سەرەکی » راپۆرت » راپۆرتی، ته‌ها عه‌بدوڵلا‌ » خولی نوێی یاسادانانی نوێنەران دەستپێدەكاتپەڕە 2

خولی نوێی یاسادانانی نوێنەران دەستپێدەكات

بڕیارە لە سەرەتای هەفتەی داهاتووەوە كۆبوونەوەكانی ئەنجومەنی نوێنەرانی عیراق دەستپێبكاتەوە.

شەممە، نوێنەران كۆدەبێتەوە
ئارەزوو مەحمود ئەندامی ئەنجومەنی نوێنەران لە فراكسیۆنی سەوز بە كوردستانی نوێ-ی راگەیاند: دوای كۆتاییهاتنی پشووی هاوینە، بڕیارە رۆژی شەممەی داهاتوو، كۆبوونەوەكانی ئەنجومەنی نوێنەران دەستپێبكاتەوە، وتیشی: لەم خولەی یاساداناندا گفتوگۆدەكرێت لەسەر پڕكردنەوەی پۆستە بەتاڵەكانی حكومەتی فیدراڵ و پەسەندكردنی پڕۆژەیاساكانی بودجە و دادگای فیدراڵی.
یەكهەڵوێستیی فراكسیۆنە كوردستانییەكان
هەروەها پەرلەمانتار حسێن ئاڵی ئەندامی ئەنجومەنی نوێنەران بە كوردستانی نوێ-ی راگەیاند: ژمارەیەك پڕۆژەیاسا لە ئەنجومەنی نوێنەران خوێندنەوەی یەكەم و دووەمیان بۆ كراوە و ئامادەیە بۆ دەنگدان، وتیشی: كۆبوونەوەی فراكسیۆنە كوردستانییەكان لە ئەنجومەنی نوێنەران لەگەڵ سەرۆكایەتیی حكومەتی هەرێم كە لە چەند رۆژی رابردوودا لە هەولێر بەڕێوەچوو، كاریگەریی باشی دەبێت و دەبێتە هۆی یەكهەڵوێستی و پتەوكردنی پەیوەندیی نێوان فراكسیۆنە كوردستانییەكان بۆ داكۆكیكردن لە مافەكانی خەڵكی كوردستان لە بەغدا.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*