گۆراوەكانی كۆمەڵگا بكات، ئێمە خۆمان دەزانین كە روئیا و كردنەوەی كۆمەڵگا و گەشەكردنی كۆمەڵگا هاتە پێشەوە حزبی ئێمە نەیتوانی لەگەڵ ئەم دیاردە گۆراوانەی كۆمەڵگەی كوردی بكات، بۆیە ئێستا بارودۆخی یەكێتی، بارودۆخێكی حزبێكە تاكوو سەر ئێسقان نەخۆشە‌و كێشە و مەشاكیلی زۆری هەیە بۆیە من دەچمەوە سەر ئەو بنەمایەی زۆر لە هەڤاڵان باسیان كرد، ئایا یەكێتی بە كۆنگرە یان پلینیۆم دەتوانێت چارەسەری كێشەكانی خۆیی بكات، ئەمە ئەو گومانە گەورەیە كە بەردەوام ئێمە و مانان لە خۆمان بپرسین ،بە دیدگای من وایە یەكێتی كێشەی بونیاتی هەیە بۆیە ئێمە لە مێژووی خۆماندا سێ كۆنگرەمان بەستووە هەر سێ كۆنگرەكە كۆنگرەی پین و پەرۆمان ناو ناوە، كۆنگرەی بەڕێكەر بووە، نەمان توانییەوە لە وەختی خۆشیدا لە كۆنگرەكاندا زۆر بە جدی قسەمان لەسەر ئەم مەسەلەیە كردووە كە كۆنگرەكە نەیتوانیوە چارەسەری بونیاتییەكانی یەكێتی بكات، وە بتوانێت لەگەڵ هەلومەرجەكە‌و لەگەڵ واقعیەتی ڕابەرایەتی كردندا وە لەگەڵ ئەقڵییەتی ڕابەرایەتی كردندا بتوانین لایەنی كەم ئێمە وەك حزبێكی مەدەنی لە ناو كۆنگرەكاندا تەعامول لەوە بكەین كە دەستاودەست كردنی دەسەڵات بكەین بۆ ئەوەی بتوانین جارێكی دیكە رێگە بە ئەپدەیت كردنەوەی ئەم حیزبە بدەین، ئەم كێشانە تەراكومی كردووە و هاتووە وە تاكوو ئەو شوێنەی جەنابی مام جەلال مابوو ئیدارەی ئەم سیراع و تەكەتولاتانەی كردووە بەڵام لە دوای مەرگی ئەو، ئەو كێشانە زیاتر بۆ ئێمە ئەبێتە ئەزمەی قوڵ و قەیرانی قوڵ بریارەكە ئەوەیە ئایا كۆنگرە سازانی خاوەند بەرژەوەندییەكانی یەكێتییە ئایا كۆنگرە بۆ ئەوە دەكەین كە ئێمە بتوانین خاوەند بەرژەوەندی ئەوانەی كە لە هەموو خەڵك بەو مەنزورە سەیری دەكات كە لەگەڵ رێزم ئەم قسەیە دەكەم كۆمەڵێك مافیا لە ناو یەكێتیدا كار دەكەن لەسەری سازانی ئەم خەڵكانەیە ئێمە هەوڵدەدەین ئێمە كادر ئەمانە بسازێنین لە كۆنگرەدا بۆ ئەوەی جارێكی دیكە بێینەوە دەسەڵات و تەحەكوم لەسەر وەزعی سیاسی و ئەم بزوتنەوە سیاسییە بكەین، من پێموانییە ئەمە بمانگەیەنێتە ئەو نوقتەیە كە بڵیین یەكێتی نیشتیمانی كوردستان بە نەتیجە دەگاتەوە چارەسەر، دەبێت كێشەكانی و دەردەكانی لە كۆڵ دەبێتەوە بۆیە بە بڕوای من بۆیە دەڵیم كێشەی یەكێتی ئێمە عەقدێكی مێژوویمان وەك هێزێكی چەپ لەگەڵ كۆمەڵانی خەڵكی ئەم كوردستانە كردووە كە زیاتر لە ٣٠ بۆ ٤٠ ساڵ لەمەوپێش ئێمە لەسەر كۆمەڵیك پەیام عەقەدمان لەگەڵ ئەوانە كردووە كە مەسەلەی ناسینالیسم بووە كە پێمان وتوون ئێمە كێشە نەتەوایەتییەكان دەكەین تا سەر ئەو شوێنەی كە هەزاران شەهیدمان بۆی داوە خەبات دەكەین بۆ ئەوەی كێشەی ناسیۆنالیسم لە كوردستان بكەین وە بە دیقەت لە پێش ڕاپەڕین و من رەنگە مولاحەزەم هەبێت لە دوای ڕاپەرین بەڵام پێش ڕاپەرین ئەو هێزە نیشتیمانییە بووین كە توانیومانە بیسەلمێنین بۆ دەوروپشتی خۆمان و بۆ حاڵەتە نەتەوەییەكەمان كە سیمبول و ڕابەری بەراستی وە قوربانیشمان زۆر داوە بۆ ئەو مەسەلەیە بەڵام لە دوای ئیدارە كردنی دەسەڵات رەنگە سازش هەندێك لە شتمان تێدا نەبێت بەڵام دروشمی گەورەی ئێمە پێم وایە ئەو عەقدە مێژوویە لەگەڵ خەڵك كردمان، من هەموو جارێك قسەیەكم هەیە، من لەساڵی ١٩٧٩ وە لەم شارەدا خەبات دەكەم، چوار كوڕی دەوڵەمەند نەكوژراوە چوار كوڕی دەوڵەمەند شەهید نەبووە، گەنجەكانی گەڕەكەكانی حاجیاوا و قەرەجاوا و وڵوبە و شێخ عەباس و ئازادی شەهید بوون، ئێستاش ئەو ماڵانەن كە دەنگ نادەن بە ئێمە و سیراعی ئێمە دەكەن لەبەر ئەوەی ئێمە نەمانتوانییەوە بەشێك لەو دادپەروەرییەیان لەو یەكسانیخوازییەی لە مەبادیئ و ئەساسی ئێمەدا بووە ڕازتگۆ بین، ئەم قیادەی ئێمە، بە ڕای من بەرێزەوە دەڵێم ڕاستگۆ نەبووین لەگەڵ خەڵك پەیام و دروشمەكان ڕاست نەبوون بۆیە ئێستا خەڵك تێگەشتووە پێیان وتین، ئێمە لە یەكەم ئینتیخاتی ئەم شارەدا لە سەدا ٨٦ دەنگی سلێمانیمان هێناوە بۆ نمونە لە ئاخیری ئینتیخابات هەژدە دەهێنین ئەمە ئەو خەڵكەیە بە من دەڵیت كاكە تۆ ڕاستگۆ نەبوویت لەم پەیامە مێژوویەی خۆتدا وە لەم عەقدە لەگەڵ من من بۆم هەیە دەنگێكی ترم هەبێت رەنگێكی ترم هەبێت ،من بیر لە شتێكی دیكە دەكەمەوە بۆ ئەوەی كە تۆ خەریكی كاسپی خۆتیت خەریكی كۆمپانیای خۆتیت خەریكی دەوڵەمەند بوونی خۆتیت ئەوە تۆ نیت خەریكی من و گوزەران و موعانات و ئازاری من بیت، ئێتسا قسەیەك هەیە بۆ ئەوەی كە ئایا ئەم سەركردایەتییە تاكەی لەگەڵ ئەم مەوقیفانەی خۆیە و واز لەم دەسەڵاتە ناهێنێت برادەرمان هەیە ٤٢ ساڵە دەسەڵاتی هەیە لە ناو حزبدا، ئامادا نیە بۆ لەحزەیەكیش واز لە دەسەڵاتی یەكێتی بهێنێت، لەبەر ئەوە برادەران بارودۆخی یەكێتی چۆن تەعریفی دەكەی نەخۆشێكە لەسەر جێگەیەك وە هەر رۆژی پارچەیەك گۆشتی لێدەبێتەوە ئەمە بە بروای من.
