سەرەکی » دۆسێ » ئیسرائیل بەردەوامە لەسەر بۆردومانی بنكە ئێرانییەكان لە سوریا

پێیوایە مایەی مەترسین

ئیسرائیل بەردەوامە لەسەر بۆردومانی بنكە ئێرانییەكان لە سوریا

سوپای ئیسرائیل رایگەیاند، ژمارەیەك بنكەی فەیلەقی قودسی سەر بە سوپای پاسدارانی ئێرانیان لە دیمەشق بۆردومانكردووە، بە گوتەی سوپای سوریاش زۆرینەی موشەكەكان تێكشكێنراون.
سوپای ئیسرائیل لە 20ی تشرینی دووەمی 2019، لە بەیاننامەیەكدا رایگەیاندبوو»وەك وەڵامدانەوەی ژمارەیەك هێرشی موشەكی كە هێزە ئێران لە ناوچەكانی سوریاوە رووبەڕووی وڵاتەكەیانی كردووە، بنكەیەكی سوپای پاسدرانی ئێرانیان لە دیمەشق بۆردومان كردووە، لەگەڵ ئەوەشدا لەو بۆردومانەكەدا ژمارەیەك بنكەی سەربازی سوپای سوریا تێكشكێنران».
هەر لە بەیاننامەكەی سوپای ئیسرائیلدا هاتووە»»هێزەكانی ئیسرائیل بۆ رووبەڕوبوونەوەی هەڕەشە و مەترسییەكان، هەموو جۆرە سیناریۆیەك ئامادەن، لە پێناو پاراستنی هاوڵاتیاندا هەموو رێڕەوێك دەگرنەبەر».
لەبەرانبەردا سوپای سوریاش لە بەیاننمەیەكدا رایگەیاندبوو»هێزەكانی ئیسرائیل لە نزیك ناوچەی جۆلانی سەرسنور، ژمارەیەك موشەكیان ئاراستەی ناوچەكانی دیمەشقی پایتەخت كردووە، هێزەكانی  بەرگری سوریاش زۆربەی هەرەزۆری موشەكەكانیان تێكشكاندووە».
بەرەبەیانی 19ی تشرینی دووەمی 2019، تەقینەوەیەك لە نزیك فڕۆكەخانەی دیمەشق رویدا و چالاكوانانیش لەو بارەیەوە رایانگەیاندبوو كە هێرشە لەلایەن فڕۆكەكانی ئیسرائیلەوە ئەنجامدراوە و لە هێرشەكەشدا پێنج موشەك ئاراستەی باشووری دیمەشق كرا.
بەگوێرەی هەواڵ، لە بۆردومانەكانی ئیسرائیل لە سوریا، ژمارەیەك سەربازی ئێرانی كوژراون و ژمارەیەكی تر برینداربوون، وێڕای كەوتنەوەی زیانێكی زۆری ماددی بەو شوێنەی كە لەلایەن هێرشەكەی ئیسرائیلەوە كرابووە ئامانج.
هەر لەبارەی سوریا و ئیسرائیلەوە، وتەبێژی وەزارەتی دەرەوەی فڕەنسا داوای لە ئێران كردبوو «چیتر كارێك نەكات ببێتە هۆی تێكدانی سەقامگیری سوریا، وڵاتەكەشی هێشتا پابەندە بە پشتیوانیكردنی ئاسایشی ئیسرائیلەوە.
ئانیس ڤۆن دێر مول، وتەبێژی وەزارەتی دەرەوەی فەرەنسا لە 21ی تشرینی دووەمی 2019 رایگەیاندبوو، «فەرەنسا سەرلەنوێ‌ جەخت لەسەر پابەندبوونی وڵاتەكەیدەكاتەوە بە ئاسایش و سەقامگیری ئیسرائیل».
بە وتەی بەرپرسەكەی فەرەنسا»پاریس لەگەڵ رێگەچارەی سەربازیدا نییە بۆ تەنگژەكانی سوریا و جەخت لەسەر خۆبەدوورگرتن دەكاتەوە لە دروستبوونی هەر گرژی  و ئاڵۆزییەك كە لە خۆرهەڵاتی ناوەڕاستدا بێتەئارا».
وتەبێژی وەزارەتی دەرەوەی فەرەنسا  دەڵێت»داوا لە ئێران دەكەن هیچ كارێك نەكات ببێتە هۆی ناسەقامگیری لە سوریادا».
لە 20ی تشرینی دووەمی 2019، سوپای ئیسرائیل لە بەیاننامەیەكدا  رایگەیاندبوو «فڕۆكەكانی بۆردومانی دەیان ئامانجی سەربازی ئێرانیان كردووە لە سوریا، ئەمەش وەك وەڵامێك بۆ ئەو هێرشە موشەكیانەی كە پێشتر لە سوریاوە بە ئاراستەی ئیسرائیل هەڵدرابوون».
print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*