سەرەکی » مانشێت » سەرۆک مام جەلال داوا لە یەکێتییەکان دەکات رێڕەوی خەباتی خۆیان لە کایە کۆمەڵایەتی و سیاسییەکاندا ون نەکەن

لە دوو وتاردا و لە دوو بۆنەی جیاوازدا :

سەرۆک مام جەلال داوا لە یەکێتییەکان دەکات رێڕەوی خەباتی خۆیان لە کایە کۆمەڵایەتی و سیاسییەکاندا ون نەکەن

سەرۆک مام جەلال جگە لەوەی لە زۆربەی رووداوە گەرمەکانی رۆژدا دیدو تێڕوانینی وردبینانەو دووربینانەی هەبوو، هاوکات بۆنە تایبەت و مێژووییەکانیشدا خاوەنی تێزو تێڕوانینی خۆی بووەو لەو بۆنە مێژووییانەشدا هەمیشە وتارو لێدوانەکانی لەلایەکەوە بە ئاراستەی زیندوو راگرتنی ئەو بۆنە نەتەوەیی و نیشتمانی و جیهانییانە بووەو لەلایەکی هەوڵیداوە ئەو بۆنانە  بۆ وەرگرتنی پەندو وانە لە خەباتدا سوودیان لێ ببینرێت و هاوکات ئەرکی هەڤاڵانی ی.ن.ک-یشی دیاریکردووە بۆ چۆنێتی کارکردن لە بوارە جۆراوجۆرەکاندا.
ئەم دوو وتارە کە مێژووەکەیان دەگەڕێتەوە بۆ 21 ساڵ لەمەوبەر، یەکێکیان پەیوەستە بە یەکی ئایار جەژنی جیهانی و ئەوی وتارێکە ئاراستەی رێکخستنەکانی یەکێتی کردووە بەبۆنەی هەڵبژاردن و کۆنفرانسی مەڵبەندی سلێمانییەوە. کە لەژمارەکانی (1275 لە 3/5/1996) و (1285 لە 15/5/1996) دا بڵاوکراونەتەوە و  هەردوو وتارەکەش ئەگەرچی لە دوو بۆنەی جیاجیادا پێشکەشکراون، بەڵام بە روونی هێڵە گشتییەکانی خەباتی یەکێتی تێدا روونکردۆتەوە کە دەکرێت بۆ ئێستاو داهاتووش پەندو وانەی پێویستیان لە کاروانی خەباتدا لێ هەڵبهێنجرێت.
کوردستانی نوێ
مام جه‌لال له‌ مه‌ڵبه‌ندی رێكخستنی سلێمانی:
هیوادارم مه‌ڵبه‌نده‌كانی دیكه‌ی رێكخستن بۆ کۆنفرانس چاو له‌ مه‌ڵبه‌ندی سلێمانی بكه‌ن
هه‌ڤاڵانی تێكۆشه‌ر، خوشك‌و برایانی خۆشه‌ویست:
 له‌ پێشه‌وه‌ به‌گه‌رمی پیرۆبایتان لێ ده‌كه‌م، پیرۆزبایی له‌ هه‌موو ئه‌و هه‌ڤاڵانه‌ ده‌كه‌م كه‌  ئه‌ركی به‌دیهێنانی هه‌ڵبژاردن‌و به‌ ئه‌نجام گه‌یاندنی هه‌ڵبژاردنه‌كه‌یان گرتۆته‌ ئه‌ستۆ، هه‌ر له‌ لێپرسراوی مه‌ڵبه‌نده‌وه‌ بگره‌ تا سه‌ر هه‌ڤاڵانی كارگێڕ‌و ئه‌نجومه‌نی مه‌ڵبه‌ند‌و هه‌ڤاڵانی كۆمیته‌كان‌و كه‌رته‌كان‌و هه‌موو هه‌ڤاڵه‌ به‌شداربووه‌كان له‌و هه‌ڵبژاردنه‌ بێوێنه‌یه‌ له‌مێژووی یه‌كێتیی نیشتمانیی كوردستاندا. مێژووی یه‌كێتیی نیشتمانیی كوردستان وه‌ك هه‌مووتان ده‌زانن‌و هه‌روه‌ك مێژوو شایه‌دی بۆ ده‌دا پڕه‌ له‌ سه‌روه‌ریی‌و شانازییه‌ بێوێنه‌كان له‌ خه‌باتی دوور‌و درێژی گه‌له‌كه‌ماندا، یه‌كێك له‌ شته‌ هه‌ر دڵخۆشكه‌ره‌كانی، بوونی دیموكراسی‌ و سه‌ربه‌ستی‌ و ئازادیی بیروڕا ده‌ربڕینه‌ له‌ناو یه‌كێتیی نیشتمانی كوردستاندا، یه‌كێك له ‌سه‌روه‌رییه‌كان ئه‌وه‌ی كه‌ یه‌كێتیی نیشتمانیی کوردستاندا له‌سه‌ر بنچینه‌ی هه‌ڵبژاردن ‌و ویست‌ و ئیراده‌ی هه‌ڤاڵان‌ و گه‌شه‌ پێبده‌ین‌و به‌ره‌و پێشی به‌رین.
