سەرەکی » وەرزش » هەر سەبارەت بە كلاسیكۆ

هەر سەبارەت بە كلاسیكۆ

دیارە كلاسیكۆ و حیكایەت و چیرۆكەكانی كلاسیكۆ تەواو نابن و لەبن نایەن، بابەتێكی تری كە لەسەر ئەم كلاسیكۆیەی رباردووی شەوی یەشكەممەی هەفتەی رابردوو لەیارگای سانتیاگۆ بیرنابیۆ، چەندین ئامارو سەرژمێری نوێیە، وا لێرەدا ئاماژە بە هێندێكیان دەكەین.
*ئەم كلاسیكۆیە بووبە 100 –ەمین كلاسیكۆی رەسمی و نارەسمی كە ریاڵ لە بارسیلۆنا دەباتەوە.
*ریاڵ مەدرید ئاماری زۆرترین بردنەوەی كلاسیكۆی لەگەڵ بارسیلۆنا یەكسان كردەوەو هەریەكیان 96 بردنەوەی كلاسیكۆی رەسمی هەیە.
*سێرجیۆ رامۆس بووبە یەكەم یاریزان لەكۆی ئەو یاریزانانەی لەم كلاسیكۆیەدابەشداربووە كە زۆرترین بەشدارییكردنی لە كلاسیكۆدا هەبێت و كۆی ئەو كلاسیكۆیانەی بەشداریی كردووە بەم كلاسیكۆیەوە بوو بە 44 كلاسیكۆ.
*لیۆنێل میسی دووەم یاریزانە پاش رامۆس بە 43 كلاسیكۆ.
*پاش چوار وەرزی یەك لەسەر یەك وا بۆیەكەمین جار بارسیلۆنا كلاسیكۆی ناو سانتیاگۆ بیرنابیۆی دۆڕاند، وەرزی 2015-2016 كلاسیكۆكەی 4-0 بردۆتەوە، وەرزی دواتر 2016-2017 كلاسیكۆكەی بیرنابیۆی 3-2 بردۆتەوە، وەرزی دواتر 2017-2018 ئەم كلاسیكۆیەی بیرنابیۆشی 3-0 بردۆتەوە، ساڵی پاریش 1-0 براوە بووە، بەڵام ئەم وەرزە 2019-2020 كلاسیكۆی بیرنابیۆی 2-0 دۆڕاندو كلاسیكۆی كامپ نوش یەكسانبووە 0-0.
*5 بردنەوەی بارسیلۆنا ریكۆردی زۆرترین بردنەوەی یەك لەسەر یەكی كلاسیكۆیە و لە 13/12 /2008 دەستیپێكردووەو لەو مێژووەدا توانی 2-0 لە ریاڵ بباتەوەو پاشان تا 29/11/2010 توانی 5 كلاسیكۆی یەك لەسەر یەك لە نێو هەردوو یاریگای نوكامپ و بیرنابیۆ لە ریاڵ مەدرید بباتەوە و پێنجەم كلاسیكۆی براوەشی 5-0 بووە.
*هەرچی ئاماری زۆرترین نەدۆڕاندنی بارسیلۆنایە بەرامبەر ریاڵ مەدرید كە بردنەوەو یەكسان بوونیش دەكات، 7 نەدۆڕاندنە، لە 13/12/2008 تا 10/12/2011 بووە، هەر ئەم ئامارە جارێكی تر دووبارە بۆتەوە ئەوەیش سەرەتای وەرزی 2007 كە 1-1 یەكسان بوون و تا یاریی چوونی ئەم وەرزە بەردەوام بووە كە لە كامپ نو 0-0 یەكسان بوون و پاشان ئەم دۆڕاندنە ئەو ئامارەی وەستاند.
*زنجیرەی زۆرترین بردنەوەی ریاڵ مەدرید لە بارسیلۆنا لە كلاسیكۆدا 6 بردنەوەی ریاڵە، 30//9/1962 دەستیپێكردووە(2-0) و تا 28/2/1965 ی خایاندووە(2-1).
* زنجیرەی زۆرترین بردنەوەی یەك لەسەر یەكی ریاڵ مەدردیش كە دەكاتە زنجیرەی زۆرترین دۆڕاندنی بارسیلۆنا بەرامبەر ریاڵ مەدرید، 31/1/1932 دەستیپێكردووە هەتا 3/2/1935 ی خایاندووەو لەو نێوەندەدا 7 جار بارسا نەیتوانیوە لە ریاڵ مەدرید بباتەوە.
*لەساڵی 2006 -ەوە ئەمە یەكەمین جارە بارسیلۆنا ناتوانێت لە بیرنابیۆ گۆڵ بكات، جگەلە جامی سوپەری ساڵی 2027.
* یەكەمین جارە لەپاش وەرزی 1974-1975 نەتوانێت لە هەردوو كلاسیكۆی بیرنابیۆو كامپ نو گۆڵ لە ریاڵ مەدرید بكات.
*ئەمە بووبە پێنجەم كلاسیكۆی یەك لەسەر یەك، میسی نەتوانێت نەگۆڵ بكات نە گۆڵ دروستبكات، دوا كلاسیكۆ كە گۆڵی كردووە 2018 بووەو دوا ئەسیستیشی 2017 بووە.
*بارسیلۆنا لە 47 كلاسیكۆدا كلین شیتی تۆمار كردووە ئەوەش لە كۆی 180 كلاسیكۆ، لە 140 كلاسیكۆشدا گۆڵی كردووە.
*زیدان ئەگە ئەم كلاسیكۆیەی بدۆڕانایە دەبووە سێیەم دۆڕاندنی یەك لەسەر یەك، لەبەر ئەوە ئەم راهێنەرە تائێستا 3 یاریی یەك لەسەر یەكی نەدۆڕاندووەو هەمیشە پاش دوو دۆڕاندنی یەك لەسەر یەك سێیەمی بردۆتەوە.
*ماریانۆ دیاز بوو بەدووەمین یاریزانی كەتەلۆنی كەلەبارسیلۆنا لە دایكبووبێت و لە كلاسیكۆدا گۆڵ لە بارسیلۆنا بكات، یەكەم یاریزان ماكالا بووە18/سێپتەمبەری 1949 لە كلاسیكۆدا گۆڵی لەبارسیلۆنا كردووە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*