ئەمە بارودۆخەكەی یەكێتییە كە نەیتوانییوە لە ئاستی هەلومەرجی كوردستان وە كۆمەڵگای كوردستان بتوانێت كە لەسەر بونیادێكی فەلسەفی لەسەر بونیادێكی سیاسی وە لەسەر بونیادێكی فكری بتوانین ستراتیژیەتی سیاسی دابرێژێت بۆ كۆمەڵگای كوردستان ئەمە برادەران نەیانتوانییەوە ئەم ئەركە جێبەجێ بكەن ، بۆیە یەكیتی بیەوێت جارێكی دیكە لە كۆنگرەیەك سەركەوتوو بێت یان بتوانێت مەسئولیەتی قۆناغی ئایندە بێت ئەوەی جەنابی مامۆستا موحسین وتی دەبیت ئێمە بڕۆیینەوە سەر بونیادە ئەساسیەكە مەسەلە فكری و سیاسییەكان مەسەلە ستراتیجی و پەیوەندییەكانمان لە دەورو پشت وە لەگەڵ ئەو هەلومەرجە گۆڕاوەی كە لە دونیادا هەیە، لەسەر وەزعی ئیقتسادی دیدگایەكی ڕونمان هەبیت وە ستراتیجیەتیكی ڕونمان هەبێت وە ئەمە ببێتە پەیام و خیتاب و گوتاری یەكێتی بۆ ئەوەی بتوانێت كە ناوەندێكی هاوبەش بۆ ژاركردن لە ناو بزوتنەوەی سیاسی وە بتوانێت حەرەكەت و بتوانێت پەروەردە كردن وە بتوانێت جۆشدان و هاندانی خەڵك ببێت بۆ ئەوەی بتوانێت ئاراستەی سیاسی بكەیت ، ئەمە لایەنی یەكەم وە لایەنی دووەم كە برادەران مەبەستیانە من پێم وایە سی ڕێگە هەیە بۆ ئەوەی كە ئێمە بتوانین لەم قۆناغەدا، من بۆ خۆم بروام بە پلینیۆم و كۆنگرە نییە، بەڵام سێ رێگە هەیە من بە ئینقازی دەزانم یەكەم: ئەمەیان زۆر زەحمەتە كە ئیمە بچینەوە سەر ئەو چمك و دەسەلاتانەی كە یەكێتیی پرولاریزمە مەسەلەی فرەییە ئێمە چۆن بتوانینن ئەو حاڵەتی یەكتر قبوڵكردنە دروست بكەین، كە بتوانین لەسەر ئەم بنەمایە تەفاهومی هاوبەش دروست بكەین، بۆ ئەوەی بچینە ناو كۆنگرە بۆ ئەوەی روئیایەكی هاوبەشمان هەبێت كە ئەمە من بە ڕێگایەكی زۆر زەحمەتی دەزانم بەڕاستی،رێگەی دووەم: من پێم وایە یەك شت هەیە ناوەندی هێزەكانی ناو یەكیتی دەبێت یەكیكیان یەكلایی بكەنەوە، لە میژووی زۆر ئەحزابی سیاسیدا ئەمە ڕویداوە هێزێك لە ناو ئەحزابدا توانیویەتی یەكلای كێشەكان بكاتەوە‌و قیادە بكات، ئەوەی دێ لەگەلی دێت ئەوەشی نایەت دەچێت بۆ هێزەكانی دیكە ، سێیەم شتیش لەم قۆناغەدا، ئێمە بتوانین سەركردایەتی دەڤەری شارەكان دروست بكەین وە ئەویش كە كادر دەبێت رۆڵی هەبێت لەمداوە دەڤەری شارەكان دروست بكەین و ئێمە بتوانین حالەتێكی نیزامی لەگەڵ سەركردایەتیدا دروست بكەین، بۆ ئەم ئینتیخاباتەی ئایندەمان كە دێتەپێشەوە، یەكیتیی زەرەرمەندی گەورە نەبیت وە زەرەری زۆر نەكات دواتر دەتوانن سەركردایەتی شارەكان هەنگاویش بنێن بۆ ئەوەی كە ئەو سەركردایەتی ومەكتەب سیاسییە بڕیاری بە جورئەت بكرێت بۆ ئەوەی كە كۆنگرەش ئاراستەی بكرێت و حزبیش ئاراستە بكریت سوپاستان دەكەم.
تەحسین نامیق:
وەڵا ئێمە زۆر باسی بونیاد دەكەین بۆخۆی ئەگەر ئەوە بكرایەتە تەوەرێك، زۆر باش دەبوو من هەست دەكەم ئەو بونیادەی كە یەكێتیی لەسەری بونیادنرا زادەی تەنها دەستی مام جەلال نەبوو واتە لەگەڵ دروست بوونی پارتی دیموكراتی كوردستان و دروست بوونی حزبی شوعی كوردستانیش، ئەو باڵەی كە هاتە ناو پارتی و ئەوانە ئەفكاریكی چەپ هەبوو ئەم ئەفكارە چەپە وای كرد مەسەلەی جەلالیەت و ئەوانەش هاتە پێشەوە واتە هەر مام جەلالیش نەبوو ئیبراهیم ئەحمەدیش ئەو دەورە بینی، ئەمە دواتر تەئسیراتی چەپەكانی مەنتیقەی ناوەراستی رۆژهەڵاتیش دەوری هەبوو، نیمچە بەرەیەك هاتە پێشەوە لەگەڵ واقعی كوردستاندا تەقریبەن خۆی دەبینییەوە ئەو ئەفكارانەی مام بە نزیكەیی خۆی دەبینییەوە بەڵام یەكێتی لەگەڵ هاتنی ساڵی ١٩٩١ و ئەوەی كە گڵۆبالیزم هاتە پێشەوە یەكیتی توشی قەیران هات لەوانەیە ئێمە باش حالی نەبووبیتین بەڵام لە ناو یەكیتیدا ئەو دوو مونەزەرەی هەمان بوو مام جەلال و كاك نەوشیریوان هەستیان بەو قەیرانە كردووە كە بونیادی یەكیتیی زیاتر ئەزمەیە بەلام یەكسەر پەنایان برد بۆ ڕێبازێكی دیكە
ئێستا پرسیارە قورسەكە ئەوەیە یەكیتی لەسەر سۆسیال دیموكرات و ئەوانە خۆی بونیاد نایەوە واتە هەتا تەزەبزوبی دەكرد یان بڵێین لەناو سۆسیاڵ ئینتەرناشناڵیشدا واتە باڵی جیاواز هەیە باڵی سۆسیالست هەیە باڵی سۆسیال دیموكرات هەیە ئێمە كاتی خۆیی وەك ماركسیەت دەرۆشتین هەموو شتەكانمان دژی سۆسیال دیموكراتەكان بوو هەر بە تەحریفیمان لەقەڵەم دەدا دواتر خۆمان هەوڵماندا بچینە ناوی و ببین بە ئەندام تێیدا حەزەكەم بزانن لە دەورەیەكدا سۆسیال دیموكررات بووین دواتر دەبووینە سۆسیالیست دواتر هاتینەوە سۆسیال دیموكرات ئەوە ئەزمەی بونیادی یەكیتی نیشتیمانی كوردستانە كاك نەوشیروانیش هەستی بەو ئەزمەیە كرد ویستی شتێك دروست بكات بونیادی جیاواز بێت بەلام ئەویش توشی پۆپۆلیست هات.
ئێستا ئەگەر بیینە سەر ئەزمەی بونیادی یەكیتی ئەزمەكە زۆر زۆرقورسە بەڵام ئیستا ئەوەی ئێمە تێی كەوتووین ئەوەیە چۆن مامەڵە لەگەڵ ئەم واقیعە بكەین واتە ئیستا ئیمە لە سیاسەت دووركەوتوینەتەوە، هیچ لە مەسەلە مەنزورە فەلسەفییەكان زۆر دوورین ئێستا ئێمە دەڵیین سۆسیال دیموكرات ئێمە ئاگادارین سۆسیال ئینتەرناسیۆناڵ بە نزیكەیی وجودی نەماوە هەرچی سۆسیال دیموكراتەكانی ئەوروپا هەیە لێی كشاوەتەوە ئێمە پەیواندیمان هەر پێوەی ماوە ،(ئێس ئای) ئیستا ئیعتیمادی زۆر گەورەی لەسەر حزبە زۆر بچوكەكانی لە ئەمریكای لاتین و ئەفریقا و ئەوانە یەعنی هیچكاریگەرییەكیان نییە ئێمە هەر رەبتمان پێوەی ماوە ،داوای لیبوردن دەكەم ئەوەنەدەی من مەعلوماتم هەبوو لەسەر ئەوە باسم كرد ئەمە مەوزوێكی زۆر گەورەیە كە كوردستانی نوێ بتوانیت بیجوڵێنێت بەلام بەراستی لەوانەیە لە ئاستی ئێمە نەبیت چوونكە من وا هەست دەكەم مام جەلال و كاك نەوشیروانیش نەیوانتوانییوە ئەوە بپێكن كاك نەوشیروانیش بردیە پاڵی پۆپۆلستی مام جەلالیش بە سۆسیال دیموكرات و ئەوانە ئەو ئەزمەیەی چارەسەر نەكردووە ئەوە ئەزمەیەكی زۆر قورسە ،زۆر سوپاس.