هەڤاڵانی تێکۆشەر:
ئه‌م هه‌ڵبژاردنه‌ بێوێنه‌یه‌ كه‌ له‌لایه‌ن مه‌ڵبه‌ندی سلیمانییه‌وه‌ ئه‌نجامدراوه‌، هیوادارم ببێته‌ نموونه‌یه‌ك بۆ هه‌موو هه‌ڵبژاردنه‌كان له‌سه‌رتاسه‌ری یه‌كێتیی نیشتمانی كوردستاندا، چونكه‌ به‌م جۆره‌‌و به‌و شێوه‌یه‌ ده‌توانین هه‌موو  كۆمیته‌‌و مه‌ڵبه‌نده‌كان به‌ جۆرێك دابڕێژینه‌وه‌‌ و دابمه‌زرێنینه‌وه‌ كه‌ نه‌ك هه‌ر ویستی ده‌یان هه‌زار ئه‌ندامی یه‌كێتیی نیشتمانیی كوردستان له‌ خۆیاندا بنوێنن، به‌ڵكو ببنه‌ هۆی چاكتر جۆشدان‌ و گه‌شه‌پێدانی رێكخستنه‌كانی یه‌كێتیی نیشتمانیی كوردستان‌ و خستنه‌گه‌ڕی سه‌رتاسه‌ریی هه‌ڤاڵان‌ و تێكۆشه‌ران و لایه‌نگرو دۆستانی یه‌كێتیی نیشتمانی كوردستانیش.
 ئه‌مساڵ چه‌ندین كۆبوونه‌وه‌ی گه‌و‌ره‌و گرنگ‌ له‌ كوردستان روویانداوه‌، به‌ڵام پێم وایه‌ یه‌كێك له‌ كۆبوونه‌وه‌ هه‌ره‌ گرنگ‌و به‌كه‌ڵكه‌كان ئه‌و كۆبوونه‌وەیە‌ی ئێوه‌یه‌‌و هیوادارم ئه‌و كۆبوونه‌وه‌یه‌ ببێته‌ سه‌ره‌تای گه‌شه‌پێدانی یه‌كێتیی نیشتمانیی كوردستان له‌سه‌ر بنه‌مای دیموكراسی‌ و ئازادیی بیروڕا له‌ناو یه‌كێتیدا.
دەرچووەکان و دەرنەچووەکانیش بە ئەنجامەکان شادبن
بێگومان هه‌ڵبژاردن كه‌ نیشانه‌یه‌كی دیموكراسییه‌، نیشانه‌یه‌كی بوونی گیانی ئازادیی بیروڕای سه‌ربه‌ست ده‌ڕبرینه‌ له‌ناو رێكخستندا. لایه‌نه‌ باشه‌كانی زۆرترن له‌ لایه‌نه‌كانی تر، لایه‌نه‌ باشه‌كانی پێموایه‌ هه‌مووتان ده‌یزانن، بۆیه‌ ئیجازه‌ بده‌ن كه‌ من نه‌ختێك له‌سه‌ر لایه‌نی كه‌ هه‌ندێ ره‌نگه‌ له‌یه‌كتر گیربن، قسه‌ بكه‌م.
