سەرەکی » زانست » ڤێلاكەی بن لادن بایی چەندە؟

لەساڵی 2001ـەوە چۆڵكراوە

ڤێلاكەی بن لادن بایی چەندە؟

10 ساڵە گەورە تیرۆرستی جیهان «ئوسامە لادن» لەلایەن ئەمریكیەكانەوە كوژراوە، كەچی كۆشك «ڤێللا» گەورەكەی ئیبراهیمی برای كە لەشاری « لۆس ئەنجلۆس»ە لەو هەموو ماوەیەدا بەچۆڵی ماوەتەوەو لەترسی نازناوەكەی تۆڵەی كەسوكاری قوربانیانی 11 ی سێپتێمبەر ناوێرێت بچێتەوە ئەمریكاو تێیدا نیشتەجێ بێت. پرسیارێك هەیە ئەویش ئەوەیە خۆ ئەو پیاوە لەژیانیدا یەك ڕۆژ كاسبی نەكردوە داخۆ ئەو ڤێللا قەشەنگ و جوانەی بەچ پارەیەك كڕیوە؟ ئەو سەروەت و سامانەی لەكوێ هێناوەو چۆن توانیویەتی لە گەورەترین وڵاتی دونیاو لەناو سەنتەری جوانترین شاردا بكڕدرێت، ئوسامە لەگەڵ زڕ براكەی كە بەشێكی زۆری ژیانی لەناو ئەو ڤێلایە بردۆتەسەر ڕێی تێدەچێت هاوەڵانی بەرنامەو پلانی كارە تیرۆریستیەكەی سەنتەری بازرگانی جیهانی لەناو یەكێ لە ژورەكانی ئەو قەسرە دارێژرابێت ؟ ئەو پرسیارانە بێ وەڵامن و هەر بۆ خۆدزینەوەش لەو لێكۆڵینەوەو بەدواداچونانە ئەو ڤێلایە چۆڵكراوەو وا خەریكە دارو درەخت و باخەكەی وشك دەبێ و كەلوپەل و شمەكەكانی ناوی تۆزیان لەسەر نیشتوە.

ئەو كۆشك و تەلارە زبەللاح و شاهانەیە لەساڵی 1931 بەجوانترین و نایابترین دیزاین و پەیكەری میعماری لەلایەن ئەندازیارە بەناوبانگەكانی ئەمریكا دروستكراوە، ڕوبەری بیناكە7100 مەتر چوارگۆشەیە، 7 ژووری نوستن و5 حەمامی گەورەو بچوك ساوناو مەلەوانگەو ژمارەیەك پاركی ئۆتۆمبێل و سێ چوار باخی گەورەو رازاوە بە گوڵ و گوڵزارو جۆرەها درەخت لە پانتایی دوو هێكتاردا دامەزرێندراوە، ئەو ئیبراهیمە لەساڵی 1981ڤێللاكەی لەبنەماڵەی هونەرمەندی هۆلیۆدArthur Freed ی بە 1,5 ملیۆن دۆلار كڕیوە و تا بەر لە كوژرانی ئوسامەش، خۆی و خێزانە ئەمریكیەكەی لەگەڵ كچەكەیان تیایدا ئەژیان، لەدوای كوژرانی براكەی و بڵاوبونەوەی نازناوی تیرۆریست بۆ بنەماڵەكەی و كەسوكاری خۆی خێزانەكەی ئەمریكایان بەجێ هێشتوەو لەشوێنیكی شاراوەو نادیاردا ژیان بەسەر دەبەن، لەوساوە ڤێللاكە چۆڵ و هۆڵە ناوە ناوە بەكرێ دراوەتە كۆمپانیاكانی فلیمسازی سێكسی و ئێستا كەسی تێدا ناژی هەفتەی رابردو لەڕێی پارێزەرەكەیەوە راگەیەنراكە دەیەوێت بیفرۆشێت و نرخی 28 ملیۆن دۆلاری بۆ داناوە، ئەو ناو و نازناوە ڤێللاكەی هەزران كردوەو وەك دەڵێن ئەگەر هی ئەو نەبوایە دوو ئەوەندەی تری دەكرد.

سەرچاوە: Bild

 176 جار بینراوە