سەرەکی » زانست » رووەكی ئاوی بۆ پاراستنی ژینگە

رووەكی ئاوی بۆ پاراستنی ژینگە

مادەپلاستیكییەكان بەتایبەت ئەوانەی بۆ یەك جار بەكاردەهێندرێن و دواتر فڕێ دەدرێن زۆربەیان دەكەونە ناو سروشت و ژینگە پیس دەكەن، ئەو مادانەی وەك قاپ و پەرداخ و كەوچك و كیسی نایلۆن وكەرەستەكانی پێچینەوەو هەڵگرتنی خواردەمەنی و سەدان جۆری تر لەو كەلوپەلانەی كە رۆژانە بەكاریان دێنین سەرچاوەی پیسكردنی ژینگەن وساڵانە 300 ملیۆن تۆنیان لێ فڕی دەدرێ و بۆتە كارەسات بۆ مرۆڤایەتی و ژینگەو سروشت، بۆیە هەموو دونیا گەیشتونەتە ئەوەی كەدەبێ نەمێنن.

كۆمپانیای بەریتانی Notplaلە داهێنانێكی تازەدا هەموو ئەوجۆرە كەلوپەلانەلە روەكی ئاوی دروست دەكات كە هیج زیان بە ژینگە ناگەیەنێت، چونكە كە فڕی بدرێتە ناو سروشتیش ئەوا لەماوەی چوار هەفتەدا شێ دەبێتەوەو دەبێت بەخاك، كەچی مادە پلاستیكیەكان PLS سەدان ساڵ و كارتۆنیش چەند مانگێكی پێویستە بۆ شێبونەوەو لەناو خاك و تا ماوەیەكی درێژ دەمێننەوە.

كۆمپانیاكە گەڵاو رەگ و سەوزەو قەزوەی ناو دەریاكان دەردەهێنێ وووشكیان دەكاتەوە، دواتر ووردەكرێن و شلەیەكی تایبەتی لێ دروست دەكرێت كە بۆ دروستكردنی جۆرەها كەلوپەلی وەك قاپ و قاچاغ و سفرەو دەستكێش و كەرەستەی پێچانەوەی خواردەمەنی وشتی تر بەكاردەهێندرێت ، بەرپرسانی ئەو كۆمپانیایە دەڵێن رووەكە ئاویەكان بەگشتی بەخێرایی گەشەدەكەن و گەورەدەبن، سامانێكی گەورەی ژێردەریان و دەبێ سودیان لێ وەرگرین، ئەو داهێنانە تازەیە وادەكات ئەو بەروبومە ئاویە بەهەردەر نەچێ و ببێتە ئەلتەرناتیڤی پلاستیك، بەجۆرێك كە هیچ زیانێكی نەبێت وبەرگەی گەرماو سەرماو تێكچون بگرێ ، كە لەگەڵ خاشاك تێكەڵ دەبێت ئیدی شێ دەبێتەوەو زیان بە مرۆڤ و سروشت ناگەیەنێت.

سەرچاوە: Notpla

 154 جار بینراوە