ره‌نگه‌ له‌ هه‌ڵبژاردندا هه‌ندێك هه‌ڤاڵ ده‌رنه‌چنه‌وه‌‌و هه‌ندێك هه‌ڤاڵیش سه‌رله‌نوێ هه‌ڵبژێردرێن بۆ پله‌ جیاجیاكانی ناو رێكخستن، بێگومان پێموایه‌ ده‌بێ هه‌ردوو لایان شادبن، ئه‌وانه‌ی هه‌ڵده‌بژێردرێن ده‌بێ به‌وه‌ شادبن كه‌ متمانه‌ی ئه‌ندامان‌و هه‌ڤاڵانیان وه‌رگرتووه‌‌و به‌كار‌و كرده‌وه‌‌و خه‌باتی خۆیان توانیویانه‌ جێی ره‌زامه‌ندیی هه‌ڤاڵان بن‌ و جێی متمانه‌یان بن‌ و ئه‌و ئه‌ركانه‌یان پێ ره‌وا ببینرێ كه‌ بۆیان هه‌ڵده‌بژێردرێن، دیاره‌ ئه‌وه‌ ئه‌ركێكی گه‌وره‌ ده‌خاته‌ سه‌ر ئه‌و هه‌ڤاڵانه‌، ئه‌ركێكی ئه‌وتۆ كه‌ هه‌میشه‌ ده‌بێ له‌بیریان بێ.
هه‌میشه‌ ئه‌و راستییه‌یان له ‌بیربێت كه‌ ئه‌و خوشك‌و برایانه‌ی ده‌نگیان بۆ داون، بۆیه‌ ده‌نگیان بۆ داون كه‌ ئه‌وانه‌ ببنه‌ نموونه‌ی تێكۆشه‌ر له‌ رێزه‌كانی یه‌كێتیی نیشتمانیی كوردستاندا، هه‌موو كات گه‌شه‌ به‌خۆیان بده‌ن بۆئه‌وه‌ی له‌ هه‌ڵبژاردنێكی تردا جارێكی تر متمانه‌ی هه‌ڤاڵانی خۆیان وه‌ربگرنه‌وه‌.
دیاره‌ له‌ ژیانی سیاسی‌ و رێكخراوه‌یدا هه‌میشه‌ نوێبوونه‌وه‌‌ و خۆ نوێكردنه‌وه‌ مه‌رجێكی ژیان‌ و مان‌ و گه‌شه‌كردنی ئه‌م رێكخستنه‌یه‌، نوێبوونه‌وه‌‌و نوێكردنه‌وه‌ له‌ناو رێكخستنه‌كان زۆر زۆر ئه‌همیه‌تی هه‌یه‌، گیانێكی نوێ، خوێنێكی نوێ به‌ناو له‌شی رێكخستندا ده‌گێڕێت‌ و ده‌بێته‌ هۆی ئه‌وه‌ی كه‌ زیاتر هه‌ڤاڵان سووربن له‌سه‌ر سه‌ره‌تاكان‌ و ده‌ستگرتن به‌ ئه‌ڵقه‌ی بیروباوه‌ڕ‌و خوو ره‌وشتی شۆڕشگێڕانه‌‌و ئه‌و خاسیه‌تانه‌ی كه‌ پێویستن بۆ كه‌سانی شۆڕشگێڕ.
هەڵبژاردن هەم زەنگەو هەم موژدە
هه‌ڵبژاردن له‌ناو یه‌كێتیدا له‌ هه‌مان كاتدا زه‌نگێكه‌ بۆ هه‌موو ئه‌و هه‌ڤاڵانه‌ی كه‌ سه‌رەتاكانیان له‌بیر ده‌چێت، یان وه‌ك پێویسته‌ خۆیان ماندوو ناكه‌ن له‌ پێناوی سه‌ره‌تاكاندا. هه‌روه‌كو موژده‌یەكیشه‌ بۆ هه‌موو ئه‌و تێكۆشه‌رانه‌ی كه‌ زیاتر له‌ كات‌و ساتی خۆیان ته‌رخان ده‌كه‌ن بۆ گه‌شه‌پێدانی رێكخستن‌ و سه‌رخستنی رێكخستنه‌كه‌ی خۆیان‌ و به‌تایبه‌تی رێكخستنه‌كانی یه‌كێتیی نیشتمانیی كوردستان به‌گشتی.
