سەرەکی » مانشێت » كورت و پوخت…لەسەر تۆمەتەكانی پارێزگاری دهۆك

كورت و پوخت…لەسەر تۆمەتەكانی پارێزگاری دهۆك

بەشی بەدواداچوون‌و چاودێری

كەناڵە رەسمییەكانی راگەیاندنی پارتی دەقی كۆنگرەیەكی داخراوی پارێزگاری دهۆكیان بڵاوكردەوە كە هیچ كەناڵێكی غەیرە پارتیان بۆ بانگێشت نەكردبوو.

پارێزگار لە جیاتی وەڵامدانەوەیەكی دەستبەجێ و قەناعەتپێكەر بۆ رەوشی بادینان و ماجەرای سەركوتكردنی داخوازی مامۆستایان و هاوڵاتیانی مەدەنی ، بەراست و چەپدا تۆمەتی سیاسیی بەشییەوە. بەشی زۆری تۆمەتەكانی رووی لە سەركردایەتی یەكێتی و بەتایبەتیش هەڤاڵ لاهور شێخ جەنگی هاوسەرۆك بوو.

هەموو كەس تێدەگا ئەم تۆنی قسەكردنە تۆنی رەوتێكە لە ناو پارتی كە حەز بە ئاشتی نێوماڵی كوردی و پەیوەندی ئاسایی نێوان هێزەكانی كوردستان ناكات و دەیەوێ هەر دەستپێشخەریییەكی پارتی بۆ ئاسایكردنەوەی پەیوەندی لەگەڵ یەكێتی لەبار ببات و هەمووان بگەرێنەوە بۆ چوارگۆشەی یەكەم.

ئەمەش خوێندنەوەیەكی هەڵەیە، چونكە هەموو خەڵكی كوردستان دەزانن یەكێتی نیشتمانی كوردستان كە لەسەنگەری داخوازی و پێویستی جەماوەرەوە بەشدارە لە حكومڕانی كوردستان و خۆی لە شاندانەبەر ئەركی خزمەت و بەرپرسیارێتی نەدزیوەتەوە نادزێتەوە، باوەڕی نەگۆڕیشی بە یەك ئاراستەی كوردستانی و دیموكراسی هەیە كە وەڵامدەرەوەی داخوازی رەوا و ئاشتیخوازانەی جەماوەری گەلی كوردستان بێت.

خەڵك دەزانێ یەكێتی وەك نەریتی رەوتی كاری چەندین ساڵەی لە روانگەی دەربەستی سیاسییەوە وەكو باوەڕی بە پاشقول گرتن نییە ، قەتیش دۆخی داخرانی ئیدارە و فەرمانڕەوایی لە بادینان نەسەلماندووە و بەشێوازێكی دروستی شایانی گەلەكەمانی نەزانیووە رەنگە لەبەر ئەوەش و بۆ تێكنەدانی هیوای ئاقڵمەندان و پەرۆشانی گەلەكەمان بە گفتوگۆی نێوان و بە چارەسەری كێشەكانی گوزەران و ژیانی هاووڵاتیان كە لای هەموو هێزێكی سەنگین ئەولەویەتە، جوابی راگەیاندنی پارتی و پارێزگارەكەیان نەداوەتەوە تۆمەتی ئەوەی هەرحزبێك لەناو جەماوەر و بۆ جەماوەر بێت شانازییە، نەك شەرمەزاری.

كاتی خۆی لەئەدەبیاتی یەكێتی دا بەمە دەگوترا:
شرف لاندعية وتهمة لا ننفية

print

 231 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*