سەرەکی » زانست » دەستنووسێكی ئەنیشتاین بە 13 ملیۆن دۆلار

دەستنووسێكی ئەنیشتاین بە 13 ملیۆن دۆلار

تارا شێخ عوسمان

لە پاریسی پایتەختی فەرەنسا و لە مەزادێكی ئاشكرادا دەستنووسێكی دەگمەنی ئەنیشتاین بە زیاتر لە 13 ملیۆن دۆلار فرۆشرا، كەسی كڕیاریش ناسنامەكەی بە نادیاری ماوەتەوە.

خانەی كریستیز بۆ زیادكردنەكان كە خانەیەكی زیادكردنی ئاشكرای بەریتانییە لە بەیاننامەیەكیدا دەربارەی ئەم هەواڵە رایگەیاندووە، ئەو دەستنووسە لە 54 لاپەڕە پێكهاتووە و ئەنیشتاین بە یارمەتی میشیل بیسۆی یاریدەدەری لە ساڵی 1913 و سەرەتای 1914 لە زیورخی سویسرا نوسیوویەتی، چیرۆكی ئەو قۆناغە یەكلاكەرەوەیە دەگێرێتەوە سەبارەت بە گەشەپێدانی تیۆری رێژەیی گشتی.

لەو بەیاننامەیەدا هاتووە، ئەو دەستنووسە یەكێكە لە بەڵگە زانستییە هەرە گرنگەكانی مێژوو كە لە سەرەتای سەدەی بیستەمدا نووسراوە.

ئەوەی بووەتە جێگەی سەرنجی ناوەندە تایبەتمەندەكان ئەوەیە، سەرەتا پێشبینی دەكرا ئەو دەستنووسە بە (3.5) ملیۆن دۆلار بفرۆشرێت، بەڵام پێشبینیەكان كورتیان هێنا و دەستنووسەكە بە چوارهێندەی نرخی چاوەروانكراو فرۆشرا و تا ئێستاش ناسنامەی كڕیارەكە بە نادیاری ماوەتەوە.

چەندین پرۆفیسۆر و مامۆستای زانكۆش لە بەریتانیا و سویسرا لە بارەی ئەم رووداوەوە بۆچوونی خۆیان بە میدیا جیهانییەكان راگەیاندووە و ئاماژەیان بەوە داوە كە ئەو دەستنووسە یەكێكە لە بەڵگە گرنگەكانی تیۆری رێژەیی گشتی و خاڵێكی یەكلاكەرەوی كاروانە دوورودرێژە فیكری و زانستییەكانی ئەنیشتاین بووە بەرەو تیۆری رێژەیی گشتی.

سەرچاوە: NBC NEWS

 207 جار بینراوە