سەرەکی » هەواڵ » ساڵۆنی لاپەڕە 9، كتێبـی (لە پشت دەرگا داخراوەكان، هەولێر-دیاربەكر)ی ناساند

ساڵۆنی لاپەڕە 9، كتێبـی (لە پشت دەرگا داخراوەكان، هەولێر-دیاربەكر)ی ناساند

ئەمڕۆ، لە ساڵۆنی لاپەڕە 9ی ناوەندی هەولێری مەكتەبی راگەیاندنی یەکێتیی نیشتمانیی کوردستان، كۆڕێك بۆ ناساندن و دابەشكردنی كتێبـی (لە پشت دەرگا داخراوەكان، هەولێر-دیاربەكر)، رێكخرا.

لەڕێوڕەسمەكەدا، كە ژمارەیەك لە پەرلەمانتاران و یەكێتیی پەرلەمانتارانی كورستان و نووسەران و رۆشنبیران ئامادەیبوون، نازم دڵبەند بەڕێوەبەری كۆڕەكە، تیشكی خستەسەر كتێبـی (لە پشت دەرگا داخراوەكان، هەولێر-دیاربەكر) و ئامانجی نووسەر لە بڵاوكردنەوە، كە تێیدا بەسەرهاتەكانی سەردەمی پێشمەرگایەتی و زیندانەكانی هەولێر و دیاربەكری، گێڕاوەتەوە.

پاشان، نووسەر و سیاسەتمەدار ئارێز عەبدوڵڵا خاوەنی كتێبـی (لە پشت دەرگا داخراوەكان، هەولێر-دیاربەكر)، تیشكی خستەسەر چۆنێتی ئامادەكردنی كتێبەكەی و نووسینی بەسەرهاتەكانی لەو سەردەمەدا و رایگەیاند: لەپشت دەرگا داخراوەكان، كتێبێكە لە زنجیرەی (زایەڵەی تەمەن)، كە هەوڵمداوە بەشێوازێكی تایبەت و وێژەیی؛ پێشكەشی خوێنەرانی بكەم، وتیشی: لە كتێبەكەمدا باس لە ژیانی پێشمەرگایەتی و زیندانەكانی ئەوێ رۆژێم دەكەم، دواتر بەراوردێك لەگەڵ سەردەمی حوكمڕانیی كوردستان.

نووسەر، ئەوەشی وت: كتێبەكەم لەساڵی 2020 چاپكراوە، لە سێ بەش پێكهاتووە، بەشی یەكەم دەربارەی زیندانی هەولێرە و زیاتر بە زیندان لە پەنجەرەكەمەوە بڵاوكراوەتەوە، بەشی دووەم دەربارەی زیندانەكانی دیاربەكر و هەكاری-یە، بەشی سێیەمیش باس لەماوەیەكی كورتی نێوان هەردوو زیندانی هەولێر و دیاربەكر، دەكات.

 123 جار بینراوە