سەرەکی » وەرزش » لەگەڵ سەرۆكی فیفا باس لە رێكخستنی مۆندیالی 2026 دەكەن

دۆناڵد ترەمپ

لەگەڵ سەرۆكی فیفا باس لە رێكخستنی مۆندیالی 2026 دەكەن

لە میانی كۆبوونەوەیەك لەگەڵ جیانی ئینفانتینۆی سەرۆكی یەكێتی نێودەوڵەتی تۆپی پێ كە لە شاری داڤوس بەڕێوەچوو دۆناڵدۆ ترەمپی سەرۆكی ئەمریكا رایگەیاند بەجۆشە بۆ ئەوەی وڵاتەكەی بەهاوبەشی لەگەڵ كەنەداو مەكسیك میوانداری یارییەكانی مۆندیالی 1926 بكات و بەڵێنی دا پاڵەوانێتییەكی مەزن پێشكەش بكەن.
ساڵی 1926 بۆ یەكەم جار یارییەكانی مۆندیال لە 3 وڵات بەڕێوەدەچێت كە پێكهاتون لە ئەمریكا و كەنەداو مەكسیك و زۆرینەی یارییەكانیش لە ئەمریكا دەبێت.
سەبارەت بە پاڵەوانێتییەكەش ترەمپ وتی: ئەمەی مایەی شانازیە ئەمریكا میوانداری ئەم بۆنە جیهانیە بكات، كاتێك هەڵبژێردرام بۆ پۆستی سەرۆكایەتی بەڵام هێشتا كارەكانم دەستپێنەكردبوو یارمەتی دەربووم بۆ ئەوەی مافی رێكخستنی مۆندیال ببەینەوە كە پەیوەندیان پێوەكردم یارمەتیان بدەم.
وتیشی: سوپاس بۆ فیفا كە ئەمریكای هەڵبژارد، لە پاڵ ئەوەش ئێمە رێگە دەدەین مەكسیك و كەنەدا میوانداری چەند یارییەك بكەن و دڵنیاتان دەكەنەوە پاڵەوانێتیەكی مەزن دەبێت و بۆ هەمووان بە چێژ دەبێت.
لە كۆنگرە رۆژنامەوانیەكەش ئینفاتینۆ كە تۆپێكی رەنگاورەنگی پێشكەشی ترەمپ كرد وتی: مۆندیالی 2026 لە ئەمریكای باكوور دەبێت و ترامپ لەسەرەتاوە بەشداربوو، تۆپی پێ بۆ هەموان بەسودەو هەوڵ دەدەین بەهۆی مۆندیالی 2026 تۆپی پێ لە ئەمریكا ملیۆنێك هەلی كار بۆ خەڵكی ئەمریكا دابین بكات، ئێستا تۆپی پێ لە ئیتاڵیا 250 هەزار هەلی كاری لە ئیتاڵیا دابین كردوەو لە ئیسپانیا 185 هەزار هەلی كاری دابین كردوە، بۆیە تۆپی پێ بووەتە ئابوری و بۆهەموان بەسودە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*