سەرەکی » ئابووری » ٧٥٠ هەزار منداڵی سوریی كەمئەندام بوون

٧٥٠ هەزار منداڵی سوریی كەمئەندام بوون

حەوت ساڵ بەسەر دەستپێكردنی قەیرانی سوریادا تێپەڕی‌و لەو ماوەیەدا گەلی سوریا بە تەواوی چین‌و توێژو پێكهاتەكانیەوە دووچاری گەورەترین نەهامەتی بوونەوە كە پێشبینی دەكرێت دەیان ساڵ دوای ئاسایی بوونەوەی رەوشی وڵاتەكەشیان ژیانیان ئاسایی نەبێتەوە.

روبەڕووی مەترسی بوونەتەوە
منداڵانی سوریا قوربانیانی سەرەكی ئەو جەنگەن، لەحەوت ساڵی رابردوودا زیانی گەورەیان بەركەوت‌و جگە لەكوژرانی دەیان هەزار منداڵ، هاوكات لەسادەترین مافیان بێبەشبوون، دەیان هەزار منداڵیش لەخوێندن دوكەوتنەوەو بە ناچاری كەوتنە بەر كاركردن‌و زۆرێك لەمنداڵانیش لەلایەن گروپە چەكدارەكانەوە بەشداری شەڕو پێكدادانەكانیان پێكرا.
رێكخراوی (یونسێف)ی سەر بەنەتەوە یەكگرتووەكان كە رێكخراوێكی تایبەتە بە منداڵان لەدوایین راپۆرتیدا لەبارەی منداڵانی سوریا ئاشكرایكردووە، منداڵانی سوریا زیاد لەهەموو كاتێك روبەڕووی مەترسی بوونەتەوەو بەردەوامیی بۆردومان‌و شەڕو پێكدادانەكانیش رەوشی منداڵان ئالۆزتر دەكات، لەڕاپۆرتەكەدا باس لەو منداڵە سوریانە كراوە كە لەساڵانی رابردوودا بەهۆی جەنگی خوێناوی وڵاتەكەیانەوە زیان بەر جەستەیان كەوتووەو ئاماژە بۆ ئەوە كراوە، لەحەوت ساڵی رابردوودا ٧٥٠ هەزار منداڵی سوریی كەمئەندام بوون، بەهۆی بەردەوامی ئاڵۆزییەكانیش، سێ ملیۆن‌و ٣٠٠ هەزار منداڵ بەهۆی مین‌و بۆمبە چێندراوەكانەوە دووچاری مەترسی گیان لەدەستدان یاخود لەدەستدانی یەكێك لەئەندامەكانی جەستەیان بوونەتەوە.

(٥٠%) زیادیكردووە
بەپێی راپۆرتەكەی یونسێف، لەساڵی ٢٠١٧دا ژمارەی منداڵانی كوژراو بەشێوەیەكی بەرچاو زیادیكردووە، بەجۆرێك بەراورد بەساڵی ٢٠١٦ كە لەلایەن نەتەوە یەكگرتوەكانەوە بەخراپترین ساڵ

 553 جار بینراوە