سەرەکی » زانست » تەکسی فڕیو دەکەوێتە ئیش

تەکسی فڕیو دەکەوێتە ئیش

كەشتیی نوح

كۆمپانیای فرۆكەوانیی ئەمریكا (یونایتد ئێرلاینز) بە نیازە لە داهاتوویەكی نزیكدا سوود لە تەكسیی فڕیو ببینێت بۆ گواستنەوەی گەشتیاران بۆ فرۆكەخانەكانی ئەو وڵاتە.

كۆمپانیای فڕۆكەوانیی ئەمریكایی( یونایتد ئێرلاینز) لە هەوڵدایە تا پێنج ساڵی ئایندە (200) ئۆتۆمبیلی تەكسی فڕیو بكڕێت كە بەكارەبا كاردەكەن بۆ گواستنەوەی گەشتیاران بۆ فڕۆكەخانەكانی وڵاتەكەی.

وتەبێژی كۆمپانیای ناوبراو ئاشكرایكرد، وەبەرهێنان لە كۆمپانیای تەكسیی كارەبایی فڕیوی (ئارچەر) دا دەكات وەك بەشێك لە سەودانامەیەك بە بەهای(101) بۆ گەشەپێدانی ئەو جۆرە ئۆتۆمبیلە فڕیوانەی كە دەتوانن بە شێوەیەكی ستوونیی بفڕن و بنیشنەوە.

ئەو وتەبێژە ئەوەشی راگەیاندووە كۆمپانیاكەیان پێشبینی دەكات ئەو ئۆتۆمبیلە فڕیوانە كە بە كارەبا كاردەكەن لەو ناوچانە بەكاربێن كە ڕێگەخێراكانیان زۆر جەنجاڵە و گەشتیاران بەئاسانی ناتوانن بگەنە فڕۆكەخانەكان.

ئۆتۆمبیلە فڕیوە كارەباییەكانی كۆمپانیای (ئارچەر) دەتوانن بۆ مەودای (59) كیلۆمەتر و بە خێرایی(240) كیلۆمەتر لە سەعاتێكدا بڕۆن ، جگە لەوەش بەهۆی ئەوەی بەكارەبا كاردەكەن رێژەی دەردانی دووەم ئۆكسیدی كاربۆن لە هەوادا بۆ نزیكەی نیوە كەم دەبێتەوە.

گەر ئەو سەودانامەیەش تەواو بكرێت، ئەوا یونایتد ئێرلاینز دەبێتە یەكەمین گەورە كۆمپانیا كە ئەو تەكسییە فڕیوانە بكڕێت و بۆ ئەمەش پێویستی بە مۆڵەتی لایەنە تایبەتمەندەكانە.

پێویستە بوترێت، كۆمپانیای (یونایتد ئێرلاینز) لە ساڵی ڕابردوودا و بەهۆی پەتای كۆرۆناوە (7) ملیار دۆلار زیانی پێگەیشتووە و پشتی بەستووە بە یارمەتییەكانی حكومەتی ئەمریكا بۆ ئەوەی ناچار نەبێت سەدان كارمەندی خۆی لە كارەكانیان دوور نەخاتەوە.

سەرچاوە: Sky news

 65 جار بینراوە