سەرەکی » هەمەڕەنگ » پێنجوێن، پێشبڕكێی كتێب خوێندنەوە بەڕێوەدەچێت

پێنجوێن، پێشبڕكێی كتێب خوێندنەوە بەڕێوەدەچێت

كتێبخانەی گشتی پێنجوێن پڕۆژەی هاندان بۆ خوێندنەوەی كتێب، لە رێگای ئەنجامدانی پێشبڕكێی خوێندنەوەوە رادەگەیەنێت.

بەچاودێری وەزیری رۆشنبیری و لاوان، بەڕێوەبەرایەتی گشتی كتێبخانە گشتییەكان و بەڕێوەبەرایەتی كتێبخانە گشتییەكانی سلێمانی، كتێبخانەی گشتی پێنجوێن پڕۆژەی هاندان بۆ خوێندنەوەی كتێب رادەگەیەنێت، لە رێگای ئەنجامدانی پێشبڕكێی خوێندنەوەی كتێب، خەڵاتی تایبەتیش دەبەخشێتە بەشداربووە سەركەوتووەكان.

بۆ ئەو مەبەستەش ناونووسین بۆ بەشداریكردن لە رۆژی 10/1/2021 دەستپێدەكات تا 14/1/2021 بەردەوام دەبێت.

لەمبارەیەشەوە ئالان رەئوف بەڕێوەبەری كتێبخانەی گشتی سلێمانی رایگەیاندووە: پڕۆژەی هاندان بۆ خوێندنەوەی كتێب لەشارو شارۆچكەكان بەردەوام دەبێت و بڕیارە لە چەند رۆژی داهاتووشدا لە كتێبخانەی گشتی قەرەداغ پڕۆژەی هاندان بۆ خوێندنەوەی كتێب بەڕێوەبچێت.

 45 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*