سەرەکی » هەواڵ » لە خانەقین دوو جووتیاری كورد شەهیدكران

لە خانەقین دوو جووتیاری كورد شەهیدكران

لەگوندی (مێخاس)ی سەر بە قەزای خانەقین، چەند چەكدارێكی نەناسراو دوو جووتیاری كوردیان بەناوەكانی (نەبەرد ناسر، حاتەم محەمەد) شەهیدكرد و ئامێر و دەغڵ و دانەكانیشیان سووتاندن.

رووداوەكە شەوی 10\11/5 بووە، كە لەكاتێكدا ژمارەیەك جووتیاری كورد سەرقاڵی كاری دروێنەی دەغڵ‌ودانەكانیان بوون، چەند چەكدارێكی نەناسراو هەڵیانكوتاوە سەریان، سەرەتا سێ‌ تراكتۆرو دەڕاسەو كەلوپەلی جووتیارەكانیان سووتاندووە، پاشان دەغڵ‌ودانەكانیان سووتاندووە.

بەپێی وتەی شایەتحاڵەكانی سنوورەكەش، چەكدارەكان رێگەیان نەداوە كەس لێیان نزیك بێتەوەو تەقەیان كردووە، كاتێكیش ناوچەكەیان چۆڵ كردووە، خەڵكی گوندەكە بەهاوكاریی هێزە ئەمنییەكان چوونەتە شوێنی رووداوەكە‌و بینیویانە هەردوو جووتیارەكە شەهیدكراون.

شایانی باسە، چەندین جارە ئەم جۆرە رووداوانە لەو گوندە، كە زۆرینەی دانیشتووانەكەی كوردی كاكەیین، دووبارە دەبێتەوە، ئەوە لەكاتێكدایە هێزە ئەمنییەكان لەناوچەكەدا بوونیان هەیە، بەڵام تائێستا نەیانتوانیوە سنوورێك بۆ ئەو دەستدرێژیانە دابنێن.a

print

 177 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*