رێكەوت ئیسماعیل:
سوپاستان دەكەم، باس لەوە دەكرێت كە پوختەی قسەكانمان ئەوەی راستی بێت كاك ئەنوەریش باسی كرد یەكیتی نەخۆشە حیزبێكە نەخۆش كەوتووە ئێمە دەبێت ئیقراری ئەوە بكەین ، نەخۆشیش تەبعەن دەبێت بڕواتە لای دكتۆرێك كە تەشخیسەكەی راست بێت ئەگەر دكتۆرێك تەشخیسێكی راستی بۆ بكات دەرمان و تەكنەلۆجیا بە دكتۆرەكە نەبێت چەندێك تەشخیسەكەی ڕاست بێت ناتوانێت ئەو نەخۆشە چارەسەر بكات ، واتە ئێمە لەبەردەم دوو شتداین لە سەدا پەنجای كێشەكان دەبێت تەشخیسی بكەین كە موشكیلەمان چییە دووەمیان دەبێت تەشخیسی بكەین حلەكەی چییە ئەمە زۆر گرنگە، ئینجا ئێمە ڕەنگە ڕای خۆمانمان هەبێت وەك شەخسی، بەس ئێمە باس لە ئیجتیهادی شەخسی ناكەین باس لە حزبێك دەكەین حزبێك كە بەپێی میكانیزمیك بەرێوەدەڕوات ناوی پەیرەوی ناوخۆییە ئەگەر ئێمە باس لەمە دەكەین ئەوە با بیین باسی قانونەكانی پەیرەوی ناوخۆ بكەین ئەگەر ئێمە باس لە شتی كە دەكەین باس لەر كۆمپانیایە و باس لە تەنها موجەرەد مومارەسەكردنی قوەتە و تەنها چوونە هەڵبژاردنەوەیە و رازیكردنی ئەم خێزان و ئەو خێزان و ئەم بال و ئەو باڵە ئەوە قسەیەكی ترە،ئێمە باس لەمە دەكەین و ناچینە ناو میكانیزمەكانی دیكەوە، چوونكە ئەمڕۆ هاتووین باس لەوە دەكەین كە یەكیتی وەك حزب چۆن ئینقاز دەكرێت نەك فڵان بنەماڵە یان فیسار شەخس چۆن دەنگ بهێنێت واتە ئەوەی ئێمە دەیبیستین ئێستا هەموو خیلافەكان لەسەر مەسائیلی شەخسییە، ئێمە لە لاپەڕەی بیست و نۆی پەیرەوی ناوخۆ تەعریفی یەكێتی كراوە ئێمە تەعریفی یەكیتی چییە بۆ ئەوەی ئێمە تەشخیسەكە بزانین، ئێمە لە پێناسەی ئەم حزبەدا دەیدۆزینەوە هەرچی شتی باس دەكرێت و هەرچی ململانێ هەیە كەسی لەسەر ئەم تەعریفە نەیكردووە ئایا كوتلەیەك هەیە لە ناو یەكێتیدا بێت بێجگە لە كوتلەی كاك فڵان و كاك فڵان یان كوتلەیەك بەناوی كوتلكەی عەدالەتی كۆمەڵایەتی هەیە..؟ من ئەمە لەسەر قسەكەی كاك تەحسین ، ئێمە كوتلەیەكمان نییە بە ناوی عەدالەتی كۆمەلایەتییەوە كە شەر بكات بۆ ئەوە یان كوتلەیەكمان بە ناوی سۆشیال دیموكراتەوە نییە كە یەكەم دێری پەیرەوی ناخۆكەی خۆمانە كە هەبێت و دیفاع لە سۆشیاڵ دیموكرات بكات،ئەگەر ئەمە بخوێنینەوە یەكێتی پیی وایە هەرچی شتەكانی ناو كۆمەڵگای كوردیدا هەیە لە چوارچیوەی فیكری سۆشیاڵ دیموكراتدا دەبیت بە میكانیئزمیك چارەسەری بۆ بدۆزرێتەوە مەسەلەی ژنە مەسەلەی یاساییە مەسەلەی عەدالەتی كۆمەلایەتی و دەستوورە مەسەلەی هەموو شتەكانی دیكەیە مافی چارەنوسیش، واتە خەلەلی سەرەكی لە ناو یەكێتیدا لەوەوە سەرچاوەی گرتووە كە ئەم حزبە پێناسەكەی خۆیی لەدەست داوە ئەم تەعریفە چۆن دەگەرێنینەوە ئایا ئەم تەعریفە بە كۆنگرە دەگەریتەوە یان بە پیلنیۆم دەگەرێتەوە من لەو باوەڕەدا نیم بەوانە بتوانین ئەم پەیرەوی ناوخۆییە بهێنینەوە سەر سكەی خۆیی، ئیستا یەكیتیی وەك باسم كرد وەك قیتارێكە كە لە سكە لایداوە و كەوتووەتە ئەودیو سككەیەوە وەك جەستەیەكە نەخۆشە و لەبەردەم كۆمەڵیك دكتۆری نەشارەزا یاخود كۆمەڵێك بڵیین خەڵكی ناتەندروستدایە وەك ئەوەیە نەخۆشێكت هەبێت لە جێگای دكتۆر بیبەیت بۆ موهەندیسێك،دووەم خاڵ ئێمە كە باس لە پیلینیۆم دەكەین لە پیلینیۆمدا لێرە هاتووە كە پیلینیۆم شتێكی خراپ نییە واتە ئەگەر ئێمە پلینیۆم بگرین شتێكمان نەكردووە لەدەرەوەی پەیرەوی ناوخۆیی حیزبەكە بەلام ئەگەر پیلینیۆم ئێمە كە باسی دەكەین بۆ خۆ دزینەوەیە ئەگەر ئێمە وەك حزبێكی ساخڵەم نەتوانین كۆنگرە بگرین لەبەر ئەسبابی فكری و ئەسبابێك كە لە ناو ئەم پەیرەوەدا هەیە دەتوانین پلینیۆم بگرین، بەڵام پیلینیۆمێك نەبێت بۆ خۆ دزینەوە چوونكە لیرە دەڵیت :یتمتع پیلنیۆم بجمیع سلاحیات موئتمر عدا تغیر مناهج و نڤام داخلی و سكرتیر عام، ئێمە موشكیلەمان نییە نە سكرتێر دەگۆرین نە پەیرەوی ناوخۆ دەگۆرین بەڵام خۆ لە پلینیۆمدا زۆر شت هەیە كە ئێمە بتوانین هەموو ئەو میكانیزمانەی تر لە كۆنگرەدا هەیە باسی بكەین ،بەڕای من كێشەی هەرە سەرەكی لە ناو یەكێتی نیشتیمانی كوردستاندا ئەوەی كە باس دەكرێت یەكیتی دیدگای سیاسی نییە من لەگەڵ ئەوە هاوڕا نیم یەكیتیی ڕوئیای سیاسی بۆ نییە، ئەمە خاڵی یەكەم نییە ئەمە خاڵی دووەمە خاڵی یەكەم ئەوەیە كە یەكێتی روئیای فكری نەماوە كاك ئەنوەر ئاماژەی بەوە كرد كە ئەم هیزە لە سەرەتادا هاتووە بە كۆمەڵیك دروشم و بە كۆمەڵێك پەیام و وتار سیاسی فكرییەوە ئیستا لە ناو ئێمەدا فكر وجودی نەماوە كە فكر وجودی نەمێنێت بێگومان روئیای فكری نەمێنێت روئیای سیاسیش نامینیت ،ئیمە لەبەردەم بارودۆخێكی زۆر زۆر مەترسیدارداین واتە ئاگاداربن مەنتیقەی شەرقی ئەوسەت هەرهەمووی لەناو بارودۆخێكی زۆر ئاڵۆزدایە ئەگەر ئێمە نەتوانین یەكێتی ئەو رۆلەی كە پیویستە بیگێڕیت لە رووی سیاسی و لە ڕوی فكرییەوە نەیگێرێت یەكێتی وەك حزبی شوعی جاران، مەقەرێكی حزبی شوعی هەبوو لەناسریە لیی نوسرا بوو حیزبی شوعی عراقی شەو زەلامێك چووبوو لە ژێریدا نوسیبووی لساحیبی حزب بعس ئشتراكی، پارتی دەبێتە خاوەندی یەكیتی ئێمەش دەزانین بابەسەلاحەت قسە بكەین ئەگەر ئێمە بەم نەهجەیە یەكیتیی بڕوات وەك ئێستای حزبی شوعی و ڕابردووی حیزبی شوعی لیدێت كە یەكیكی دیكە دەبیت بە خاوەندی گەورەترین هەڵە لە میژووی حیزبی شوعیدا ئەوە بوو كە ریكەوتنی لەگەڵ عیزبی بەعسدا كرد رۆشتە ناو جەبهەی تەقەدومی ئەوەی بوو حیزبی بەعس بە تەكتیتێكی زیرەكانە ئیحتیوای كرد و حیزبی شوعی كرد بەم حیزبە شوعیەی كە ئێستا هەیە كە لە عیراقدا بە هەزار حاڵ یەك كورسی دێنێت یان نایهێنێت ،با ئێمە ڕوون بین لە شتەكاندا مام جەلال لە چاوپیكەوتنەكاندا بیخوێنەوە خۆی وەڵامی پرسیارەكان دەداتەوە پرسیاری لیدەكەن ئایا رەوتێك هەیە بە