سەرەکی » هەواڵ » لاهور شێخ جەنگی تاجەگوڵینەی لەسەر گڵکۆی مەحمود بێسەری دانا

لاهور شێخ جەنگی تاجەگوڵینەی لەسەر گڵکۆی مەحمود بێسەری دانا

لاهور شێخ جەنگی هاوسەرۆكی یەكێتیی نیشتمانیی كوردستان لە شاری سلێمانی سەردانی گڵکۆی لیوا مەحمود محەمەد مارف ناسراو بە مەحمود بێسەری پێشمەرگەی دێرین و فەرماندەی لیوای سكرتاریەتی سكرتێری گشتی ی.ن.ك -ی كرد و تاجە گوڵینەی رێز و وەفای لەسەر گڵكۆكەی دانا، جگە لە هاوسەرۆكی ی.ن.ك ژمارەیەكی زۆر لە كەسوكار و هاوڕێی و هاوسەنگەرانی سەردانی گڵكۆی لیوا مەحمود بێسەرییان كرد و تاجەگوڵینەیان دانا.
لیوا مەحمود بێسەری دوای تووشبوونی بەهۆی تووشبوونی بە ڤایرۆسی كۆرۆناوە رۆژی یەك شەممە رابردوو كۆچی دوایی كرد، لیوا مەحمود بێسەری پێشمەرگە و فەرماندەیەكی بەدسپلینی سەربازی هێزی پێشمەرگەی كوردستان بوو، لەبەرامبەر هەر ئەرك و بەرپرسیارێتییەكدا پێی سپێردرابێت، دڵسۆزانە و لێبڕاوانە ئەركەكانی سەرشانی جێبەجێكردووە و لە تەمەنی لێپرسراوێتیشی وەك فەرماندەی لیوای سكرتاریەتی سكرتێری گشتی ی.ن.ك ، فەرماندەیەكی دڵسۆزو بەئەمەك و سەر راستبووە كە نموونەی فەرماندە و پێشمەرگەو لێپرسراو بوو.

 36 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*