دیاره‌ سلێمانی له‌ رۆژی دامه‌زراندنییه‌وه‌ تا ئەمڕۆ له‌ زۆر مه‌یدانی سیاسی ‌و ئه‌ده‌بی  و كۆمه‌ڵایه‌تیدا هه‌میشه‌ له‌ پێشه‌وه‌ بووه‌‌ و هه‌میشه‌ شه‌ره‌فی ده‌ستپێشخه‌ریی گرنگی هه‌بووه‌ له‌ مێژووی گه‌له‌كه‌ماندا. خۆتان ده‌زانن كه‌ هه‌ر دامه‌زراندنی سلێمانی بۆ ئه‌وه‌ بوو كه‌ ببێته‌ پایته‌ختی ئه‌ماره‌تێكی سه‌ربه‌خۆ یا نیمچه‌ سه‌ربه‌خۆی كوردی ئه‌و سه‌رده‌مه‌ی كوردستان، ئه‌ماره‌تی بابان، واته‌ سلێمانی هه‌ر بۆیه‌ دروست بووه‌ كه‌ پایته‌خت بێت، هیچ نه‌بێ پایته‌ختی فیكری‌و رۆحی‌ و ئه‌ده‌بی‌ و سیاسی‌ و   كۆمه‌ڵایه‌تی له‌ كۆمه‌ڵی كورده‌واریدا، بۆیه‌ هیچ سه‌یر نییه‌ كه‌ هه‌ڵبژاردن به‌و شێوه‌ نایابه‌ی له‌م سلێمانییه‌دا رووبدات‌ و سه‌ر بكه‌وێ، ئه‌وه‌ی زۆر دڵخۆشكه‌ره‌ له‌و هه‌ڵبژاردنه‌ی ئێوه‌دا چه‌ند شتێکه‌ به‌لای منه‌وه‌ گرنگه‌ وه‌كو له‌ خواره‌وه‌ بۆتان باس ده‌كه‌م.
یه‌كه‌م: ئه‌و جۆش‌و خرۆشه‌یه‌ كه‌ هه‌ڤاڵانی هاندا بۆ به‌شداربوونێكی گشتی له‌ هه‌ڵبژاردنه‌كه‌ماندا. ده‌وروبه‌ری (41) هه‌زار هه‌ڤاڵ له‌م هه‌ڵبژاردنه‌دا به‌شدارییان كردووه‌و وه‌ك بیستمه‌وه‌ به‌ شه‌وق‌و شوورێكی ئه‌و تۆوه‌ خه‌ڵك تێیدا به‌شداربوون كه‌ خه‌ڵك هه‌بووه‌ نه‌خۆش بووه‌، هاتووه‌ بۆ ده‌نگدان، خوشك هه‌بووه‌ رۆژی به‌ بووك چوونی بووه‌، هاتووه‌ ده‌نگی داوه‌، هه‌ڤاڵ هه‌بووه‌ چه‌ندین سه‌عات راوه‌ستاوه‌ كه‌ كارو پیشه‌ی خۆی به‌جێهێشتووه‌ بۆئه‌وه‌ی له‌ ده‌نگداندا به‌شداربێت.
دیاره‌ ئه‌و ژماره‌ زۆره‌ش ژماره‌یه‌كی گرنگه‌ له‌ هه‌ڵبژاردندا و  بگره‌ له‌ مێژووی یه‌كێتیی نیشتمانیی كوردستاندا، چونكه‌ نابی ئه‌و راسته‌یه‌مان له‌ بیربچێت كه‌ مه‌ڵبه‌ندی سلێمانی چه‌ند مه‌ڵبه‌ندێكیشی لێ بۆته‌وه‌. مه‌ڵبه‌ندی شاره‌زوور‌ و مه‌ڵبه‌ندی راپه‌ڕین‌ و  به‌شێكیش بۆ مه‌ڵبه‌ندی كه‌ركوك له‌ مه‌ڵبه‌ندی سلێمانی جیاكراوه‌ته‌وه‌.ئینجا ئه‌و ژماره‌یەش به‌شداریی كردووه‌ له‌ هه‌ڵبژاردندا كه‌ ئه‌وه‌ شتێكی به‌ڕاستی دلخۆشكه‌ر‌و هیوابه‌خشه‌ به‌وه‌ی كه‌ رێكخستنه‌كانمان زیندوون‌ و گیانیان له‌به‌ردایه‌‌و له‌گه‌شه‌كردن‌ و له‌ پێشكه‌وتنن.