ناوی جەلالیزم وەلام دەداتەوە نەخێر جەلالیزم بوونی نیە، مام جەلال موفەكیرێكی سیاسی بووە بەڵام كابرایەك نەبوو با ئێمە بڵیین ئرسێكی فكری ئایدۆلۆجی گەورە،بەڵی دبلۆماتكارێكی لیوەشاوە بووە سیاسەتمەدارێكی لیوەشاوە بووە بەڵام وەك فەیلەسوفیكی سیاسی كە توانیبێتی بنەمایەكی وەك ئەو حزبانەی كە هەیە، ئێستا بۆ نمونە لە توركیا جەهەپەمان هەیە كە ئیرسێكی فكری هەیە لەسەری دەڕوات ئەی ئەگەر ئەم ئەشخاسانە هەمووی بكەیتە دەرەوە نەهجێكی سیاسی هەیە وە پەكەكە نەهجێكی سیاسی هەیە نەك ئۆجەلان حەفتا جار بیگرن و ئیعدامی بكەن پەكەكە ئیستا ئەو موعجیزەزەیە لە عالەمدا كە بە عەكسی هەموو دونیاوە كوردی ئیمە دەروات دەبیت بە پیاوی هەموو كەسێ و شەر بۆ قاعیدە و داعش دەكات دەچنە قایمەی حیزبی دەعوە دەبیتە شیعە دەبێتە سەدری دەبیتە سونە بەڵام نابیتە كورد ئەوان بە پێچەوانەوە جەنگاوەری ئەمەریكی و ئوستورالی دیت لە ریزی ئەوان شەهید دەبێت، ئەمە موعجیزەیەكی سیاسی نییە ئەمە بەرنامە و فكرێكە دانراوە و پەیرەوێكە لەسەری دەڕوات كەواتە من كۆتایی قسەكانم، هاوڕای كاك تەحسینم لەوەدا كە ئێمە گاڵتە بە ئیسلامی سیاسی دەكەین وەك یەكێتی كە دەڵێین حزبیكی عەلمانییە وەرە باشە هێزە ئیسلامییە سیاسییەكان ئاك پارتی بە نموونە دەهێنمەوە لە ناو ئاك پارتیدا هیچ كەسێك بۆی نییە لەم دواییەدا ئەردۆغان دەستكاری پەیڕەوی ناوخۆكەی كرد كردی بە سێ دەورە هیچ كەسێ بۆیی نەبوو لە دوو دەورە زیاتر سەركردایەتی و مەكتەبی سیاسی بێت، بەڵام ئێمە كاك ئەنوەر باسی كرد تێماندایە چل ساڵە مەكتەب سیاسییە ئەی باشە ئەو گەنجە كە دەیەوێت ببێتە مەكتەب سیاسی حەقی خۆشیەتی قەیچیكا بۆ خۆی كاندید نەكات بۆ سەركردایەتی ئەمە كەی ببێت بە سەركردایەتی كە تەمەنی گەیشت بە هەشتا ساڵ؟، ئەی كەواتە تۆ بۆ خەڵك وەردەگریت بۆ خەڵك وەرەگری بە ئەندام كە ئەسڵەن تۆ خۆت مەكتەبی سیاسیت و موفەكیر و موحەلیلی هەموو شتێكیت خەڵكت بۆ چییە، واتە با ئێمە بێینە سەر كرۆكی بابەتەكە ئەوەیە كە ئێمە پێویستمان بە رەوتێك هەیە لە یەكیتیدا كە كۆتایی بەم دەستەگەراییە بهێنێت ئەویش ئەوەیە كە پەیرەوێكی ناوخۆ كودەتایەكی فكری و سیاسی لەم حزبە ڕوبدات و ئەمە لە مەكتەبی سیاسی ناكرێ و لە سەركردایەتیدا ناكرێ ئەمە بە كادر دەكریت ئەو كادرانەی كە هەندێك لە ئێمە ئاماژەمان پێی كرد كە خۆنەویست بێت كە شەری شەخسی نەكات كە فكری لەگەڵ ئەم حزبەی خۆیدا بكات ، ئەمە چۆن دەكریت، ئەمە بەوە دەكرێت كە رێگەچارەیەكی ناوەراست بدۆزینەوە ئەمانەی كە لە ناو یەكیتیدا بەهۆكاری كۆمپانیا و مەعاش و شت دەترسن لە سەركردایەتی بڕۆنە دەرەوە ئەمانە چارەسەرێكیان بۆ بدۆزیتەوە ئایا كۆمپانیاكانیانە بیبەن و برۆن ،نازانم چۆن دەكری رەنگە كەسیكی یاسایی بتوانێت دەریچەیەكی یاسایی بۆ ئەمە بدۆزێتەوە بەڵام ئەگەر قسە لەسەر ئەوە بیت كە یەكێتی ئیستا لە ناو گۆرانكاریەكاندا رۆڵی هەبێت بمینێتەوە ئێمە دەبێت ئەم شەرە فكرییە بكەین لەگەڵ حزبەكەی خۆماندا ئەمەش بەوە دەكرێت كە كادری ناوەراست بەسەركردایەتی خۆیان بڵێن بێ شەرمانە ئایا ئەمانە تەكەتولات دروست دەكەن نازانم مینبەر دروست دەكەن نازانم چۆنە، بەڵام پێویستە كادر كۆبیتەوەو كودەتای سیاسی و فكری بكرێت كە وابكات ئەم سەركردایەتییە وازبهێنێت و وابكات سەركردایەتییەكی نوێ پێكبهێنرێت، پێكهاتەكەش لەیەكەم كۆبونەوەی كۆنگرە تاكوو كۆتای پیویستە دڵنیایی لەوە بكریتەوە كە ئەم حزبە پێویستە حزبێك بێت لە پێشی پێشەوە وە حزبێك بیت ڕوئیای فكری خۆی هەبێت بۆ ئەوەی بتوانێت لەگەڵ بەرامبەرەكانیدا شەری خۆی بكات.
سەرتیپ عەلی:
پێموایە ئێمە كێشەی هەیكەلەی حزبیمان هەیە، هەروەها كێشەی دابەشكردنی دەسەڵاتەكان لەناو یەكێتیدا، كە ئەمە دەبێت چارەسەر بكرێت ‌و بەو شێوازەی ئێستا نەمێنێتەوە، ئەوەی هەیە قەیرانی فیكرییە، قەیرانی هەیكەلەیە، قەیرانی هەڵاوسانی سەركردایەتی ‌و كادرانە، قەیرانی وەڵامنەدانەوەی كێشەكانی خەڵكە، هی رێكخراوەكانە، هی راگەیاندنە، هەموو ئەمانەش هۆكاری كەڵەكەبوونی چەندین قەیرانە‌و لەسەروو هەمووشیانەوە قەیرانی غیابی مام جەلال ‌و هەڵوێستەكانێتی، كە راستە بەجەستە كۆچی دوایی كردووە، بەڵام لەدوای نەخۆشكەوتنەكەشییەوە سەركردایەتیی یەكێتی لە رێبازەكەی لایداوە، چونكە من دڵنیام ئەگەر مام جەلال لەكایەكەدا بووایە، نەیدەهێشت ریفراندۆم بكرێت.
هەر كۆمەڵگەیەك یان بە قانون رێكدەخرێت، كۆمەڵگە خەیاڵییەكانیش بە ئەخلاق رێكدەخرێت، ئێستا سەركردایەتیی یەكێتی ئاراستەیەكی سەرمایەدارییانەی هەیە، بۆیە دروشمەكانی خانووە قوڕەكان ‌و سۆشیال دیموكرات تەنها وەكو جۆرێك لە ئیدیعاو دروشم ماونەتەوە، لە پراكتیزەكردنیشدا، حكومەت ‌و پەرلەمانی ئێمە یاسای وەبەرهێنانیان پەسەندكرد، كەچی ئەو جۆرە مۆدێلەی گوندەكانمان بۆ دروست دەكەن، گوندی فڵان ‌و بەرزاییەكانی فیسار‌و … هتد، لەمەدا فراكسیۆنی یەكێتی بەشدارە، یان یاسای نەوت و گاز، سامانە سروشتییەكان، فراكسیۆنی یەكێتی بەشدارە لە دروستكردن ‌و پەسەندكردنیاندا.
واتە لە ئاستی حوكمڕانیدا، دووركەوتنەوەیەكی زۆر هەیە لەنێوان چینی هەژارو زەحمەتكێش ‌و سەرمایەداراندا، كە بۆخۆی یەكێتی لەسەر بنەمای چینی هەژارو زەحمەتكێشەكە دامەزراوە، دواجاریش حزب كە چووە پێگەی حوكمڕانییەوە، گرنگ ئەوەیە دروشمەكانی لە حوكمڕانیدا رەنگ بداتەوە، بەڵام ئەوەی ئێمە بە شێوەیەكی سلبـی رەنگیداوەتەوە، بۆیە بەلای خەڵك ‌و تەنانەت كادرەكانیشەوە كە ئەو قسانە باس دەكرێت، كە یەكێتی حزبی رەنجدەرانی بیروبازووە، نیشانەیەكی پرسیاری گەورە لەسەر دروشمەكە دادەنرێت، لانیكەم بەبەڵگەی ئەو قانونانەی كە دەردەچن، چونكە هەر بۆخۆی قانونەكان بەئاراستەی سیستمێكی سەرمایەدارییە.
