سەرەکی » وەرزش » رۆژی وەرزشی نیشتمانی

رۆژی وەرزشی نیشتمانی

زاگرۆس نانەكەلی

رۆژی 6/4 – ی هەموو ساڵێك رۆژی وەرزشی نیشتیمانییە لەپێناو گەشە پێدان وئاشتی، ئەم بڕیارە لە كۆمەڵەی گشتی نەتەوە یەكگرتووەكان لە دانیشتنی گشتی(96)ی رۆژی 23/8/2013 دەرچوو تا ببێتە رۆژی وەرزشی نیشتیمانی لەپێناو گەشە پێدان و ئاشتیدا.
ئێمەی كورد رۆژی 20/4/2019 مان کردۆته‌ رۆژی وەرزشی كوردی!! لەوانه‌یە تەنها بیر لە وەرزشەكە و پێشبڕكێ و خەڵات و پاڵەوان و دیاری و ئازایەتی و خودی خۆت بكەیتەوە.با سه‌ره‌تا رۆژی وەرزشی نیشتیمانی بە ووتەیەكی(تۆماس كارلین) دەست پێبكەین كەدەڵێت:هەر كەسێک تەندروستی باش بێت هیوایەكی باشی هەیە، هەر كەسێک هیوای باش بێت هەموو شتێكی هەیە، لەزۆربەی وڵاتان رۆژی وەرزش پشوی ره‌سمییه‌، هەندێك بەچەند وەرزشێك یادەكە دەكەنەوە بۆ رێنمایی و وەرزشی بۆ تەندروستی ولەش ساغی و لەشڕێكی، چونكە بەهۆی نا تەندروستی وخاوی جەستەوه‌ بە گوێرەی راپۆرتی(نەتەوە یەكگرتووەكان) ساڵانە نزیكەی(3:2) ملیۆن كەس گیان لەدەست دەده‌ن.
رۆژی وەرزش لە هەندێك وڵات لە وەرزی هاویندا بەڕێوە دەچێت، بەڵام بەهۆی گەرمییه‌وه‌ لە هەندێك وڵات لە وەرزی پایز یان بەهاردا بەڕێوەدەچێت، رۆژی وەرزش نەهج و ئیتكێكی شارستانییە كە وڵاتە پێشكەتووەكان پەیڕەوی دەكەن، بۆ بەرژەوەندی وڵات و هاووڵاتیان، ئەمەش لەپێناو هزر و ئاگایی باش وچالاكی جەستەیی، ئەمەش دەبێتە هۆكاری كەمبوونەوەی تووشبوون بە نەخۆشییە درێژخایەنەكان كەمرۆڤەكان تووشی كێشەی تەندروستی دەكات.
بۆیە رۆژی وەرزشی نیشتیمانی پێشبڕكی و پاڵەوانیەتی و خەڵات و دیاری و ئاهەنگ و خۆنمایشكردن و خۆدەرخستن و هەڵپەڕكێ نییە، رۆژی وەرزشی نیشتیمانی رۆژی كاركردن و كۆكردنەوەی تێكڕایی هاوڵاتیانە لە ژن و پیاو و پیر وگەنج ومنداڵ و خاوەن پێداویستی تایبەت بۆ ئەوەی ئەم رۆژە پڕبكەن لە وەرزش و لەشساغی و گیانی وەرزشی و خۆشەویستی و كاتی خۆش بەسەربردن و فێربوون، تا هه‌مووان وەرزشییان خۆش بوێت و وه‌رزش بکه‌ن، هەروەهاخۆشەویستی وگیانی وەرزشی و پەیامی ئاشتی بەجیهاندا بڵاو بكەنەوە لە پێناوی وئاشتیدا.

 54 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*