سەرەکی » هەواڵ » پەیامی پیرۆزبایی هەڤاڵ زوبێر عوسمان بەبۆنەی (٣١ ) ساڵەی دەرچواندنی رۆژنامەی کوردستانی نوێ

پیرۆزباییەکان بۆ ٣١ ساڵەی رۆژنامەی کوردستانی نوێ

پەیامی پیرۆزبایی هەڤاڵ زوبێر عوسمان بەبۆنەی (٣١ ) ساڵەی دەرچواندنی رۆژنامەی کوردستانی نوێ

بەڕێزان سەرنووسەر و میدیاکاران و نووسەران و سەرجەم کارمەندانی رۆژنامەی کوردستانی نوێ

بەبۆنەی (٣١) ساڵەی دەرچواندنی رۆژنامەی کوردستانی نوێ و ساڵیادی دامەزراندنی یەکەمین رۆژنامەی نوسراوی دوای راپەڕین، لە ناخی دڵمەوە گەرمترین و جوانترین پیرۆزباییتان ئاڕاستە دەکەم، هیوای سەرکەوتن و پێشکەوتنی زیاتر و بەردەوامیتان بۆ دەخوازم.

یەکێتیی نیشتمانیی کوردستان لە دەست پێشخەریەکی مێژوویدا لە دوای راپەڕین رۆژنامەی کوردستانی نوێی کردە دیاری کۆمەڵانی خەڵکی کوردستان بە گشتیی و بواری میدیایی و راگەیاندنی کوردی بە تایبەتی، هەر بۆیە یەکێک لە تایبەتمەندییەکانی کوردستانی نوێ کە هەمیشە پێی ناسراوەو لە نێو بواری راگەیاندن و میدیای کوردیدا رەنگیداوەتەوە، لە سێ دەیەیی تەمەنیدا پیشەییانە و لە چوارچێوەی ئیتکی رۆژنامەوانی بەرپرسیانە مامەڵەی لەگەڵ واقیعی هەرێمی کوردستاندا کردووەو لەو بوارەدا پێشەنگ بووە لە خزمەتکردن، هەر ئەوەش وایکردووە کە وەک یەکەمین میدیایی نوسراوی دوای راپەڕین ئێستاشی لە گەڵدا بێ وەک مینبەرو سەرچاوەی باوەڕ پێکراوو لە بڵاوکردنەوەی پەیامی هەواڵ و زانیاری بە پێشەنگی بمێنێتەوە.

هیوادارم کوردستانی نوێ لەسەر ئەو رێچکەو کارو هەنگاوانەی درێژە بە کاروانی پڕ شانازی خۆی بدات و بە سیاسەت وستراتیجی نوێ وەک زەڕوڕەتێکی میدیایی و پێویستی قۆناغەکە سەردەمیانە خۆی نوێ بکاتەوەو بەردەوام بێ لە خزمەت و هەمیشە چەتری کۆکەرەوەو سەکۆی هەموو قەڵەمە ئازادەکان بێ و تەواوی نوسەران و رۆژنامەنوسان و ئەدیبان و رۆشنبیران و خاوەن بیرو بۆچوونە جیاوازەکان لە دەوری خۆی کۆبکاتەوەو لەو بوارەدا خزمەت بە میدیاو راگەیاندنی کوردی بکەن لە کوردستاندا.

هەر شاد و سەربەرز و سەرکەوتووبن.

زوبێر عوسمان

ئەندامی سەرکردایەتی و
لێپرسراوی مەڵبەندی ٦ی سۆران

١٢ / ١ / ٢٠٢٢

 124 جار بینراوە