كێشەكان زۆرن، بەڵام بۆ چارەسەر ئەوە خۆی لە مەسەلەی كۆنگرە یان پلینۆم، یاخود كۆبوونەوەی فراوانتردا خۆی دەبینێتەوە، من پێموایە لەم چەند ساڵەدا هەندێك بابەت روویداوە بۆ نموونە ئێمە ئەگەر رەزامەندیمان نیشان بدایە چەند سەربازێك بهاتنایەتە «کەی وەن» ئەو دۆخە بەسەر كەركوكدا نەدەهات، ئەگەر رازی بین مینبەرێك دروست ببێت، هیچ ئینشیقاقێك روونادات، لەوانەیە بۆ نموونە ئەگەر رێكبخرایە یەكێتی لە ساڵانی رابردوودا مینبەر دروست ببوایە، لەوانەیە گۆڕان دروست نەبوایە، لەوانەیە ئەم هاوپەیمانیی دیموكراسی‌و دادپەروەریی «هەدەدە»یە دروست نەبوایە، ئێستاش بابڵێین ئەوانە دروست بوون ‌و رۆیشتن ‌و تەواوبوون، بەڵام ئەوانەی كە ماونەتەوە كێن؟ كۆمەڵێك سەری نەگونجاون كە بەیەكەوە ناگونجێن، لەوانەیە سۆز و هاوڕێیەتی كۆیانبكاتەوە پێكەوە، ئەگەرچی هاوڕێی شۆڕشگێڕیی ‌و خەباتی یەكتریی بوون، بەداخەوە ئێستا بوونەتە نەیاری ئابووریی یەكتریی، بۆیە بەم هۆكارەیە كە كۆنابنەوە، هەرگیزیش كۆنابنەوە بەو شێوەیە ئەگەر حزبێك نەكرێت بە دامەزراوەیی ‌و لێپرسینەوە نەبێت ‌و هەڵاوێردن بۆ ئەم ‌و ئەو نەبێت، بەو شێوەیەی لێدێت كە ئێستا دەیبینین.
بۆیە بەهۆی ئەم سەرە نەگونجاوانەوە، ساڵێك دوو ساڵی دیكە‌و لە خولێكی هەڵبژاردنێكی تردا گوێبیستی چیرۆكێكی تر دەبین، تەنانەت رەنگە ئەمجارە پێنج كادریش بێت ‌و هەڵوێستی خۆی رابگەیەنێت ‌و بڵێت من لەگەڵ ئەمجۆرە سیاسەتەی یەكێتیدا نیم. بۆیە ئەگەر كۆنگرە‌و پلینۆم تەنها بۆ پڕكردنەوەی سەركردایەتی بێت، كە بەداخەوە لەم جۆرە كۆمەڵگەیانەدا كارەكتەر گرنگە، چونكە خۆ هەموو سەركردەكانمان وەك یەك نین، هەموو ئەندام مەكتەبێك وەكو یەك نییە، بۆیە ئەگەر كۆنگرە‌و پلینۆم بۆ هێنانەپێشەوەی كاراكتەری نوێ بێت، ئەوا بۆخۆم بڕوام بەو چەمكی هێنانە پێشەوەی گەنجەش نییە، نەك گەنج وەك كەس، بەڵكو بڕوام بەوەیە كە بیرێكی تازە بێت، ئەگەرنا گەنج هەیە بچێتە ئەو شوێنانەوە، هەموو ئەو خواستە ئابووریی ‌و مادیانەی كە لەچەند ساڵی رابردوودا بە حوكمی كادربوونی دەستی نەداوە بۆی ‌و دەستی نەكەوتووە، لەوانە لە پێگەی سەركردایەتییەوە بیەوێت ئەو دەستكەوتانە بچنێتەوە، كە ئەوەش مەترسییەكی زۆر گەورەیە.
خاڵێكی دیكە داماڵینی سەركردایەتییە لەو ئیمتیازە زۆرانەی كە بۆی دانراوە، بەجۆرێك ببێتە ئەرك جێبەجێكردن، بۆنموونە دەبینین كەسەكە لای ئێمە عیملاقێكی گەورەیە، دەچێتە حزبێكی ترەوە، هەر ئەم كارەكتەرەیە، دەبینین لەو بازاڕەدا بەتەنیا دەسووڕێتەوەو كەسیش لێی ناپرسێتەوە، پێشتریش لەسەر یەكێتی پیاوخراپ بووە، رەنگە لەدەزگایەكی ئەمنیدا كاریكردووە، ئەی بۆچی لەوێ وایە، بەڵام تا لای یەكێتییە بە 20-30 پاسەوان ‌و چەندین ئۆتۆمبێل ‌و چەندین خانوو داناكەوێ؟
بەداخەوە وایلێهاتووە كە باس لە سەركردایەتی دەكرێت، دەستبەجێ بیرت بۆلای ئیمتیاز دەچێت، راستە مافی خۆیەتی هەندێك شتی بۆ دەستەبەربكرێت، بەڵام مافی ئەوەی نییە كە ئەو جیاوازییە زۆرە لەنێوان چینی سەركردایەتی ‌و كادردا هەبێت، نێوان ئێمەو ئەندام، خۆ ئێمەش كادرین، رەنگە بە بەراورد بە ئەندامی سادە ئێمەش جیاوازبین، ئێمە هەر دەڵێین سەرەوە، بەڵام ئێمەش بە نیسبەت ئەندامی خوارەوە سەرەوەی ئەوانین، وەك چۆن سەركردایەتی سەرەوەی ئێمەیەو مەكتەبی سیاسیش سەرەوەی ئەوانە، بۆیە دەبێت حزب بە جۆرێك لە جۆرەكان لەو رەهەندە مادییە دووربخرێتەوە. نموونەی تریش هەیە كە لەم ساڵانەی دواییدا دروست بووە، كە بەو شێوەیە نییە.
دواتر ئەگەر پلینۆم‌و كۆنگرەكە ناكرێت، كۆبوونەوەی فراوان بكرێت، بۆ تەبەنی كردنی جۆرێك لە سەركردایەتیی كاتی، سەركردایەتیی پارێزگاكان، سەركردایەتییەك كە هەموو دەسەڵاتێكی بدەیتێ، چونكە گرەوی یەكەمی ئێمە لەم قۆناغەدا هەڵبژاردنە، چونكە حزب هەیە تەنها پێی دەڵێن حزبی هەڵبژاردن، كەواتە تۆ ئەگەر هەڵبژاردن نەبەیتەوە، یان قەبارەیەكی شیاوو سەنگینی خۆت بەدەستنەهێنیتەوە، كۆنگرەش بكەوێتە دوای هەڵبژاردنەوە، لەدواتردا سوودی چییە؟ تۆ دەورانێكی هەڵبژاردنی چوار ساڵی لەدەست بدەین، ئەگەر خۆت رێك نەخەیتەوە، رەنگە بەهەمان شێوە كێشەكانت كەڵەكە ببێتەوە.
بۆیە بائێمە واقیعی بین، ئەگەر كۆنگرەیەك بێت هەر لەپێناوی پڕكردنەوەی چەند پۆستێكی سەركردایەتیدا، یان تەبەنی هەندێك سیاسەت بكات؟ یەكێك لە هەنگاوەكان ئەوەیە كە ئایا مینبەر بگەڕێتەوە ناو یەكێتی، چونكە ئەو گرووپە رەنگە بە مینبەر رازی بن، كە تۆ پێیان نادەیت، دەچێت حزبێكی دیكە دروست دەكات، واتە با واقعی بین، رەنگە دڵخوازی من ‌و تۆ نەبێت، بۆنموونە ئەم هەڤاڵانە كوتلەیەك دروست دەكەن، لەناو یەكێتیدا بن باشترە، نەك بەجۆرێك دواتر زۆر بە مەمنونی دەچیت بەشوێنیداو دەیهێنیتەوەو كۆمەڵێك ئیمتیازی دەخرێتە بەردەم ‌و ئۆتۆمبێلی بۆ دەكڕن ‌و دەیكەن بە كارگێڕ مەڵەبەند ‌و نەیانكرد‌و بائیتر ئەمە دووبارە نەبێتەوە، كە گەرەنتیش نییە ئاخۆ دەنگت دەداتێ یان نا؟ چونكە بۆخۆم بڕوام وایە ئەوەی كەوتە معامەلەوە لەسەر ئیمتیازات، بڕوام پێی نییە‌و ئەوە خێری دەبەخشرێتەوە.
بۆیە كە ئێمە دەڵێین یەكێتی بكەینەوە بە یەكێتییەكەی جاران لە هەندێك مەسەلەدا، ئەگەرنا دەبێت یەكێتی بكرێت بە یەكێتییەك بۆ ئایندە، چونكە ئەوە بۆ سەردەمێكی تر بووە.
