سەرەکی » ئابووری » پڕۆژەیاسای ئەنجومەنی بنیادنانەوە رەوانەی پەرلەمان دەکرێت

پڕۆژەیاسای ئەنجومەنی بنیادنانەوە رەوانەی پەرلەمان دەکرێت

ئەنجومەنی وەزیرانی عیراق لە میانی دانیشتنی هەفتانەی خۆیدا پڕۆژەی یاسای ئەنجومەنی بنیادنانەوەی پەسەندکرد بۆ ئەوەی پێشکەش بە ئەنجومەنی نوێنەران بکرێت، ئەو پڕۆژە یاسایە بە هاوبەشی لەنێوان سەرۆکایەتی کۆمار و ئەنجومەنی وەزیران ئامادەکرابوو بەسود وەرگرتن لە راوێژی ژمارەیەک لە پسپۆڕان و خاوەن تواناکانی ئەو بوارە.
ئامانج لە پرۆژە یاساکە بریتییە لە بنیادنانی ژێرخانی ئابووری و دەستپێکردنی پڕۆژەی گەورە لە وڵاتدا وەک رێگاوبان و پردو فڕۆکەخانەو پڕۆژەکانی تر، هاوکات رۆڵیکی کاریگەر دەبینێت لە نەهێشتنی بێکاری ئەویش لەڕێگەی هاندانی وەبەرهێنان و خستنەگەڕی دەستی کار لەگەڵ چاودێریکردنی بنیادنانی پڕۆژەی ستراتیژی و پیشەسازی و کشتوکاڵی و تەندروستی و نیشتەجێبوون و بەردەوامیدان بەو پڕۆژانە بەگوێرەی پێوەرو پێودانگە نێودەوڵەتییەکان.

پێكهاتەی ئەنجومەنەكە
پڕۆژەی ئەنجومەنی بنیادنانەوە دەسەڵاتی فراوانی پێ دەدرێت بۆ ئەوەی چاودێری و سەرپەرشتی پڕۆژەکان بکات و بەڕێوەیان بەرێت و جێبەجێشیان بکات، هاوکات دەرفەتی کار بڕەخسێنێت و ببێتە مایەی ئەوەی کە هاووڵاتیانی عیراقی سود لە داهاتەکانی دەوڵەت وەرگرن لە رێگەی دابەشکردنی سودی پڕۆژەکان بەسەریاندا و ئەولەویەتیان پێ بدرێت بۆ ئەوەی لە پڕۆژەکانی ئەنجومەنەکدا بەشداربن، هاوکات پڕۆژەی گەشەپێدانی گرنگی ئابووری جێبەجێبکەن بۆ ئەوەی پەرە بە داهاتەکانی عیراق بدەن لەڕووی مادی و مرۆییەوە، هەروەها کەرتی کارای نیشتمانی دابمەزرێنن کە تیایدا کێبڕکێی ئازاد بێنێتە کایەوەو پاڵنەرێکیش بێت بۆ گەشەپێدانی زیاتر.
پڕۆژە یاساکە ئاماژە بۆ ئەوە دەکات کە ئەنجومەنی بنیادنانەوە پێکدێت لە سەرۆکی ئەنجومەنی وەزیران کە سەرۆکایەتی دەکات و بەڕێوەبەری جێبەجێکاری ئەنجومەنەکەش جێگری سەرۆک وەزیران سەرپەرشتی دەکات، هەروەها ئەندامێتی هەر یەک لە وەزارەتەکانی دارایی و نەوت و پلاندانان و ئەمیندارێتی گشتی ئەنجومەنی وەزیران لە خۆدەگرێت، جگە لەوەش پێنج ئەندام لە کەرتی تایبەت و شارەزایانی کاروباری بنیادنانەوەو بەڕێوەبردنی پڕۆژە گەورەکان و بنیادنانەوەو وەبەرهێنان دەبنە ئەندامی ئەو ئەنجومەنە.

بەدیهێنانی زۆرترین قازانج یان گەشەپێدان
پڕۆژەکە ئەرکی ئەنجومەنەکە دیاری دەکات کە بریتییە لە گفتوگۆکردن بە گوێرەی پرەنسیبی کێبڕکێ و شەفافیەت و دادپەروەری و بەدیهێنانی زۆرترین قازانج یان گەشەپێدان لەگەڵ لایەنە عیراقییەکان یاخود بیانییەکان لەپێناوی بەدیهێنانی ئامانجەکانی ئەو ئەنجومەنە، لەلایەکی تریشەوە کارکردن لەگەڵ رێکخراوە نێودەوڵەتی و کۆمپانیا خاوەن پسپۆڕی و نێودەوڵەتییەکان بۆ ئەوەی توێژینەوەو دیزاین و نموونەی خۆیان پێشکەش بکەن تا لە گرێبەست و بەڵگەنامەو خزمەتگوزارییەکان جێگەیان بکرێتەوە کە پەیوەستن بە کاروباری ئەنجومەنەکە، هەروەها سیستەم و سیاسەت و پلان و بەرنامەو بڕیارەکان دابنێت کە وەزارەت و بەڕێوەبەرایەتی و کەرتی تایبەت پەیوەست دەکات بە جێبەجێکردنی، هەروەها پڕۆژەکە ئەو دەسەڵاتە دەدات بە ئەنجومەنەکە کە مومارەسەی ئەرک و پسپۆڕی وەبەرهێنانی نیشتمانی بکات کە لەیاسای وەبەرهێنانی ژمارە 13ی ساڵی 2006دا هاتووە کە تایبەتن بە پڕۆژەکانی ئەنجومەنەکە، هاوکات ئەنجومەنەکە دەسەڵاتی ئەوەی هەیە مۆڵەتی وەبەرهێنان بدات بەگوێرەی ئەو سیستەمەی کە ئەنجومەنەکە دەریدەکات.
هەر لە پڕۆژە بڕیارەکەدا هاتووە کە ئەنجومەنەکە ئەرکی وەرگرتنی خستنەڕووی پڕۆژەکان و شیکاری و لێکدانەوەی باشتریان بۆ جێبەجێدەکات، بۆ ئەوەی پڕۆژەکان بەگوێرەی رێساکانی ئەم یاسایەو رێنماییەکانی جێبەجێبکرێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

دراوی دڵـنیاكەر و تـارمـایـی داچـوونـی ئـابـووری

فەیسەل عەلی* مەترسییەكانی روودانی بێبازاڕی ئابووریی جیهانی فراوان روو لە ...