شتێكی تری دڵخۆشكه‌ر له‌و هه‌ڵبژاردنه‌دا ئه‌وه‌یه‌ كه‌وا زۆر به‌رێك‌و پێكی‌و بێ قڕەو بڕه‌‌و بێ ئاژاوەنانه‌وه‌ له ‌سه‌رتاسه‌ری سنووری مه‌ڵبه‌ندەكه‌دا ئه‌نجامدرا،  هه‌ڵبژاردنه‌كه‌ به‌شێوه‌یه‌كی ئازاد‌و دیموكراتییانه‌ به‌ ئه‌نجام گه‌یشت.
شتێكی دیكه‌ كه‌ به‌لای منه‌وه‌ گرنگ‌و دڵخۆشكه‌ره‌ به‌شداریی ژماره‌یه‌كی زۆرە له‌ خوشكان وه‌ك بیستم له‌ هه‌ڤاڵ سه‌ید عومه‌ر ده‌وروبه‌ری (150) خوشك به‌شداریی ئه‌و كۆنفرانسه‌ن، ئه‌وه‌ به‌ڕاستی شتێكی دڵخۆشكه‌ره‌‌و هیوادارم ببێته‌ نموونه‌ بۆ خوشكانی تر له‌ مه‌ڵبه‌نده‌كانی تری یه‌كێتیی نیشتمانی كوردستان بۆئه‌وه‌ی ئه‌وانیش چالاكانه‌ به‌شداریی بكه‌ن له‌ هه‌ڵبژاردن‌ و له‌ هاتنه‌كایه‌ی خه‌باتی سیاسی‌ و فیكری‌ و رێكخستندا.
ژمارەی خوشکان لە کۆنفرانسەکەدا جێی دڵخۆشییە
خوشكان كه‌ نیوه‌ی كۆمه‌ڵن، گرنگییه‌كی تایبه‌تیان هه‌یه‌ له‌ كۆمه‌ڵی كورده‌واریدا، به‌شداربووینان یه‌كجار گرنگه‌‌ و زۆر كاریگه‌ریی هه‌یه‌‌و زۆر كاریگه‌ر ده‌بێ ته‌نانه‌ت له‌ گه‌شه‌كردنی ژیانی كۆمه‌ڵایه‌تیدا به ‌تایبه‌تی له ‌سه‌رده‌مێكدا  كه‌ هه‌ندێك بیروڕای كۆنه‌په‌رستانه‌ تازه‌ ده‌یه‌وێ له‌ كوردستانی ئێمه‌دا سه‌رهه‌ڵداته‌وه‌ بۆ خوشكان بخزێنێته‌وه‌ ناو ماڵ‌ و بێبه‌شیان بكا له‌ چالاكی سیاسی‌ و كۆمه‌ڵایه‌تی ‌و عه‌سكه‌ری ‌و فیكری و ته‌نزیمی و.. هتد، بۆیه‌ پێویسته‌ خوشكان هه‌روه‌ك چالاكانه‌‌و به‌ جۆش‌و خرۆشه‌وه‌ به‌شدارییان كردووه‌ له‌و هه‌ڵبژاردنه‌دا ئا ئه‌وهاش خۆیان ئاماده‌كه‌ن بۆ درێژه‌دان به‌و خه‌باته‌ به‌ شیوه‌یه‌كی ریك‌و پێك و ژیرانه‌ بۆ هه‌ڵبژاردنی خوشكی شایسته‌ بۆ ئه‌و شوێنانه‌ی   كه‌ پێویستن بۆئه‌وه‌ی ئه‌وانیش له‌گه‌ڵ براكانیان‌ و له‌گه‌ڵ هه‌ڤاڵه‌كانی تریاندا پێكه‌وه‌ ئه‌ركی مێژوویی گه‌شه‌پێدان‌ و رێكخستنی یه‌كێتیی نیشتمانیی كوردستان بگرنه‌ ئه‌ستۆ، من هیوادارم كه‌ له‌م كۆنفرانسه‌دا ئه‌و لایه‌نه‌ گه‌شانه‌ له‌ بڕیاره‌كاندا ره‌نگ بده‌نه‌وه‌ له‌ دانانی ئه‌رك‌ و پێویستییه‌كانی سه‌ر شانتان له‌ هه‌ڵبژاردنه‌كانتاندا، بێگومان هه‌ڵبژاردنی ئازاده‌، هه‌موو كه‌س به‌وپه‌ڕی سه‌ربه‌ستییه‌وه‌ بیروڕای خۆی، هه‌ڤاڵی خۆی هه‌ڵده‌بژێرێ، به‌ڵام پێویسته‌ ئه‌و راستییه‌تان له‌ بیرنه‌چێ كه‌ نیاز له‌و هه‌ڵبژاردنه‌ ئه‌وه‌ نییه‌ كه‌ جۆره‌ ركابه‌رییه‌كی نامه‌بده‌ئی بكه‌وێته‌ نێوانتانە‌وه‌، به‌ڵكو