ئەو قۆناغە شۆڕشگێڕییە بۆ ئەم سەردەمە نایخوات بۆ ژیانی كۆمەڵگەی مەدەنی ‌و دیموكراسی، با نەكەوینە دنیای خەیاڵەوە، بۆیە یەكێتی نابێت بكەوێتە ژێر كاریگەریی نە پەكەكە، نە پارتی، نەگۆڕانەوە، بەڵكو یەكێتی جۆرێك لە ناسنامەی خۆیی هەیە‌و سەردەمێك هەبووە هاوكاریی هەموو حزبە كوردستانییەكانی بەشەكانی دیكەی كوردستانیشی كردووە.
سیاسەت بەشێكی بریتییە لەوەی ئێمە پێشبینیمان هەبێت ‌و پێشبینی بكەین، بۆیە پێشبینیم وایە ئەگەر ئەم حزبە چاك نەكرێت دوو ساڵی تر شتی تر روودەدات، جائیتر ئەوەیە بگەڕێینەوە مینبەر دروست بكەین، كوتلەی بچوك لە حزبدا رێگەی پێبدرێت كاری خۆی بكات‌و لە هەڵبژاردنەكانیشدا بەشداریی بكات، خۆ خۆشبەختانە هەڵبژاردن ‌و یاساكانی بووە بە نیمچەكراوە، كەسی ناوێرێت، ئەگەرنا ئێستا ریزی پێشەوەی لیستەكان هەمووی سەركردایەتی ‌و مەكتەبی سیاسی دەبوو، بەڵام چونكە نیمچە كراوەیە، تاك‌و تەرا سەركردەی ئێمە دەچێتە ناو لیستەكانەوە، ئەویش بەو مەرجەی یان دەبێت سەرۆكی لیست بێت، یاخود ژمارەیەكی مسۆگەری هەبێت.
خۆزگە لەم دۆخەدا كە حزبەكەمان لە قەیراندایە، سەركردەكانمان بچوونایەتە ناو لیستی هەڵبژاردنەوەو حزبەكەیان لەناو خەڵكدا هەڵبستاندایەتەوە.
هەندێك كێشەی دیكە هەیە پەیوەست بە دابەزینی ژمارەی كورسییەكانی یەكێتییەوە، من وای دەبینم ئەوە پەیوەستە بە ئینشیقاقەكانەوە، بۆنموونە یەكێتی لە ساڵی 1992دا 43% ‌و چەند پۆینتێكی بەدەستهێناوە، بەڵام بە دەورانێكی سروشتی كەمی نەكردووە، تا بڵێیت هەر ئەم یەكێتییەیە‌و بە هەڵبژاردن دەنگەكانی كەمیكردووە، دەبینین لە 2005دا لەئەنجومەنی پارێزگاكاندا 24 هەزار دەنگی لە پارتی زیاتر بەدەستهێناوە، كە ئەوكاتە ئینشیقاق نەبووە، سەرنج بدەن، لە 1992 دا 25 هەزار دەنگمان لە پارتی كەمتر هێناوە، بەڵام لە 2005، 24 هەزار دەنگمان زیاتر هێناوە، بەڵام كاتێك ئینشیقاقی گۆڕان روودەدات دەنگەكان كەم دەكات، كاتێك ئینشیقاقی هاوپەیمانی روودەدات، رێژەیەكی تر دەنگەكان كەم دەكات، بۆیە هەتا شتی تر رووینەداوە، دەكرێت یەكێتی كۆبوونەوەیەكی فراوان بكات، جا ئەو دیدارو راپۆرتانەی كە لە میدیاكانماندا دەكرێت كە دەڵێت من لەگەڵ كۆنگرەدام ‌و بەڵێ بۆ بەستنی كۆنگرە، با هەڵوێستی كادر لە هۆڵێكدا دەرببڕدرێت، وەك چۆن دەبینین ئەگەر تێبینیی كۆنگرەی هەدەپەو ئەو حزبانە بكەین، دەبنین لە هۆڵێكی گەورەی 20 هەزار كەسیدا دەیكات، كە ئێمە بەشداریی لاوان ‌و خوێندكارانەكەیانمان كردووە، نزیكەی 15 بۆ 20 هەزار كەس ئەندام بووە‌و هەموو شتەكان ئامادەكراوەو لەوێ تەنها راسپاردەو بەرنامەكە پەسەندكراوە. واتە ئەوەنییە ئەم هەموو ژوورو ۆرك شۆپە بكرێت ‌و كۆنگرە 14 رۆژ بخایەنێت.
بەپێی ئەو قسانەی كە لێرە كران، هەموومان كۆكین لەسەر ئەوەی كە ئەگەر كۆنگرەیەك تەنها بۆ هەڵبژاردنی سەركردایەتی بێت، ئەوا كەس ئاگای لە پەیڕەوو پرۆگرام نییە، هەمووی خەیاڵی لای كۆكردنەوەی دەنگە، با ئێمە كۆبوونەوەیەك بكەین، مەرج نییە هەڵبژاردنی خەڵكی تێدابێت، با كۆبوونەوەیەك بێت:
یەكەم- وەك نمایشێكی گەورەی حزبی كە بۆ بانگەشەی هەڵبژاردن پێویستە، كە هەموو حزبێك پێش هەڵبژاردن ئەوەی پێویستە.
دووەم- تەبەنی كردنی هەندێك بابەت بێت، بۆنموونە پەیڕەو 100% جێبەجێ نەكراوە، چونكە ئێستا بچۆ بۆ ئەنجومەنی ناوەندی سەرپێچییەكانی پەیڕەوت لە ساڵانی رابردوودا دەست دەكەوێت. بۆیە دەكرێت لەو كۆبوونەوە گشتییەدا تەبەنی شتێك بكرێت ‌و بڵێت دەبێت یەكێتی بەشتێكی نوێوە بێتە دەرەوە، واتە لەوێ لەجیاتی ئەوەی لە میدیاوە دەوترێت تۆ لەگەڵ كۆنگرەدایت، یان نا، بەڵێ لەگەڵ كۆنگرەدام.
با لەو كۆبوونەوە گشتییەدا لە ئەنجومەنی مەڵبەندەكانەوە با هەمووی بەشداربێت، چونكە تۆ لەپێش هەڵبژاردندا گرێی ئەوەت هەیە كە بەشداربێت یان نا؟ هەر لەوێدا تەبەنی شتێك بكەن ‌و با رۆژی كۆنگرەش دیاریی بكرێت، بۆنموونە ئەمە لە مانگی سێدا رێكبخرێت ‌و بوترێت مانكی شەش كۆنگرەیە، ئەمە لەكوێ بڕیاری لێدراوە؟ لە كۆبوونەوەی 1500-2000 كادری حزبیدا لە كارگێڕ كۆمیتە بەسەرەوە ئەو بڕیارە دراوە، بەو جۆرە شەرعییەتیش وەردەگرێت، ئەمەش بۆخۆی دروستكردنی جۆرێك لە رای گشتییە.
جا بابزانین كۆنگرە ئەركی چییە، جاران سەرۆك مام جەلال نزیكەی شەش مانگی پێویست بوو بۆ راستكردنەوەو هێوركردنەوەی دۆخی هەڵچووی دوای كۆنگرە، چونكە دەبینین زیاتر لە هەزار كەس بەشداریی دەكات، 300 كەس خۆی بۆ سەركردایەتی كاندید دەكات، تۆش 50 كەست دەوێت، ئەو 250 كەسەی كە دەرناچێت لەملاولا دەكەوێتە گلەیی ‌و گازاندە‌و ئەوەش زیانت لێ دەدات بۆ پرۆسەی هەڵبژاردنەكە، بۆیە بەپێویستی دەزانم پێش كۆنگرە، كۆبوونەوەیەكی فراوان بكرێت.
تابان شێخ عەبدوڵڵا:
قسە زۆر كرا، لەبارەی كردن ‌و نەكردنی كۆنگرەوە، بەڵام من پێموایە كۆنگرە بۆتە شتێكی حەتمی، هەندێك دەڵێت ئەگەر بۆ گۆڕینی دەموچاوەكان بێت، ئەمە هەر نەكرێت باشترە، بەڵام ئێمە لەناو خەڵكداین، هەریەكێك لەو كارەكتەرانە لە ناوچەكەی خۆیدا بۆتە بازرگان ‌و سەری تەكەتول، تەنانەت هەیانە لە دەزگا خزمەتگوزارییەكانی حكومەتیشدا ئەو بڕیاردەرەو بڕیاردەدات كە چی بكرێت ‌و چی نەكرێت، واتە ئەمە هەر بمێنێتەوە؟ ئەوە زیانی لێ دەكەین، بۆیە ئەوە خۆشاردنەوەیە لە ئەركە سەرەكییەكەی كۆنگرە، دەبێت كۆمەڵێك دەموچاو هەن بگۆڕدرێن، لە پلینۆمدا تا 17 كەس دەتوانرێت بگۆڕدرێت، جا پرسیارەكە ئەوەیە ئەو كەسانە كێن كە دەبنە جێگرەوەی ئەوان، دەبێت ئەو 17 كەسە كاریگەرییان لەسەر بڕیارەكانی یەكێتی هەبێت، بۆیە ئەگەر كۆبوونەوەی فراوانیش بكرێت بەرلە پلینۆم یان كۆنگرە، دەبێت بە دەنگی كادران ئەو 17 كەسە هەڵبژێردرێن ‌و رۆژی كۆنگرە دەستنیشان بكەن ئەوكات دەكرێت بیخەینە دوای هەڵبژاردن. چونكە بائێمە لەڕوومان بێت بچینەوە ناو خەڵك‌و داوای لێبكەین دەنگ بە یەكێتی بدات ‌و لەسەر بنەمایەكی دیاریكراو بیدات، بۆیە دەبێت گۆڕانكاریی لە دەموچاوەكاندا بكرێت، جا ئەوە بەهەر رێگەیەك دەبێت.
