سەرەکی » هەمەڕەنگ » پەیكەری حەمەڕەئوف كەركوكی

پەیكەری حەمەڕەئوف كەركوكی

هێمن ئەحمەد

لە ئێوارەیەکی هونەریدا کە بریتیبوو لە پێشکەشکردنی میوزیك‌ و گۆرانی‌ و شیعر، كۆمەڵگەی پەروەردەیی مارگرێت بە هەماهەنگی لقی كەركوكی سەندیكای هونەرمەندانی كوردستان پەردە لەسەر پەیكەری هونەرمەند «حەمە رەئوف كەركوكی» لەسەنتەری رۆشنبیری شارەكە لادرا.

لە دەستپێكی مەراسیمەكەدا ‌کە بە ئامادەبوونی هونەرمەندان و هونەردۆستانی شارەكە بەڕێوچوو، خوێندكارانی پەیمانگەی هونەرە جوانەكانی كەركوك چەند پارچە میوزیك و چەند گۆرانییەکیان پێشكەش كرد، دواتر هونەرمەند «حەمە رەئوف كەركوكی» چەند گۆرانییەكی خۆی پێشكەش بەئامادەبووان كرد و دەستخۆشیشی لە رێكخەرانی مەراسیمەكە كرد.

لەمبارەیەوە سیروان عومەر سەرۆكی لقی كەركوكی سەندیكای هونەرمەندانی كەركوك، بەكوردستانی نوێی وت: لقەكەمان مەراسیمی پەردەلادانەكەی وەكو سوپرایزێك بۆ هونەرمەندی ناوبراو ئامادە كردبوو، چونكە ناوبراو خزمەتێكی زۆری بە هونەری گۆرانیوتن كردووە و بەردەوام جەختمان لەسەر ئەوە كردۆتەوە كە تا هونەرمەند خۆی لە ژیاندا ماوە رێزی لێبگیرێت و رێزلێنانەكەش بە چاوی خۆی ببینێت.

 76 جار بینراوە