هه‌ڵبژاردنی خه‌ڵكی شایسته‌‌ و بۆ شوێنی خۆی بۆ ئه‌و شوێنه‌ی كه‌ ده‌توانێ ئه‌ركه‌كانی خۆی تێدا جێبه‌جێ بكات‌و به‌ جێی بگه‌یه‌نێ، بۆیه‌ ئه‌مجاره‌ش سلێمانی بۆته‌وه‌ نموونه‌ بۆ رێكخستنه‌كانی یه‌كێتیی نیشتمانیی كوردستان ‌و هیوادارم هه‌ڤاڵانی لێپرسراوی مه‌ڵبه‌نده‌كانی تر كه‌ ئێستا له‌م كۆبوونه‌وه‌یه‌دا به‌شدارن، ده‌رس‌و په‌ندی پێویست له‌و كۆبوونه‌وه‌یه‌ وه‌ربگرن، كه‌ ئه‌وانیش له‌ هه‌ڵبژاردنه‌كانی داهاتووی خۆیاندا به‌هه‌مان شێوه‌ی سلێمانییانه‌ رێكخستنه‌كانی خۆیان به‌ ئه‌نجام بگه‌یه‌نن‌ و ئه‌وانیش كۆبوونه‌وه‌ی وا بكه‌ن كه‌ هه‌موو لایه‌كمان پێی سه‌ربه‌رزو شادو دڵخۆش بین.
بەرەو پلینۆم و کۆنگرێس
ئه‌م هه‌ڵبژاردنه‌ سه‌ره‌تایه‌كی بۆ هه‌ڵبژاردنێكی سه‌رتاسه‌ریی له‌ یه‌كێتیی نیشتمانیی كوردستاندا كه‌ هیوادارین هه‌ر له‌ ئاستی مه‌ڵبه‌نده‌كاندا نه‌مێنێته‌وه‌، به‌ڵكو بڕوا بۆ ئاستی به‌ستنی پلینێۆم ‌و ئینجا كۆنفرانس‌و كۆنگرێسی داهاتووی یه‌كێتیی نیشتمانیی كوردستان.
دیاره‌ ئه‌م هه‌ڵبژاردنه‌ ده‌بێ هانده‌رێك بێ بۆ هه‌موو هه‌ڤاڵانی ناو یه‌كێتیی نیشتمانیی كوردستان هه‌ر له‌ سكرتێری گشتییه‌وه‌ تا سه‌ر هه‌ڤاڵانی مه‌كته‌بی سیاسی ‌و هه‌ڤاڵانی كۆمیته‌ی سه‌ركردایه‌تی ‌و تا سه‌ر هه‌ڤاڵانی مه‌ڵبه‌نده‌كان ‌و هه‌موو هه‌ڤاڵان، ده‌بێ ئه‌م كۆبوونه‌وه‌یه‌  ببێتە وانە بۆیان ‌و هه‌مویان بزانن كه‌ له‌ناو یه‌كێتیی نیشتمانیی كوردستاندا هه‌ڵبژاردن هه‌یه‌، نوێبوونه‌وه‌ هه‌یه‌، ئاڵوگۆڕ هه‌یه‌، پێخستن‌و داوخستن هه‌یه‌، سه‌رخستن‌و هێنانه‌ خواره‌وه‌ هه‌یه‌، بۆیه‌ ده‌بێ هه‌موویان به‌وپه‌ڕی چالاكی ‌و دڵسۆزی ‌و هۆشیارییه‌وه‌ خه‌بات بكه‌ن بۆ ئه‌وه‌ی كه‌ هه‌موو تواناو ئیمكانیاتی فیكری ‌و سیاسی خۆیان به‌كاربێنن بۆئه‌وه‌ی شایسته‌ی ئه‌و شوێنانه‌ بن كه‌ به‌ته‌مان بچن لێی بن، ئه‌وه‌ش دیاره‌ ده‌بێ هاندان بێت بۆ خرۆشاندنی هه‌ڤاڵان‌و  هێنانه‌ جۆش ‌و خرۆشی تێكۆشه‌رانی یه‌كێتیی نیشتمانیی كوردستان، پێویسته‌ هانده‌ربێت بۆ ئه‌وه‌ی زیاتر خۆمان هۆشیار بكه‌ینه‌وه‌، زیاتر گرنگی بده‌ین به‌ گه‌شه‌پێدانی چۆنایه‌تی رێكخسته‌كان ‌و هه‌ڤاڵه‌كان ‌و كادیره‌كانی خۆمان، پێویسته‌ زیاتر هانده‌ربێت بۆ ئه‌وه‌ی هه‌موو یه‌كێك له‌ ئێمه‌ ئه‌ركی مێژوویی خۆی له‌ناو یه‌كێتیی نیشتمانیی كوردستاندا باشتر بزانیت ‌و باشتر به‌جێی بهێنێت.