من بیرمە لە 2013 كە كاندیدی یەكێتی بووم كە هێشتا یەكێتی بەم دۆخەش نەگەیشتبوو، جەنابی مام جەلال لەكایەكەدا بوو، سیاسەتەكانی یەكێتی بەمجۆرە نەبوو، ئەم ئینشیقاقەی دوایی تێنەكەوتبوو، تانەو تەشەری ئەوانەیان لێدەداین، ئاخۆ لەدوای ئەو رووداوانە چی لێهاتووەو هەریەكێك لەوانە چەند دۆسێی تری لەسەر كۆكراوەتەوە؟
ئەگەر ئەوانە نەگۆڕدرێن، ناتوانین لە هەڵبژاردندا سەركەوتن بەدەست بهێنین ‌و دەنگی پێویست بەدەست بهێنین ‌و ناشتوانین لەدەرگای هیچ كەسێك بدەین.
جەمال ئارێز:
بەبڕوای من باشترین حاڵەت بۆ ئێستای یەكێتی ئەوەیە كادران گوشار دروست بكەن تا یەكێتی بەشداریی هەڵبژاردن نەكات، چونكە ئەم پەلەپەل ‌و دڵەكوتێیەی ئێمە لەوەوە هاتووە، كە ئەگەر ئێمە كۆنگرە نەبەستین ‌و بچینە هەڵبژاردنەوە، دەنگەكانمان كەم دەكات.
خۆی بەشێكی كێشەكانی یەكێتی ئەوەیە كە بەشێكە لە دەسەڵاتی سیاسی‌و ئیداریی لە كوردستاندا، بەڵام نەمانزانیووە پیادەی دەسەڵات ‌و حوكمڕانی بكەین، چونكە لە هەموو دنیادا بینیومانە كە حزبێك كاتێك لە ئۆپۆزسیۆن دەبێت بەچ نەغمە‌و ئاوازێك قسە دەكات ‌و چۆن لەسەر سیاسەتی حكومەتی پێش خۆی قسەدەكات، كاتێكیش دەچێتە دەسەڵاتەوە ناچارە 70 %ی ئەو دروشمە باق ‌و بریقە وازلێ بهێنێت ‌و لەگەڵ واقیعەكەدا مامەڵە بكات، پێشتر هەڤاڵان نموونەی ئاك پارتیان هێنایەوە، ئاك پارتی رەنگە لەسەردەمی ئۆپۆزسیۆن بوونی كارەكتەرە سەرەكییەكانی لە ناو حزبە ئیسلامگەراكانی توركیادا زۆرترین رەخنەی لە پەیوەندییەكانی ئیسرائیل ‌و توركیا هەبووبێت، بەڵام كاتێك دەبێتە حزبی حوكمڕان ناچارە پابەندبێت بە پەیوەندییەكانی توركیاوە وەك دەوڵەت لەگەڵ ئیسرائیلدا.
ئێمە زۆر دروشمی كوردایەتیی قەبەمان فرۆشتووە، بەڵام كە چوویتە دەسەڵاتەوە دەبێت لەگەڵ ئێراندا مامەڵەی دۆستانە بكەیت، لەگەڵ توركیادا دەبێت هەوڵی دۆستایەتی بدەیت ‌و لەبەرامبەریشدا دەوڵەتداریی بكەیت لە هێشتنەوەی مەودایەك لەنێوان خۆت ‌و كۆمەڵەو دیموكرات، لەنێوان خۆت ‌و پەكەكە، واتە پێگەكەت لە دەسەڵاتدا رێگەی ئەوەت پێنادات بەهەمان ریتمی پێشتر رێبكەیت.
بۆیە كرۆكی كێشەكە ئەوەیە ئێمە پێگەی خۆمانمان لێ تێكچووەو ئەوەش بۆتە مایەی كەڵەكەبوونی چەندین گرفت بۆمان، نازانین ئۆپۆزسیۆنین یان فەرمانڕەواین، بۆنموونە لە دروشمبازیدا هەندێكمان دەمانەوێت لاسایی گۆڕان ‌و ئۆپۆزسیۆن بكەینەوە، لەدەستكەوتی دەسەڵاتداریشدا دەمانەوێت لاسایی پارتی بكەینەوە، هەردووكیشیمان لێ ونبووەو بەشێكمان لەوان دەچین ‌و بەشێكمان لەوانی تر‌و تەنها لە یەكێتی ناچین.
بۆیە دەیڵێمەوە با كادران گوشار دروست بكەن تا یەكێتی بەشداریی لەم هەڵبژاردنەدا نەكات، بۆئەوەی وەك ریفراندۆمەكەمان لێ نەیەت 24ی مانگ پاساومان بۆ دەهێنایەوەو 26ی مانگ دوای كاردانەوەكان وتمان هەڵەبوو، با تووشی ئەو سەرلێشێوانە نەبین، با بەگومانەوە بمێنینەوە، نەك تووشی شكستێكی گەورە ببین، چونكە بە خوێندنەوەی دۆخی ئێستای یەكێتی، ئەنجامی هەڵبژاردن بۆ یەكێتی دیارە چییە، بۆیە لەجیاتی ئەو جوهدەی بۆ هەڵبژاردن ‌و بانگەشە دەیكەیت لەم بێ پارەییەدا كە كادر بە دوو سێ مانگ مووچەیەك وەردەگرێت، رەنگە بێین دوو ملیۆن دۆلار خەرج بكەین بۆ بانگەشەی هەڵبژاردن، بشزانیت ئەنجامەكەی پاشەكشەیەكی زیاترە لەوەی هەبووە، بەتایبەتی بۆ هەڵبژاردنی بەغدا كە پێشتر 21 كورسیمان هەبووە لە نوێنەران، كە قورسایی زۆرمان لەسەر دەنگی ناوچە دابڕێنراوەكان بووە بەتایبەتی كەركوك ‌و گەرمەسێر، ئێستا دوای گۆڕانی دۆخە سیاسیی ‌و سەربازییەكە رێژەی كورسی ‌و ژمارەی دەنگەكانیش گۆڕانكاریی بەسەردا دێت، جگە لەوەش لە هەڵبژاردنەكانی پێشتردا لەگەڵ پارتیدا هاوپەیمانیشمان هەبوو لە دەڤەری نەینەوا نەیاندەهێشت بەئازادانە بانگەشە بكەین، ئایا ئێستا كە هیچ ئیلتیزامێكمان بەیەكترییەوە نەماوە، دەهێڵن؟
هەربۆیە بەشداریی نەكردنمان لە هەڵبژاردن، دەرفەتێكمان دەداتێ بۆ چارەسەری كێشەكانی یەكێتی لەلایەك ‌و هاتنە دەرەوەش لە دەسەڵاتی سیاسی بەجۆرێك لەجۆرەكان فۆكست ئەوەندە لەسەر ناهێڵێت، وەك هەڤاڵان باسیان كرد بەرپرسمان هەبووە تا یەكێتی بووە بە 30 پاسەوان‌و رەتڵێك ئۆتۆمبێلەوە هاتوچۆی كردووە، ئێستا كە لەیەكێتی نەماوەو چۆتە حزبی ترەوە بەتەنیا بەپێ بەسەر شەقامدا دەڕوات، بۆیە ئەگەر بۆ خولێكی هەڵبژاردنیش بێت لە دەسەڵات دووربكەوینەوە، چونكە بەشێك لەو گلەییانەی خەڵك‌و زومی كامێرای میدیاكان كە لەسەر یەكێتییە لێی دووردەكەوێتەوە، جگە لەوەش ئەو خەڵكەی كە بۆ مشەخۆریی ‌و بۆ پارەو پۆست دوای یەكێتی كەوتووە، خۆی ئۆتۆماتیكی لە یەكێتی دووردەكەونەوە، ئەوەی كە دەمێنێتەوە خەڵكە دڵسۆز‌و كۆنكرێتییەكەیە كە پابەندە بە خوێنی شەهیدەكەی ‌و وەفادارە بۆ رێبازەكەی یەكێتی ‌و زانینی زەرورەتی یەكێتی وەك هێزی كوردایەتیی هاوچەرخ، ئەو چوار ساڵە زۆر دەرفەتێكی باش دەبێت بۆ یەكێتی كە بتوانێت خۆی هەڵبستێنێتەوە. تەنانەت كەباسی سەركردایەتی ‌و مەكتەبی سیاسییەكانیش دەكرێت، هەندێكیان كە بزانن یەكێتی لە دەسەڵاتی حوكمڕانیدا نییە‌و ناتوانێت بە ئارەزووی خۆی تەندەر وەربگرێت ‌و خۆیان ئۆتۆماتیكی دووردەكەونەوە، لەبەرچاویشمانە لە 2013ەوە تائێستا دوو سێ سەركردەی یەكێتی بەئاشكرا رۆیشتوون، هەندێكیشمان هەیە لە هێڵی خۆڵەمێشیدا یاریی دەكەن نازانین بۆمان ساغ نەبوونەتەوە، بە رووكەش یەكێتییەو لۆگۆیەكی یەكێتی ‌و وێنەیەكی سەرۆك مام جەلال-ی لەپشت خۆیەوە داناوەو بەڵام بەتامی پارتی لێدوان دەدات.
