سەرەکی » کەلتوور » دەزگای نووسیار دوو كتێبی نوێی شاخەوان سدیق بڵاودەكاتەوە

دەزگای نووسیار دوو كتێبی نوێی شاخەوان سدیق بڵاودەكاتەوە

لە درێژەی كاروچالاكیەكانیدا نووسەرو ڕۆژنامەنووس (شاخەوان سدیق) دوو كتێبی نوێ بڵاودەكاتەوە. كە پێكهاتوون لە دیداری ڕۆژنامەوانی بە دوو شێوازی جیاواز. كتێبی یەكەمیان بەناونیشانی (چێژی نووسین)ەو كتێبی دووەمیان بەناونیشانی (چێژی گێڕانەوە)یە. كە ئێستا هەردوو كتێبەكە لە چاپخانەن و بەمزوانە بڵاودەكرێتەوە.
تایبەت بە بڵاوبوونەوەی كتێبەكانی شاخەوان سدیق وتی: ئەم كتێبە نوێیانە درێژكراوەی كتێبی یەكەمن، كە ماوەیەك پێش ئێستا بڵاوكرایەوە، بەناونیشانی (چێژی خوێندنەوە) واتە لەگەڵ ئەم دوو كتێبەی دیكەدا پڕۆژەی كتێبی سیانەن، كتێبەكان هەرسێكیان كاری ڕۆژنامەوانی ئەدەبین، بەشێوەی دیدار لەگەڵ نووسەرانی بواری ئەدەبدا سازدراون، كتێبی یەكەمیان (چێژی خوێندنەوە) بریتیبوو لەئەنجامدانی (13) دیداری ئەدەبی لەگەڵ (13) نووسەردا.
کتێبی دووەمیش بەناوی (چێژی نووسین)ە كە بەهەمانشێوە لەگەڵ (20) نووسەردا دەربارەی پرسی (نووسین و تایبەتمەندی و شێوازەكانی و چێژی نووسین) دووبارە قسەكراوە، هەرچی كتێبی سێیەمە جیاواز لە هەردوو كتێبەكەی كە، پێكهاتووە لە (28) دیداری ئەدەبی تایبەت لەگەڵ (28) نووسەروو شاعیرو چیرۆكنووس و ڕەخنەگری بوری ئەدەبدا، كە هەریەكێك لەوانە ناوی ئاشكراو ناسراو دیارن لەناو دونیای ئەدەبی كوردیدا، ئەم دیدارانە بە شێوەیەكی زانستی و ئەكادیمی واكراون كە لە داهاتوودا ببنە سەرچاوە بۆ نووسین و لێكۆڵینەوەی ئەدەبی لە سەر ژیان و دونیابینی هەریەكە لەو ئەدیبانەی كە دیداریان لەگەڵ كراوە. ماوەتەوە بڵێین ئەم كتێبانە لەلایان ئەم شوێنانەوە چاپدەكراون.
كتێبی یەكەمیان (چێژی خوێندنەوە) بە سپۆنسەری ڕۆژنامەی هاوڵاتی چاپكراوە.
هەردوو كتێبی (چێژی نووسین)و (چێژی گێڕانەوە) لەبڵاوكراوەكانی دەزگای نووسیارن. بەڵام كتێبی (چێژی نووسین) بەسپۆنسەری سندوقی هاوكاری كتێبی ڕۆژنامەی كوردستانی نوێ و كۆمپانیای یوكەی بۆ بازرگانی گشتی چاپكراوە.و هەر سێ كتێبەكە لە چاپخانەی (كارۆ)ی شاری سلێمانی چاپكراون.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

رقصە اخیلتی

رقصە اخیلتی دیوانە شیعرێكی شاعیر عەلی مەعروف بەهروردییە، عەبدولستار شارباژێری ...