سەرەکی » وەرزش » بۆندس لیگا لە رووی بینەرەوە ریكۆردی تۆماركردپەڕە 1

بۆندس لیگا لە رووی بینەرەوە ریكۆردی تۆماركرد

گەڕانەوەی یارییەكانی بۆندس لیگا هەرچەندە بەبێ ئامادەبوونی هاندەران بوو بەڵام جۆشی خرۆشی بینەرانی تۆپی پێ بۆ دەستپێكردنەوەی تۆپی پێ دوای 2 مانگ بووە هۆی ئەوەی ئەو خولە رووی بینەری تەلەفزیۆنیەوە ریكۆرد تۆماربكات.

تۆڕی سكای سپۆرت كە یارییەكانی بۆندس لیگا لە ناوخۆی ئەڵمانیا پەخش دەكات رایگەیاند لەیەكەم رۆژی یارییەكانی بۆندس لیگا 6 ملیۆن كەس لە ناوخۆی ئەڵمانیا راستەوخۆ سەیری یارییەكانیان كردوە.

بۆندس لیگا سەعات 3 و 30 دەقیقە بەكاتی ئەڵمانیا دەستپێكرد كە لەیەك كاتدا 5 یاری هەفتەی 26 بەڕێوەچوون بەمەش ئەڵمانیا بووە یەكەم خولی گەورەی ئەوروپا یارییەكانی دەستپێبكاتەوە.

بەپێی پێگەی دی دەبلیو دی ئێلی ئەڵمانی كە تایبەتە بە بواری راگەیاند كە ساتی دەستپێكردنی یارییەكان 3 ملیۆن و 680 هەزار كەس بینەری یارییەكان بوون لە تۆڕی سكای كە ئەمە دوو هێندەی ژمارەی بینەرە بەراورد بە پێش سەردەمی كۆرۆنا.

لە پاڵ ئەوەشدا 2 ملیۆن و 450 هەزار كەسیش لە رێگەی كەناڵە كراوەكانی سكای سەیری یارییەكانیان كردوە كە ئەو تۆڕە بڕیاری دا چەند یارییەكی 2 هەفتەی یەكەم بەبێ بەرامبەر پەخش بكات.
بەپێی سەرچاوەكانی خولی ئەڵمانیاش یارییەكانی رۆژی یەكەم لە 70 وڵات بەشێوەی راستەوخۆ پەخشكراوە.

 302 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*