پێموایە ئەگەر ئێمە پەلە بكەین بۆ ئەوەی كۆنگرە ببەستین تا فریای هەڵبژاردن بكەوین، ئەوا كۆنگرەكەشمان ئەنجامی خراپی دەبێت ‌و لە هەڵبژاردنەكەشدا شكست دەهێنین.
موحسین عەلی ئەكبەر:
لە كۆڕێكی لەم جۆرەدا هەندێك بابەت باس دەكرێن، مادام دانیشتنەكە پابەندكراوە بە كاتەوە، ئەوا ناتوانیت وەك پێویست وەڵامی بدەیتەوە‌و رەنگە هەریەكەیان شیكردنەوەیەكی دوورو درێژی بووێت، وەك هێنانەپێشەوەی گەنج، ریفراندۆم، مەسەلەی دوو دەورە، مەسەلەی فیكر، ئەمانە هەمووی خۆی راستە گەنج گرنگە كە كەشێكی بۆ فەراهەم بكرێت ‌و پەروەردە بكرێت بۆئەوەی ببێتە سەركردە، بەڵام ئایا ئەم گەنجە دەبێت یان ئەوەیان، دەبێت كۆمەڵێك پێوەر هەبێت، گەنج هەر ئەوەنییە كە ئەندامە لەناو یەكێتی، گەنج گەنجە لەناو كۆمەڵگەی كوردی، گەنجێك كە پیشەیەكی كاسبكاریی هەیە، خۆ گەنجی ئەم وڵاتەیە، بەڵام تۆ چ بەرنامەیەكت هەیە بۆ ئەم گەنجە، كاتێك دوو گەنج دەكەیت بە وەزیر یان پەرلەمانتار ئەوە ئیتر پێتوایە كارت بۆ گەنج كردووە؟
پاشان تۆ بۆچی كەسانێك بۆ سەركردایەتی حزبێك هەڵدەبژێریت، دەبێت لێوەشاوەیی سەركردایەتیی تێدا بێت، واتە بیرو توانای بەكاربهێنێت بۆ جێبەجێكردنی بەرنامەی سیاسیی حزبەكە، نەك بۆ بەرژەوەندییە ئابوورییەكانی خۆی. بۆیە دەپرسین ئێمە سیاسەت دەكەین بۆ سیاسەت ‌و پێشخستنی بەرنامەی ئیداری ‌و سیاسی، یان بۆ گەشەپێدانی ئابووریی؟
من پێموایە یەكێتی خۆی بۆخۆی سامانێكی گەورەی خەباتی سیاسیی هەریەكێكمانە، كەسیش دەستبەرداری نابێت، بەڵام هەیە دەیەوێت ئەو سامانە بۆ بەرژەوەندیی كەسیی خۆی بەكاربهێنێت ‌و دەست بەسەر ئەم سامانە گەورەیەدا بگرێت بۆخۆی.
بۆیە بەداخەوە بەشێك لە گەنجان هێندەی گرنگی بەوە دەدات كە كامە بەرپرس ‌و دەسەڵاتدار دەیخاتە بنباڵی خۆی ‌و دەیباتە سەركردایەتی ‌و دەیكات بە وەزیر‌و پەرلەمانتار‌و وەزیر، هێندە گرنگی بە فیكر‌و خۆ پەروەردەكردن نادات تا بتوانێت بە شایستەیی خۆی بگاتە ئەو پێگانە، ئەمە كێشە سەرەكییەكەیە.
تائێستا كەس لەیەكێتی جیانەبۆتەوە لەسەر بنەمای تێڕوانینی سیاسی، واتە ئەوانەی لە یەكێتی جیابوونەتەوە، زیاتر لەئەنجامی كەم بەركەوتنی دەسەڵاتی سیاسی ‌و ئابوورییەوە جیابوونەتەوە.
بەڵگەی ئەوەی بابەتەكە فیكر نییە، ئێمە ئیدیعای سۆشیال دیموكرات دەكەین، بەڵام تەنها ناومان ئەوەیە، گەورەترین بنەمای سۆشیال دیموكرات دادپەروەریی كۆمەڵایەتییە، ئێمە لەنێوان كادرەكانی خۆماندا پیادەی ناكەین، تەنانەت لەنێوان ئەم سەركردەو ئەو سەركردە، هەموو كادرێك ئەركی هەیە، بەڵام لەمافدا، ماف یان نییە، یان بە هاوانتە دەدرێت، سەدان كادر لەناو ئەم حزبەی ئێمەدا هەیە، شوێن ‌و پێگەو ئیمتیازاتی هەیەو هیچ ئەركێكیش راناپەڕێنێت، كەسیش لێی ناپرسێتەوە!!و مافەكانیشی وەك ئەوانە وایە كە ئەركیان لەسەر شانە.

لەكۆتایی ساڵۆنەكەشدا چەند رایەكی هەڤاڵان گەڵاڵە بوون وەك:

*كادرانی یەكێتی بتوانن گوشارێكی هەڤاڵانە لەسەر ئەم سەركردایەتییەی ئێستا دروست بكەن بۆ: بەستنی كۆنگرە، یان پلینۆم، یان كۆبوونەوەی گشتی بەبەشداریی بەشێكی زۆر لە كادران ‌و سەركردایەتی ‌و لەوێدا رایەكی گشتی دروست بكرێت‌و بڕیار لە رۆژێك بدرێت بۆ بەستنی كۆنگرە.
*كۆنگرە حەتمییە‌و دەبێت ببەسترێت‌و تاكە چارەسەری كێشەكانی یەكێتییە‌و ناتوانێت لەوەزیاتر خۆی لێ بەدوور بگرێت.
*نەخشەڕێگایەك دابرنرێت بە دیاریكردنی سەقفی زەمەنییەوە‌و چەند هەنگاوێك دیاریبكرێت تا گەیاندنمان بە كۆنگرەیەكی یەكێتیی تەندروست.
*هێندەی بیر لەوە بكرێتەوە كە كۆنگرە بۆ هەڵبژاردنی سەركردایەتییەكی نوێ بێت، با بیر لەوە بكرێتەوە چۆن بەیەكێتییەكی یەكگرتووەوە لە كۆنگرە بێینە دەرەوە، تا ئەندامانی كۆنگرە بیریان لای هەڵسانەوەی یەكێتی بێت، نەك خۆ كاندیدكردن بۆ سەركردایەتیی نوێ.
*دەشێت بیر لە دروستكردنی مینبەر بكرێتەوە لەناو یەكێتیدا تا ململانێكان لەناو خودی یەكێتیدا بكرێت نەك ببرێتە دەرەوەی یەكێتی ‌و ناو میدیاكان.
*ژیاندنەوەی فیكر بەجۆرێك كە ململانێكان ‌و تەكەتول لەسەر فیكر‌و چۆنێتی پراكتیزەكردنی پەیڕەو‌و پرۆگرام بێت، نەك لەسەر بنەمای ناوچەیی ‌و برادەرایەتی ‌و بەرژەوەندیی ئابووری.
*هەنگاوی یەكەم هەنگاوی ئاساییكردنەوە‌و دووركەوتنەوە بێت لە لێدوان ‌و دژە لێدوان لەنێوان باڵ‌و تەكەتولەكان، دوای ئەو ئاساییكردنەوەیە بڕیاربدرێت كۆنگرە بگرین یان پلینۆم، یاخود كۆبوونەوەی گشتی. چونكە كۆنگرە یان پلینۆم دەبێت بۆ دیراسەی دۆخەكەو داڕشتنی بەرنامەی ئایندە بێت، نەك ئەوێ بكرێتە شوێنی ئاساییكردنەوە، بەپێچەوانەوە دۆخەكە ئاڵۆزتر دەكات.

print

 141 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*