سەرەکی » هەواڵ » یونسێف: لەمساڵدا 19 هەزار منداڵ بە دارستانە مەترسیدارەكانی سنووری نێوان پەنەما ‌و كۆڵۆمبیادا تێپەڕبوون

یونسێف: لەمساڵدا 19 هەزار منداڵ بە دارستانە مەترسیدارەكانی سنووری نێوان پەنەما ‌و كۆڵۆمبیادا تێپەڕبوون

رێكخراوی نەتەوە یەكگرتووەكان بۆ منداڵان (یونسێف) رایگەیاندووە: بە مەبەستی كۆچكردنیان بەرەو ویلایەتە یەكگرتووەكانی ئەمریكا، 19 هەزار منداڵ لەمساڵدا دارستانە كەمەرییە مەترسیدارەكانی سنووری نێوان پەنەما ‌و كۆڵۆمبیا-یان تێپەڕاندووە.

یونسێف روونیشیكردۆتەوە: ژمارەی ئەو منداڵانەی لە ناوچەی (دارین جاب) پەڕیونەتەوە، سێ ئەوەندەی هاوشێوەكانیان دەبن كە لە ماوەی پێنج ساڵی رابردوودا هەمان رێگەیان گرتۆتەبەر، هەروەها لە هەر پێنج كۆچەر لەو منداڵانەی ئەو سنوورە دەبڕن، نیوەیان تەمەنیان لە خوار پێنج ساڵانەوەیە.

ئەو رێكخراوەی سەر بە نەتەوە یەكگرتووەكان ئاماژەی بەوەداوە، كە لەمساڵدا تەرمی پێنج منداڵ لە دارستانەكەدا دۆزراونەتەوە ‌و ژمارەی ئەو منداڵانەشی كە بەبێ دایك ‌و باوكیان گەیشتوونەتە پەنەما، زیاتر لە 50 منداڵە ‌و هەندێكیشیان تازە لەدایكبوون، ئەم ژمارەیەش پێنج ئەوەندەی ژمارەی ساڵی رابردوو زیاترە.

جین جوخ بەڕێوەبەری ئیقلیمی لە یونسێف دەڵێت: لەناو جەرگەی دارستانەكاندا، مەترسیی وەك بوونی چەتە ‌و رێگر ‌و دەستدرێژیكردن ‌و بازرگانیكردن بە مرۆڤەوە هەیە، وێڕای نەبوونی ئاوی پاكی خواردنەوە ‌و بوونی ئاژەڵی دڕندە.

روونیشیكردۆتەوە: هەفتە لە دوای هەفتە، لەو رێگە مەترسیدارەدا ژمارەی ئەو منداڵانەی بە هەر هۆكارێك بێت لە دایك ‌و باوك ‌و خێزانەكانیان دادەبڕێن، زیاد دەكات.

لە سەرەتای ئەمساڵیشدا، لێپرسراوانی پەنەما هۆشدارییاندا لە روودانی كارەسات لە ناوچەی دارین جاب، دوای كرانەوەی سنوورەكان، كە ناوچەیەكی دارستانی چڕە و پەنەما و كۆڵۆمبیا جیا دەكاتەوە و لە كیشوەری ئەمریكای باشووردا بە مەترسیدارترین شوێن دادەنرێت.

سەرچاوە/ ئاژانسەكان

 

 68 جار بینراوە