کۆنفرانسەکە وەرچەرخانێکە لە مێژووی یەکێتییەکەماندا
جارێكی تر سلێمانی ده‌بێته‌ پێشڕه‌و له‌ناو رێكخستنه‌كانی یه‌كێتیی نیشتمانیی كوردستانداو ئه‌وه‌ش پێموایه‌ شایسته‌ی خه‌بات ‌و تێكۆشان ‌و مێژووی ئه‌و شاره‌ قاره‌مان ‌و هۆشیاره‌یه‌، ئه‌و شاره‌یه‌ كه‌ هه‌میشه‌ له‌ میژووی میلله‌تی كورددا دڵی زیندووی كوردستان، ئاوات ‌و ئامانجه‌كانی گه‌لی كوردستان  تێیدا جێی خۆیان كردۆته‌وه‌‌ و ئاره‌زووه‌كانی خۆیان له‌وێوه‌ ده‌ربڕیوه‌، ده‌نگی گه‌لی كوردیان به‌ خه‌ڵكی كوردستان ‌و عیراق ‌و خۆرهه‌ڵاتی ناوه‌ڕاست‌و به‌ دنیاش گه‌یاندووه‌، ئه‌م هه‌ڵبژاردنه‌ به‌لای منه‌وه‌ سه‌ره‌تای وه‌رچه‌رخانێكی گرنگه‌ له‌ مێژووی یه‌كێتیی نیشتمانیی كوردستاندا، سه‌روه‌رییه‌كی یه‌كجار زوو زه‌وه‌ندی هه‌یه‌ له‌ مێژووی گه‌لی ئێمه‌دا‌و ئه‌گه‌ر بێژمێرین هه‌ریه‌كه‌یان به‌ته‌نها به‌سه‌ بۆئه‌وه‌ی كه‌ حزبێكی دیار شانازیی پێوه‌ بكات چ جای ئه‌وه‌ی هه‌موویان پێكه‌وه‌ كۆبكرێـنه‌وه‌‌و هه‌موویان پێكه‌وه‌ بخرێنه‌ مێژووی گه‌له‌كه‌مانەوە کە  به ‌خوێنی گه‌شی هه‌زاران  شه‌هیدی یه‌كێتیی نیشتمانیی كوردستان  و ده‌یان ئه‌ندامی سه‌ركرده‌و كادیری  لێهاتووی سیاسی ‌و عه‌سكه‌ری یه‌كێتیی نیشتمانیی كوردستان له‌ مێژووی گه‌له‌كه‌ماندا تۆماركراوه‌.
 ئه‌م وه‌رچه‌رخانه‌ پێویسته‌ بۆ ئه‌وه‌ بێ ‌و به‌ره‌و ئه‌وه‌بێ كه‌ ئه‌ركه‌.
print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

عومەر شێخمووس:لە رۆژئاڤا كورد كارتی گرنگی سیاسی لەبەردەستە

عومەر شێخمووس سیاسەتمەدار و كەسایەتیی سەربەخۆی رۆژئاڤای كوردستان رایگەیاند: لە ...